Éxodo 13:9 - Kuna San Blas

⁹ Deginbali, we-iba, bemar-sakwagi, bemar-bebegindibe, wilub-naiyob guoed. We, bemar-insaega imakoed, bemar Bab-Jehová e-igar-maidgi sunmakdiguewilubbid, ar ade, Bab-Jehová gandikidba Egipto-yargi bemar-onosad.

Éxodo 13:9 Iomraidhean Croise

Nehemías 1:10

”Bab-Jehová, anmar be-maiganad, degi, be-dulamarbalid, ar bela-bela be-ganguedba be anmar-abonosad.

Salmo 136:11

Bab-Dummad, Egipto-yargi Israel-dulemar onosad. A-e-nug odummomar. Ar e-sabguedi, degisadeguad.

Salmo 136:12

Bab-Dummad gangued-nikadba e-sakwa oyogwichigusad, e-surgan oyogwichigusad. A-e-nug odummomar. Ar e-sabguedi, degisadeguad.

Salmo 89:13

Bab-Jehová, bela-bela be gangued-nikadba be ibmar-dummagan imaked. Be-argan-nued be onakwed, ar be emargi obichad.

Éxodo 12:14

” ’We-iba bemar insaewilubmalad. Bemar we-iba, iba-dummad Bab-Jehováʼga onogewilubmalad. Bemar igar mesoed, adi, be-waganmar, we-iba igar-maidba degisadegu onodii gumalagar.

Éxodo 12:41

Birga-dulataled-ilabake gaka-dulagwen-gakambegi (430), Bab-Jehová-e-sordamar Egipto-yargi-bukwad danar-danar ainiarmalad.

Éxodo 13:14

”Ar ibagwengi be-machi bese egichialile, ar wede ibi obarye. Be-machiga bemar sogoed: ‘Bab-Jehová gandikidba Egipto-yargi deun anmar maiga wilebukwagua, anmar-onosgusye.

Éxodo 13:16

Degisoggu, anmar weyob ibmar-imaked, bemar-sakwagi, bemar-bebegindibe, wilub-naiyob guegarye. We be insaega gumaloye, Bab-Jehová gandikidba Egipto-yargi anmar-onosgusye.’ ”

Éxodo 13:3

Geb degine, Moisés Israel-dulemarga sogded: “We-iba nue be insamalo. Bab-Jehová, bemar Egipto-yargi maiga-wilebukwadgi gandikidba bemar-ononaid. Melle bemar madu e-ina-nika gunmalo.

Éxodo 3:20

Degisoggu, an-gangued an oyogoed, degine, Egipto-dulemar sabsur an odurdakoed, burgwed-nagase an imakoed. Ibmar-dakledisulid Egipto-yargi an imakoed. A-sorbali, geb Egipto-e-rey-Faraón bemar-onogoed.

Éxodo 7:4

Faraónʼga-bemar-ibmar-sogoedi, be-itogosurmalad. Ar andi Egipto-yargi an-gangued an oyogoed, ar sabsur Egipto-dulemar an odurdakoedgi, an-dulamar-Israel-dulemar, Egipto-yargi an onogoed.

Proverbios 1:9

Be-ibmar-durdaksad bega orgurginyobi ibnuedga guoed, bega ordubyobi ibnuedga guoed.

Proverbios 3:21

Machi, nue-binsakwaa be ibmar imako. Itoakwaa-ibmar-imaked melle be iego.

Proverbios 7:23

Igi nuu burgwed-wissuli saki-naidse naddae, machigwa deyobi gued.

Cantares 8:6

Be-gwagegine an-sedii be gue. Be-swidagine an-wilub narmakar be sedii imake. Ar sabgued-e-ganguedi burgwed-igaryobid, gege dule e-igar gaed. Suibina-soglegedi, sulibinsa emar-imaked. Sabgued-itolegedi, soo-dummad-gwabunyemaiyob itoleged. Bab-Dummad deyob imaksad.

Isaías 27:1

Isaías sogded: “A-ibagangine, Bab-Jehová, naibe-dummad-Leviatánʼye-nugad sabsur-odurdakoed. Naibe-sinni-sinnid-Leviatánʼye-nugad sabsur-odurdakoed. Bab-Jehová e-es-suid-gandikidgi, degi, e-es-suid-dummadgi achu-simudubaled muu-billi-yagi-maidi oburgoed.

Isaías 40:10

”Bab-Jehová-gandikidba-danikid, be dakmar. Bab-Jehová e na negsemaid. E-dulamar-ollor-imaksadi, ebali nidanikid. Ibidar-nued-amisadi eba sedanikid.

Isaías 44:5

Dule-gwensak sogdagoed: ‘An Bab-Jehováʼgad gued.’ Dule-baiddi ‘Jacobʼye’ nugguoed. Dule-baidmoga e-argangi weyob narmakoed: ‘Ani an, Bab-Jehováʼgadi.’ Geb Israel-nug e-nugga imakoed.”

