Éxodo 15:2 - Kuna San Blas

² An-namaked, Bab-Jehováʼga an namaked. Ar Bab-Jehová an-ogannogedid, an-abonogedid. Bab-Jehová an-Bab-Dummadid, an a-e-nug odummogoed. We-Bab-Jehová an-bab-e-Bab-Dummadid, an a-e-nug ogannoged.

Éxodo 15:2 Iomraidhean Croise

Génesis 17:7

Degisadegu, an bebo igar-mesoed, degine, yoedse be-wagan-ebo an igar mesbaloed. Ani, an degisadegu be-Bab-Dummadga guoed. Degine, be-sorba be-wagan-e-Bab-Dummadga degisadegu an gubaloed.

Génesis 49:18

Jacob sogdebalid: “¡Bab-Jehováʼye, bela-bela be an-abonoged, an-edarbediid!”

2 Samuel 22:3

An-Bab-Dummad an-niga-ogannogedid, egi an benguosulid. Anga sigu-abgaedyob gued, an-abonoged-gandikidid. Bab-Jehová an-odukuedga gued, an-bendakedid. Neg-bulegangi be an-bendaksadid.

2 Samuel 22:47

”¡Bab-Jehová dula mai! ¡An be-nug-ogannoged. Akwa-gandikidyob be anga gued! An-Bab-Dummad-an-abonoged, an be-odummoged.

2 Samuel 22:51

”Bab-Jehová, e-rey-onakwega imaked. Bab-Dummad David-na-nug-imaksadga, degi, David-e-wagangala, e-wiledakedbali, e-sabguedi degisadegu oyomai gudoed.”

2 Samuel 7:24

Bab-Jehová, Israel-dulemar degisadegu be-dulamarga be imaknonisunnad. Degisoggu, Bab-Jehová, e-Bab-Dummadga be gunonikid.

2 Samuel 7:5

“An-mai-Davidʼse be nao, ega be sogdapo: ‘Weyob Bab-Jehová soged: ¿Anga be neg-sobosi, egi an megega? Suli.

1 Reyes 8:13

Bab-Jehová, degi-inigwele, an bega neg-bur-birigined sobsad. A-neggi degisadegu be gudii guegar.”

1 Reyes 8:27

”Degi-inigwele, we-napneggi be megegala, ¿sunna we-napnegde bega unniguosi? Ar nibneg-naidbela, billimar-nibneg-nanaidbela, unnisulid. Degite, be-nug-odummoleged-neg an-bega-sobsad-bursunna, ¿sunna unniguosi?

1 Crónicas 16:14

Bab-Jehová, anmar-Bab-Dummad gued. Bela e-sogedba napneggi igar-inniki semaid.

Salmo 109:1

Bab-Dummad, an be-nug ogannoged. Melle be an-abin-imaksuli gue.

Salmo 118:14

Ar Bab-Jehová an-niga-gandikidga gued, an-namakedga gued. Ar Bab-Jehová an-abonogedid.

Salmo 118:21

Bab-Jehová, be an-abin-imaksasoggu, an bega dog-nuedye soged, ar be an-abonosad.

Salmo 118:28

Bab-Jehová, ar be an-Bab-Dummadid, agala, an bega dog-nuedye soged. Bab-Jehová, ar be an-Bab-Dummadid, agala, an be-nug-odummoged.

Salmo 132:5

Bab-Jehováʼga-neg-amiedse, an deyob guoed. Jacob-wagan-e-Bab-Dummadga-neg-amiedse, an deyob guoed.”

Salmo 140:7

Bab-Jehová-Dule-Dummad, be an-Bab-Dummad-bur-gandikidid. Bila-onolegedgi be an-bendakedid.

Salmo 145:1

An-Bab-Dummad, an-Rey, be-nug an odummogoed. Degisadegu, be-nuggi nued sunmakdigu an guoed.

Salmo 18:46

¡Bab-Jehová dula-mai! ¡Bab-Jehová, unnila bebi an-bendaked maid! ¡Be-nug an odummosun! Bab-Jehová, be an-abonogedid. Be-nug bela-bela odummolesun.

Salmo 22:10

Bab-Dummadye, sapidukugi-an-maigu, be nue an-akwisad. Amba sapidukugi-an-maigu, bato be an-Bab-Dummadid.

Salmo 22:3

Be dule-islidikidid, Israel-dulemar bega namakmalad.

Salmo 27:1

Bab-Jehová anga burba-dulad ukedid, an-abonogedid. ¿An doa dobguosunna? Bab-Jehová an-gandikidga gued. ¿An doase gwayosunna?

