Éxodo 15:10 - Kuna San Blas

¹⁰ Bab-Jehová, ar be burwa-ogochadba, be demarse-dolegega imaksad. Gingwayobi dii-gandikidba-nukamakmaidgi dogdemalad.

Éxodo 15:10 Iomraidhean Croise

Génesis 8:1

Geb degine, Bab-Dummad Noéʼgi, degi, ibmar-durgan-sapurbarmaladgi, ibmar-durgan-sunna-akwilemaladgi, bela ur-dummadyaba-bukwadgi binsaded. Bab-Dummad we-napneggi burwa ogornonikid. Geb degi, dii ilided.

2 Samuel 18:8

Bila-onoleged bela yar-gasa nagunonikid. A-ibagine, bila-onolegedba sordamar bur bule sapurba burgwismalad.

Nehemías 9:11

Israel-dulemar-wagab, demar negabar be egasad. A-demar-abargi, Israel-dulemar neg-dinnagwadgi obaksagusmalad. Ar Israel-dulemar-baregindanimaladdi, dii-ulakse be egwachad, igi akwa dii-ulakse egwalleddaedyob be imaksad.

Salmo 135:7

Bab-Jehová neg-oagnakwiardaed, dii-owiegala mar-odakarmakardaed, burwa e-galugi-bukwadgi barmiardaed.

Salmo 147:18

Bab-Dummad-e-ibmar-sogedba dii-gwamakaled diree imaked. Burwa-golega imaked, geb dii gannar suurmakega imaked.

Éxodo 14:21

Degine, geb Moisés e-argan demarse oyoded. Geb agine, Bab-Jehová dad-nakwedsik burwa-binnasur ogochad. A-burwa degi-gormai oiboalid. Weyobi, a-burwa demar negabar-egaega imaksad. Deyob, Bab-Jehová, demar-abargi neg odinnosad.

Éxodo 15:5

Akwayobi wilasailase argwachamalad, degi, muu-wilasailad egi mulus nagusad.

Proverbios 30:4

”¿Doa nibnegse nakwiapi? ¿Doa nibneg-akar aidenoniki? ¿Doa e-argangi burwa gaoe? ¿Doa e-mor-dummadgi demar gaoe? ¿Doa napneg-naid-dikarmar omesisa? ¿Ar be wisi, doa we-ibmarmar-imaksa, degi, e-machi-nug be wisbali?

Isaías 11:15

Bab-Jehová, Egipto-demar-sukun-naid bela dinna nasikoed. Éufrates-diwargi e-argan oyogoed, egi burwa-uereged barmidagoed, geb we-diwargi dian-sogagugle (7) mesoed, adi, nabir nagab obakmalagar.

Jeremías 10:13

Bab-Dummad sunmakdele, nibneggi diimar uurmakardaed, magatibali, mogirmar ainakwiardaed, mala-ibyed-abalagi, dii owidaed, burwa-galumargi, burwa onidaed.

Jeremías 46:17

Degi, binnasuli weyob sogmalad: ‘¡Faraón unnila binsa ee gordii! ¡Egipto-reyga-ibmar-soglesad bergusad!’ ”

Amós 4:13

Dule-yarmar-nasiksadi, burwamar-obinnisadi, dulemarga-ibmar-guoed-sogedi, Bab-Jehováʼye nugad. Neg-meegwad, negsichidga obinyedi, yarmar-birgi-nanaedi, Bab-Jehováʼye nugad, Bab-Dummad-Bela-Gangued-Nikadid.

Mateo 8:27

Bela e-sapingan geger dakdemalad: —¿Ar we-dulede doasunna, burwase-bakale, demarse-bakale, eba ibsaed?

Deuteronomio 11:4

Egipto-dulemar bemar-baregindani-gusmargua, Bab-Jehová, wemargi, Demar-Ginnidye-nugad-arwega imaksagusad. Degidbali, e-molimar, e-ur-napaginmalad bela obelosgusad. A-ibmar-gusadi, bela be daksagusmalad. Bab-Jehová we-dulemar bela oburgwisad.