Éxodo 12:3 - Kuna San Blas

³ ”Bemar bela weyob Israel-dulemarga sogo: ” ‘We-nii-ibambegi (10) bemar wala-walagwen, e-gwenadgan-e-gwenadganba, degi, neg-iliba, sibad-wawaad-sapingwagwad-war-wargwen na sumalo.

Éxodo 12:3 Iomraidhean Croise

Génesis 22:8

—Machi, Bab-Dummad anmarga sibad-wawaad-senigwad udagoed, anmar ega ogumakar ukegar. Deyob, ebogwa imakenadap gusmalad.

Génesis 4:4

Abelʼdi na Bab-Jehováʼse sibad-wawaad-gebegwalulesmalad senonimogad, geb oburgwisad. A-sibad-wawaad-e-gwallu ogumakar Bab-Jehováʼga uksad. Bab-Jehová Abel-yeer-daksad, degine, ega-ibmar-uksad yeer daksabalid.

2 Crónicas 35:7

Geb Rey-Josías bela dulemar-bukwamaladga e-ibmar-durgan-nuegan uksad: E-sibad-wawaad-senigana, degi, e-sibad-senigana, bela mili-dulagwen-gakambe (30,000) uksad. Moli-bebe-nikad milipaa (3,000) uksabalid. Bela we-ibmar-durgan, Oburgwilegoenad-Iba-onogegala, uksad. Degi, bela we-ibmar-durgan Rey-Josías-nainugi danikid.

Éxodo 12:2

“We-nii, bemarga bur nii-sunsoged guoed. Gebe birga-onoded-e-niiga guoed.

Éxodo 12:21

Geb degine, Moisés bela Israel-girmar-dummaganse gochad. Amarga sogded: “Be namar. Bemar be-gwenadganga, sibad-wawaad-birgagwen-nikad sunamar. A-sibad-wawaad be oburgwemaloed, adi, Oburgwilegoenad-Iba be onomalagar.

Éxodo 12:4

Ar dule e-gwenadgan-ichegwale, sibad-wawaad-sapingwagwad geg bela gunnele, dule-neg-ibed e-neg-dikarba-itaka-maidbo na bulakwaa gunmalo. E-dule-merguedba na mimimalo, adi, sogedba gunmalagar.

Éxodo 12:6

” ’Bemar a-sibad-wawaad we-nii-ibambe-gakabakedse (14) sabomaloed. A-ibagi, neg-sedogusale, Israel-dulemar-belagwable, wala-walagwen, we-sibad-wawaad oburgwemaloed.

Éxodo 14:15

Geb degine, Bab-Jehová Moisésʼga sogded: “¿Ar ibiga be anse bendakleged egise? ¡Israel-dulemarga gandikidba be soge, be namarye!

Éxodo 20:19

Agi, Moisésʼga sogdemalad: —Be anmarga sunmake, anmar be-itogoed. Bab-Dummaddi melle anmarga sunmako, abakale, anmar burgwialile.

Éxodo 4:30

Geb degine, Aarón bela Israel-girmar-dummaganga sogded, igi Bab-Jehová Moisésʼga sogsa. Deginbali, Moisés dulemar-asabin Bab-Jehová ega imakoye sogsadba ibmar-gegerdaklemalad imaksabalid.

Éxodo 6:6

“Degisoggu, Israel-dulemarga be sogna: ‘Ani, an Bab-Jehová gued. Egipto-dulemar-maiga be gubukmaladgi, sabsur be-imakdimaladgi an bemar-onogoed. An-gangued-nikadba an Egipto-dulemar sabsur-odurdakoed. Aba an be-bendakoed.

Ezequiel 40:1

Deunni, anmar birga-durgwen-gakatargus (25) Babiloniaʼgi-bukwadgine, Bab-Jehová-e-gangued angi aidenonikid, geb Jerusalén-neggweburse an-sesad. We-ibmar-gusadi, birga-onoded-nii-wargwenad-ibambegi gusad. Deunni, birgambe-gakabakegus (14) Jerusalén-neggwebur sulesad-akaled.

Levítico 1:2

“Israel-dulemarga be sunmake, ega be soge: ‘Bemar Bab-Jehováʼga ibmar-ukleged ukega sedanimalale, sunna moli-bebe-nikad-sedamalad, igi, sibad-wawaaddibe.

Levítico 5:6

Geb Bab-Jehováʼga na e-isgusad-anar sibad-wawaad-ome, sibad-omedibe, oburgwega ukoed. Weyobi, dule-irwa-Bab-Dummadse-goled, Bab-Dummad we-dulega-isgusad-osulogega imakoed.’ ”

Números 15:11

Weyobi ibmar-anga-uklegarmalad: Moli-bebe-nikad-sapingwagwaddibe, sibad-wawaad-machereddibe, sibad-wawaad-birgagwen-nikaddibe, sibad-sapingwagwaddibe, bega igar-uklesadba be imakoed.

Juan 1:29

A-banedgine, Juan, Jesús-ese-dani-dakargua, sogded: “Be dakmalana, we-dule, Bab-Dummad-Sibad-Wawaad-E-Mimmid, bela dulemarga we-napneggi isgued-osulogedid.

Juan 1:36

Deunni dakalid, Jesús e-walik gudii. Geb Juan sogded: —Be dakmalana, we-dule, Bab-Dummad-Sibad-Wawaad-E-Mimmid.

Juan 12:1

Ibanergwase (6), Oburgwilegoenad-Iba-naguoele, Jesús Betania-neggweburse Lázaro-maidse nonikid. Jesús, we-Lázaro-burgwisgusgu, gannar odulos gusadid.

Juan 12:12

A-banedgine, dule-bukidar-ibase-nonimalad itoarmargu, Jesús Jerusalénʼse daniye,

1 Corintios 5:7

Degisoggu, madubur-ina-sered-mieyobi ibmar-be-oichogedgi be bangumar. Adi, bemar madubur-inasuli, madubur-binidyob be gumalagar. Ar ade, Cristo, Oburgwilegoenad-Iba e-sibad-wawaad-sunnadid. Ar a-sibad-wawaad bato anmarga burgwisad.

Josué 7:14

Banedse, wakudaryalaba Israel-dulemar na e-dadgan-warambe-gakabogwad-guedba (12), danar-danar nonimaloed. Ar wilubdakar an doa-dadgan-warambe-gakabogwad-e-wagan-suoe, amala na e-dadgan-e-dadgan nonimaloed. Ar doa-e-dad Bab-Jehová suoe, amala, na e-gwenad-e-gwenadgan nonimaloed. Ar doa-e-gwenad Bab-Jehová suoe, amala na e-machergan war-wargwengi senonimaloed.

Apocalipsis 13:8

Dule-bela-we-napneggi-bukwamalad, ibdula-unid-e-nug odummodmalad. We-dulemar-nug, Sibad-Wawaad-Mimmi-e-gardagi, naisulid. We-garda, dulemar-dula-gudiguoed-gardad. We-garda, sibad-wawaad-mimmi napneg-nasiklesad-akale-oburgwilesad-e-gardad.

1 Samuel 7:9

Geb degine, Samuel sibad-wawaad-mimmi-amisgu, Bab-Jehováʼga gwagwar ogumakar uksad. Geb a-sorbali, Israel-dulemarga Bab-Jehováʼse gochad. Geb Bab-Jehová, Samuel-abin-imaksad.