Salmo 28:8

Bab-Jehová, na e-mimmiganga dule-gandikidga gued, Bab-Jehová, na e-nuggi rey-nugsalegaledga abonoged-gandikidga gued.

Salmo 30:1

Bab-Jehová, an be-nug ogannoged, ar be an-bendaksad. An-isdarmalad mer angi wergumalaga be imaksad.

Salmo 34:3

Bemar an-balikwaa Bab-Jehová-e-nug odummomar, anmar bela danakwaa e-nug odummomar.

Salmo 48:14

We-Bab-Dummadi, anmar-Bab-Dummad-degisadeguadid. Bab-Dummadi, anmar-idudii sadeguoed.

Salmo 59:17

Be, an-ganguedid, an bega namakoed, ar bedi, Bab-Dummad, an-dukuedid. Bab-Dummad, be an-sabedid.

Salmo 68:20

Anmar-Bab-Dummadi, dule-bendakmaidid. Bab-Jehová-Bur-Dule-Dummad burgwed-igargi anmar-onogedid.

Salmo 99:5

Anmar-Bab-Dummad-Jehová-nug odummomala, Bab-Jehová-asabin, napase-dulluu Bab-Jehová-nug odummomala. ¡Bab-Jehová, dule-isligwaledid!

Salmo 99:9

Anmar-Bab-Dummad-Jehová-nug odummomala, e-yar-islidikidgi, e-nug odummomala. ¡Anmar-Bab-Dummad-Jehová, dule-isligwaledid!

Éxodo 14:13

Moisésʼdi Israel-dulemar-abin sogded: —Melle be dobgumar. Gandik be imakmar. Bab-Jehová bemar-bendakega-ibmar-imakoed be nue dakmar. Ar ade, emi bemar Egipto-dulemar-dakedi, bipisaale gwen bar-dakosurmalad.

Éxodo 3:6

Bab-Dummad sogdebalid: —Ani an be-babgan-e-Bab-Dummadid. Ani an Abraham, Isaac, degi, Jacob-e-Bab-Dummadid. Geb degi, Moisés dobe-Bab-Dummad-wagar-dakedba na e-wagar edusad.

Éxodo 4:22

”Geb degine, Faraónʼga be sogoed: ‘Bab-Jehová weyob soged: Israel an-machi-sailaginedid.

Éxodo 40:34

Bab-Dummadse-goled-neg-sunna-selegedgi, dulemar-ambikuedgi mogir nagunonikid. Geb a-neggi bela-bela-ena Bab-Jehová-e-gangued-yeerdakleged aidenonikid.

Éxodo 6:7

Ani an be-sumaloed, an-dulamarga an be-imakmaloed. Ani an be-Bab-Dummadga guoed. ” ’Deyobi, bemar wisgumaloed, ani an be-Bab-Dummad-Jehová gued. Deginbali, bemar wisgumarbaloed, ani an Egipto-dulemar sabsur-bemar-oarbananaimargu an bemar-onosad.

Isaías 12:2

Bab-Dummad, an-abonogedid. An egi benguosulid, an dobee itogosulid. Bab-Jehová, be an-ogannogedid, Bab-Jehová, anga namakedga gued, be an-abonogedga gued.”

Isaías 25:1

Bab-Jehová, be an-Bab-Dummadid. An bega namakoed, an be-nug odummogoed, ar be ibmar-gegerdaklemalad imaksad. Be-Igarmar epennegwad-akale bela napiragwadbiid, degi, inniki maiguad.

Isaías 45:17

Israel-dulemar Bab-Jehováʼgi-nue-bendaklesmalad, bendakles sadegumaloed. Bali-bipisaale, bingedar-itogosurmalad, bali-san-bipi imaklegosurmalad.

Isaías 49:6

Bab-Dummad weyob e-maiga soged: “Be an-maiga-guedgi, unnila be anga Jacob-waganbi gannarse nudakosulid. Unnila be anga Israel-dulemarbi gannar-e-yarse sedagosurbalid. Dulemar-yar-baid-baidgi-bukmaladga, neg-meegwadga-guega an be-imakbalid, degi, bela napaneg-naid-ugakaasega, an-abonoleged-igar-sedega an be-imakbalid.”

Isaías 66:1

Bab-Jehová weyob soged: “Nibnega an-ologana gued, napneg an-nag-onakwed gued. ¿Ibi-neg be anga sunna sobsamarsunnale? An-obunnoged-neg, ¿bia be anga sobmalosunna?

Jeremías 3:23

Ar anmar binsa bab-dummaganse-gorleged-e-yar-mulluganase naoed, binsa a-yalaganba anmar iba-galagwensulid ononamaloed. Bab-Dummad-Jehová, unnila anmar beginbi abonoleged-igar-maid amied.

