Éxodo 14:4 - Kuna San Blas

⁴ ”Andi an, aka bur bule Faraón-burguega imakoed, degine, Faraón bemar-bareginnega an imakbaloed. Geb degine, Faraónʼgi, degi, e-sordamar-bila-onomaladgi an-gargangued an oyogoed. Deyob, Egipto-dulemala wisgumaloed, ani an Bab-Jehová guye.” Israel-dulemala deyob imaksamardo.

Éxodo 14:4 Iomraidhean Croise

Nehemías 9:10

Be, be ibmar-gegerdaklemaladi, degi, ibmar-dakledisurmaladi Faraónʼgi be imaksad. Faraón-e-dummagangi, degine, bela Egipto-yargi-dule-bukmaladgi be imaksabalid. Ar ade, Egipto-dulemar be-dulamargi na-san dummarba-itogedba, gandikidgine-ibmar-imaksamalad be daksad. A-ulale, emi-ibadse, be-nug dummarba gued.

Éxodo 10:2

Deyob an imaksad, adi, be-mimmiganga be sogegar, be-waganga be sogegar, igi an Egipto-dulemar-sabsur-imaksa, degine, igi an ibmar-gegerdaklemalad amar-abargi imaksabali. Adi, agi bemar wisgumaloed, ani an Bab-Jehová gued.”

Éxodo 10:27

Ar Bab-Jehováʼdi aka bur bule Faraón-burguega imaksad, Israel-dulemar-mer-onogega imaksad.

Éxodo 12:28

Agi, geb nadmalad. Igi Bab-Jehová Moisésʼga, degi, Aarónʼga igar-uksa, aba bela deyob imaksamalad.

Éxodo 14:23

Egipto-dulemar Israel-dulemar-sorba, ubodmalad: Bela Faraón-e-molimar, bela e-urmar-napaginmalad, degi, bela e-sordamar-moli-birgi-sii-urwemalad ubodmalad. Amala, demar-neg-abaladse Israel-dulemar-baregichamalad.

Éxodo 14:25

Deginbali, Bab-Jehová, Egipto-sorda-e-ur-e-nagmar-bipirmaknanaid bela oichosbalid. Degisoggu, ugak wis binnaa nadap gusmalad. Geb Egipto-sordamala sogdemalad: “Ar ade, Bab-Jehová Israel-dulemar-anar urwenaid. Bab-Jehová anmargi gwisgunaid. Degisoggu, Israel-dulemargi anmar wakinmarsun.”

Éxodo 14:3

Adi, Faraón binsaegar: ‘Israel-dulemar wissurmarye, emarde bia namaloye. Emar nega-dulesulidganba yoggus gudimarye.’

Éxodo 14:5

Geb degi-gunaidgine, Egipto-e-reyga soglealid, Israel-dulemar wakitemarye. Egipto-e-rey, degi, ega-arbamalad, binsaed-gwagdemalad, weyob sogdemalad: “¿Ar wede, ibiga anmar Israel-dulemar-onosa? Emide, anmar we-dulemar-naega imaksagu, gwen bar anmarga arbaosurmalad. Degisulirgebed.”

Éxodo 14:8

Bab-Jehováʼdi aka bur bule Egipto-rey-Faraón-burguega imaksad. A-ular, Faraón Israel-dulemar-baregite gusad. Israel-dulemardi dobsulidba nadap gusmalad.

Éxodo 18:11

”Deginbali, Faraón dulemar-baisursunnagwadiyob bemar-imaksabalid. Ar emigindi, Bab-Jehová Egipto-dulemar-sabsur-imaksadba nue an wissunnad, we-Bab-Jehová, baigan-bab-dummadye-sogmaladba bur-dummadid.”

Éxodo 6:7

Ani an be-sumaloed, an-dulamarga an be-imakmaloed. Ani an be-Bab-Dummadga guoed. ” ’Deyobi, bemar wisgumaloed, ani an be-Bab-Dummad-Jehová gued. Deginbali, bemar wisgumarbaloed, ani an Egipto-dulemar sabsur-bemar-oarbananaimargu an bemar-onosad.

Éxodo 7:17

emigi be wisguoye, ani an Bab-Jehová guye.’ ”Moisés, emide, we-gaapoled-argangi-ganikidgi be diwar bibyodele, dii abega binyidoed. Agi Faraón wisgusunnoed, ani an Bab-Jehová gued.

Éxodo 7:3

Ar andi gatik aka bur bule Faraón-burguega an imakoed, adi, mer an-dulamar-onogegar. Deyob an imakoed, adi, Egipto-yargi ibmar-dummagan, ibmar-gegerdaklemalad an gatik imakegar.

