Éxodo 15:1 - Kuna San Blas

¹ Geb degidgine, Moisés, degi, Israel-dulemar we-namaked, Bab-Jehová-nug-ogannogega namakdemalad: “Bab-Jehová-nug-odummogega an namakoed, ar ibibayobi Bab-Jehová-emargi-nakwisad geger-daklege, deunni, molimar, degi, e-birgi-sigmalad, demargi ogundisgu.

Éxodo 15:1 Iomraidhean Croise

Nehemías 9:11

Israel-dulemar-wagab, demar negabar be egasad. A-demar-abargi, Israel-dulemar neg-dinnagwadgi obaksagusmalad. Ar Israel-dulemar-baregindanimaladdi, dii-ulakse be egwachad, igi akwa dii-ulakse egwalleddaedyob be imaksad.

Job 36:24

Bab-Dummad-ibmar-imaked be gatik-ogannogo, ar namaklegedba we-ibmar-ogannolenai gusad.

Salmo 105:43

Bab-Dummad e-dulamar weligwaledgi onosgusad, ber yeer-itogedgi e-dulamar-susadi onosgusad.

Salmo 106:12

Geb anmar-dadgan Bab-Dummad-ibmar-imakoye-sogsadgine, bar bengussurgusmalad, agi, Bab-Dummadga namakde gusmalad.

Salmo 107:15

Dule-nue-wiledaked-ulale, Bab-Jehováʼga doggus-nuedye be sogmala. Dulemarga-ibmar-gegerdaklemalad-imakdiid-ulale, Bab-Jehováʼga doggus-nuedye be sogmala.

Salmo 107:8

Dule-nue-wiledakmaid-ulale, Bab-Jehováʼga doggus-nuedye be sogmala. Dulemarga-ibmar-gegerdaklemalad-imakdiid-ulale, Bab-Jehováʼga doggus-nuedye be sogmala.

Salmo 32:7

Bee be an-odukuedid, nega-bulegangi bee be an-edarbedid, bendakleged-igarmargi-namakega, be an-imaked.

Salmo 76:6

Be, Jacob-e-Bab-Dummad, egi be gwichigusgua, e-moli-urmar, e-molimar geg bar nanae gusad.

Salmo 76:7

¡Bebi, unnila be-dobmalad! Be uludegwale, ¿doa be-asabin gwisguoe? Suli, dule gwen gwisguosuli.

Éxodo 14:26

Ar Bab-Jehováʼdi Moisésʼga sogded: “Demar-birgi be-argan be oyoge, adi, demar gannaryob guegar. Geb degine, Egipto-sordamargi, e-urmar-napaginmaladgi, degi, e-sordamar-moli-birgi-sii-urwemaladgi demar arweoed.”

Éxodo 14:27

Moisés e-argan demar-birgi oyoded. Oiboargu, demar gusgu-maidyob gannarse gunonikid. Egipto-dulemala wakinye sokarmalan-inigwele, ar demardi egi gwichigunonikid. Weyobi, Bab-Jehová, Egipto-dulemar demargi ogundisad.

Éxodo 15:21

María ega weyob namaknadapid: “Bab-Jehová-nug-odummogega namakmar. Molimar, degi, e-birgi-sigmalad demargi ogundisa. Ibibayobi, Bab-Jehová Egipto-dulemargi-nakwisad geger-daklege.”

Éxodo 18:11

”Deginbali, Faraón dulemar-baisursunnagwadiyob bemar-imaksabalid. Ar emigindi, Bab-Jehová Egipto-dulemar-sabsur-imaksadba nue an wissunnad, we-Bab-Jehová, baigan-bab-dummadye-sogmaladba bur-dummadid.”

Proverbios 29:6

Dule-ibmar-isgana-imakedi, dukin e-isguedse yamoleged. Dule-innikiidaeddi, weligwaledba namakdaed.

Isaías 42:10

Bab-Jehováʼga namakleged-gwapidgi be namakmar. Bemar-muu-billigi-iirmakbukwad, ega be namakmar. Demar-yagi-ibmar-dula-bukmalad, Bab-Jehová-nug odummomar. Napneg-ugakagi-bukmalad, Bab-Jehová-nug ogannomar. Bemar demar-gakaba-bukmalad, Bab-Jehová-nug be odummomar.

Jeremías 51:21

Bebali, molimar, degi, sorda-moligi-sii-urwemaladi, an obelobalid. Bebali, ur-napaginmalad-bila-onogedgi-ebulemaladi, degi, e-onanamaladi, an obelobalid.

Oseas 2:17

Be-bab-dummadyob-imaklemalad-e-nug-biega bar an be-imakosulid, degi, bipisaale bar ese be gorsii guosulid.

Habacuc 3:18

andi Bab-Jehováʼgi yeer itogoed, Bab-Dummad-an-abonogedgi, an weligwar itogoed.

Números 21:17

Agine, Israel-dulemar weyob namaksagusmalad: “¡Dii be aryoge! ¡Diaga namakmala!

Colosenses 2:15

Bab-Dummad bela burbar-gangued-nikamalad-e-gangued, degi, burbar-gandikidba-sunna-ibmar-imakmalad-e-gangued obelosad. Bab-Dummad bela dulemar-wagab, Cristo nakrusgi burgwisgua, we-burbamar-ibgwensuli imaksad, degi, egi nakwisbalid.

Apocalipsis 15:3

Amar, Bab-Dummadga-arbaed-Moisés-e-namaksad namakbukwad, degine, Sibad-Wawaad-Mimmigi-namaklegedgi namakbukwamalad. Weyob namakbukwad: “Bab-Dummad-Bur-Birigined-Bela-Gangued-Nikad, be-ibmar-imakedi, nue-dummarbad. Be ibmar-imakedi, geger-daklegedid. Be, dulemar-yar-baid-baidgi-bukmalad-e-Reyd. Igar-innikigwad, igar-napiragwad be imakbalid.