Jeremías 31:33

Bab-Jehová soged: “A-ibagangine, Israel-dulemar-ebo an weyob igar mesoed: E-gwage-ulubgi an-igar an ega nasikoed, e-binsaedgi an-igar an ega narmakoed. Ani an e-Bab-Dummadga guoed, emar an-dulaga gumarmogoed.

Jeremías 32:38

Israel-dulemar an-dulaga guoed, Ani an, e-Bab-Dummadga gumogoed.

Habacuc 3:13

Be-dulamar-bendakegala, be noalid, na be dule-nug-imaksad-bendakegala, be noalid. Dule-isganamar-e-rey-nono, be maad imaksad, bela e-negsemaid e-ibe be obelosad.

Zacarías 13:9

Degi-inigwele, we-dule-durgusmaladdi, an soogi odurdakoed. Ar igi mani swilidik-guega soogi-dulege, deyobi, an swilidik imakoed, ar igi or soogi wilubdaklege, deyobi, an wilubdakoed. Geb degine, we-dulemar anse gornanai gumaloed, geb an, abin-imakoed. An sogdoed: ‘Wemar, an-dulamalad.’ Wemar sogdemogoed: ‘Bab-Jehová, anmar-Bab-Dummadid.’ ”

Lucas 1:77

Be abonoged-igargi e-neggwebur-odurdakega be guoed. Adi, Bab-Dummad dulemarga isgumalad-eliegar.

Lucas 2:30

ar ade, an-ibyagwar Bab-Dummad-dule-abonogoed-barmialid an daksad.

Juan 4:22

Bemar Samaria-dulemar be wissurmalad, doa-e-nug bemar odummonanai. Anmar-Judíoʼmardi wismalad, ar doa-e-nug anmar odummomala. Ar ade, dulemar-abonoleged Judíoʼmargi danikid.

Juan 5:23

adi, igi E-Bab-nug ogannodamarmoga, deyobi bela dulemar E-Machi-nug ogannomogagar. Ar dule E-Machi-nug odummosulile, E-Bab-nug odummosurmogad. Ar ade, Bab na E-Machi barmialid.

Gusmalad 4:12

”Degisoggu, dule-baid-nuggi geg anmar abonoleged. Ar we-napneggi abonolegega anmarga dule-baid uklessulid, unnila Jesús-nugginbi anmar abonoleged.”

2 Corintios 5:19

Bab-Dummad Cristoʼgi dule-we-napneggi-bukmalad-ebo igar nabosad. Dule-e-isguedgi Bab-Dummad bar binsadasulid. Degine, Bab-Dummad dulemarbo-igar-nabogedgi-sunmakega anmarga igar uksad.

Efesios 2:22

Agi bemar, Cristoʼgi-akani, nue-soblemaimarmogad, adi, bela bemar neg-nuedga guegar. A-neggi Bab-Dummad na E-Burbabali anmargi megegar.

Deuteronomio 10:21

Ar bemar ise-dakarmalad, igi Bab-Dummad ibmar-dummagan, ibmar-gegerdaklemalad bemarga imaksa. Degisoggu, be gatik e-nug-odummomar. Ar Bab-Dummad, be-Bab-Dummadid.

Filipenses 2:11

Degi, belagwapa sogmalaga, Jesucristo bur-Dule-Dummadye, adi, Bab-Dummad-nug odummolegegar.

Filipenses 4:13

Ar Cristo na e-gangued-anga-ukedba, an nabir bela ibmar saed.

Colosenses 2:9

Ar Cristoʼgi bela Bab-Dummad-gued sanar dakleged.

Apocalipsis 15:3

Amar, Bab-Dummadga-arbaed-Moisés-e-namaksad namakbukwad, degine, Sibad-Wawaad-Mimmigi-namaklegedgi namakbukwamalad. Weyob namakbukwad: “Bab-Dummad-Bur-Birigined-Bela-Gangued-Nikad, be-ibmar-imakedi, nue-dummarbad. Be ibmar-imakedi, geger-daklegedid. Be, dulemar-yar-baid-baidgi-bukmalad-e-Reyd. Igar-innikigwad, igar-napiragwad be imakbalid.

Apocalipsis 19:1

We degigusad-sorbali, nibneggi dulemar-bukidara-gole an itosad. Binnasuli weyob sogbukwad: “¡Aleluya! Abonoleged, nug-odummoleged, gandikidba-yeerdakleged, degi, gangued, bela anmar-Bab-Dummadgadid.

Jueces 5:21

Canaán-sordamar, Cisón-diwar obelolesmalad. Cisón-diwarde, gusgu dikasurgus-maid. Ani an Débora-gued, ¡Gandikidgi an naoed!