Isaías 49:16

An-argangi-sobar-naiyobi an be-sediid. Be-galu-matusurmaladi, an iedisulid.

Isaías 51:9

Bab-Jehová, ¡be atake! ¡Be atake! ¡Gandikid-mola be yoe! Epenne be-gangued be-dulamarga-be-oyosayob be oyoge. ¿Ar bee be, Rahab-obelossursi? ¿Ar bee be, ibdula-demargined obelossursi?

Isaías 59:21

”An bemarbo igar mesed, An-Burba bemargi maigu guoed. Be-gwabindukugine, an bega an-gayaburba-nasiksadi, bar begine alliosulid. Degi, be-mimmigangine, be-wagangine, bar an-gayaburba alliosulid, emi-ibadse degisadegu guoed.”

Jeremías 22:24

Judá-Rey-Conías, Joacim-e-machid. Bab-Jehová, Coníasʼnik weyob soged: “An-dula-maidgi inniki an bega soged: Amba an bela-bela bebina-soged-inigwele, be wegi-gudiidgi amba an be-bar-metedsegad.

Daniel 9:15

” ’Anmar-Bab-Dummad, deun be-dulamar be Egipto-yargi onosgusgu, be-gangued be oyosgusad. Deyobi, a-iba-akale, emi-ibase be-nug dummarbaa gunonikid. Anmardi isgusad, degi, ibmar-isgana imaksad.

Joel 2:11

Bab-Jehová, e-sordamar-idu-nadapi, maryob e-gaya-goled itogega imakoed. Bab-Jehová-e-sordamala bukidarad, e-igar-uksadba-ibsamaladi, gege ebisleged. Bab-Jehová-danikid-e-iba gwayed-dummadid, dobed-dummadid. ¿Doa abin-gwisguoe?

Números 15:39

We-morduku-durbamakaled be dakarmalale, Bab-Jehová bemarga-Igargan-uksad-insamalaga be-imakoed. Adi, a-Igarganba bemar nanamalagar, melle ibmar-dakedba wargwengi ibmar-imakbiedba nanamalagar, degi, melle Bab-Jehováʼgi be bangumalagar.

Mateo 23:5

”Ar Fariseoʼmardi bela ibmar-imakmaladi, yamo dulemar-e-dakmalaga imakmalad. Degine, amardi bebegi, degi, sakwagi, Bab-Dummad-Garda-saboged-sagu nasikdamalad. E-mor-dummad-duku-durbamakarmalad ise-sobar imakmaladid, adi, dulemar egi binsamalagar, nue Babba ibsadimarye.

Romanos 10:8

Degite, ¿igi Bab-Dummad-Gardagi sogsunna? “Bab-Dummad-Gayaburba begi itakaa gudiid. Ar be-gwabindukugi naid, degi, be-gwagegi maibalid.” Deuteronomio 30:14 We-Bab-Dummad-gayaburba-Cristoʼgi-bensulidgi anmar sunmakdimalad.

Deuteronomio 30:14

¡Suli, degisuli! Ar Gayaburba begi itakaa gudiid. Ar be-gwabindukugi naid, degi, be-gwagegi maibalid, adi, nabir be a-sogedba-nanamalagar.

Deuteronomio 5:15

Egipto-yargi be maiga-gusmogad be ebinsao. Ar a-yargi be-Bab-Dummad-Jehová e-gangued-nikadba-be-onosadi, be ebinsao. A-ulale, be-Bab-Dummad-Jehová, bega igar-uksad: Obunnoged-ibagi be obunnogoye.

Deuteronomio 6:21

Weyob be-machiga be sogoed: ‘Anmar Egipto-yargi Faraón-e-maiga-gudigu, Bab-Jehová gandikidba Egipto-yargi anmar-onosad.

Deuteronomio 6:6

”Emi-ibagi, we-gayaburba an bemarga-sognaid, nue be-gwage-ulubgi be sedii imakmalo.

Deuteronomio 6:8

We-Igarmala be-argangi wilubganyob be atinnar-nasiko. Degine, be-bebegi wilubganyob be nasikbalo.

Apocalipsis 18:8

Degisoggu, unnila ibagwen-abalakwaa e-bonigan egi yolenonikoed: Burgwed egi nonikoed, boed egi nonikoed, ukudmesed egi nonikoed, degine, soogi gummakoed. Ar ade, Bab-Dummad-Bur-Birigined-Igar-Nabogedid, bela-bela gangued nikad.”

Jueces 2:12

Israel-dulemar, Bab-Jehová-obachamalad. We-Bab-Jehováʼde Israel-dulemar-e-dadgan-e-Bab-Dummadid, Egipto-yalagi e-dadgan-onisgusadid. Degine, Israel-dulemar, bab-dummadyob-imaklemaladba nanadmalad, dulemar-baigan-e-bab-dummaganse gotemalad. Degidbali, Israel-dulemar, Bab-Jehová-ourwega imaksamalad.