Éxodo 7:5

An-gangued Egiptoʼgi an oyosale, degi Israel-dulemar Egipto-yargi-bukwad an onosale, agi Egipto-dulemar wisgumaloed, ani an Bab-Jehová gue.”

Éxodo 9:16

Ar emigindi, wis dula-gudiguega an be-imaksad, adi, an-gangued be dakegar, adi, bela we-napneg-naidgi an-wisgumalagar, an doa-dule gue.

Ezequiel 20:9

Degi-inigwele, an-nug-dummarba-gued melle isguega, an sabsur-odurdaksasulid. Degiile, Israel-dulemar dulemar-bamalad-abargi-gudiidgi, an-nug oicholegodole. A-ulale, an Israel-dulemar obelossulid. Ar we-dulemar-bamaladi daksamalad, igi an Israel-dulemar Egipto-yargi-noega imaksa.

Ezequiel 28:22

Bab-Jehová-Bela-Gangued-Nikadi weyob sogye, ega be soge: ‘Sidón-neggwebur, an begi yolegega an wegi gwichi, an be-abargi nug-dummarbaa guoed. Igar-maidba an sabsur-be-odurdakalile, degi, an-isligwaled an begi oyoalile, wisgumaloed, ani an Bab-Jehová gue.

Ezequiel 32:15

‘Egipto-yar, nega-dulesulidganga an imaksale, an e-ibe bela ibmar-nikad obergusale, degi, e-dulemar an bela ogilosale, geb wisgumaloed, ani an Bab-Jehová gue.’

Ezequiel 38:16

Ibagan-duku-mosale, an-Israel-dulamargi be bila-onodagoed. Neg-gudure-sigisdaedyobi bela Israel-yargi be bukunonikoed. Gog, an-yarse bila-onodagega an be-imakoed, adi, dulemar-yar-baid-baidgi-bukwamalad an-wisgumalaga, adi, an-isligwaled bemar-abargi wemarga oyolegegar.’

Ezequiel 38:23

Weyobi, an-dummarba-gued, an-isligwaled, an oyogoed. Geb bukidar dulemar-yar-baid-baidgi-bukwamalad magar an-dakmaloed. Geb degine, wisgumaloed, ani an Bab-Jehová gue.’ ”

Ezequiel 39:13

Bela Israel-dulemar wemar-digmaloed. A-ibagi, an-gangued-yeerdakleged an oyogoed, a-iba Israel-dulemarga iba-geg-ieleged guoed. Ani an Bab-Jehová-Bela-Gangued-Nikadi weyob soged.

Levítico 10:3

Geb Moisés, Aarónʼga sogded: “Bab-Jehová we, sogsa gusad. Deun sogsagusgu: ‘Dule anse warmakmaladga, an-islidik-gued an ega oyogoed. Bela dulemarga an-gangued-yeerdakleged an oyogoed.’ ” Agine, Aarón bar sunmaksasulid.

Romanos 11:8

Ar weyob e-Gardagi sognaid: “Bab-Dummad dulemar-e-gwage dutusur imaksad, e-ibya akudake imaksad, degi, e-uaya aku-ito imaksabalid. Emi-ibase, amba deyob gudimalad.” Deuteronomio 29:4

Romanos 9:17

Ar Bab-Dummad-Gardagi narmakar naid, deun Bab-Dummad Faraónʼga sogsagusgu: “A-ulale, dummadga an be-imaksad, adi, begi an-gangued an oyogegar, degine, bela we-napneg-naidgi an-nug ogannomalagar.” Éxodo 9:16

Romanos 9:18

Degisoggu, Bab-Dummad ar doa wile dakbie, a-wile-dakodo. Degine, doa uayasuli imakbie, a-uayasuli-imakodo.

Josué 11:20

Ar ade, Bab-Jehová we-reymar-e-gwagegi Israel-sordamargi-bila-onoged nasiksad. Adi, deyobi Israel-sordamar we-dulemar-wiledaksulidgi ogilogega, ar igi Bab-Jehová Moisésʼga igar-uksagusadyob.

Jueces 4:7

Geb ani an Rey-Jabín-e-sorda-bila-onomalad-e-dummad-Sísara Cisón-dianba an sedagoed. Degi, e-ur-bila-onomalad-napaginmalad, degine, e-sorda-bila-onomalad an sedabaloed. Geb agine, we-dulemargi-obinega an be-imakoed.’