Éxodo 12:12 - Kuna San Blas

¹² ” ’A-mutikidgi bela Egipto-yargi an nasoed. Deginbali, an Egipto-dulemar-e-machi-sailaginmalad oburgoed, degi, e-ibmar-durgan-sailagi-gwalulesmalad amba deyob an oburgwebaloed. An bela Egipto-dulemar-e-bab-dummagan wiogoed, an sabsur-odurdakoed. Ani, an Bab-Jehová, ani an weyob soged.

Éxodo 12:12 Iomraidhean Croise

1 Crónicas 14:12

A-neg-nugadgi, Filistea-sordamar, galakudedbali, na e-bab-dummagan-sobaled obesmalad. Degisoggu, David sogde gusad: “Bela we-ibmarmar ogumakmalo.”

Salmo 135:8

Bab-Dummad Egipto-dulemar-e-machi-sailaginmalad oburgwisadid. Dulemarse-bakale, ibmar-durganse-bakale, oburgwisadid.

Salmo 82:1

Bab-Dummad, bab-dummagan-onmakbukwad-e-dummadga siid, amarga igar-nabogedga siid.

Salmo 82:6

”An bemarga sogsa gusad: ‘Bemar bab-dummagan gumarye, bela-bemar Bab-Dummad-Bur-Birigined-e-mimmigan gumarye.’

Salmo 91:7

Be-argan-sapiledsiki, miligwen (1,000) dulemar burgwemai guoed, be-argan-nuedsiki, miliambe (10,000) dulemar burgwemai guoed. Bedi akar-guosulid.

Salmo 95:3

Ar Bab-Jehová, bur Bab-Dummadid, bela ibmar-bab-dummadyob-imaklemalad-birgi, bur Rey-dummadid.

Éxodo 12:23

Bab-Jehová Egipto-dulemar-oburgwe-danikile, bela neg-yawagak-dikargi abe-nai-dakalile, a-neggi bakar nasoed. Bab-Jehová, dulemar-oburgwed-baliwitur-danikid be-negyaba-dogega gwen imakosulid. Bab-Dummad gwen-burgwega be-imakosulid.

Éxodo 18:11

”Deginbali, Faraón dulemar-baisursunnagwadiyob bemar-imaksabalid. Ar emigindi, Bab-Jehová Egipto-dulemar-sabsur-imaksadba nue an wissunnad, we-Bab-Jehová, baigan-bab-dummadye-sogmaladba bur-dummadid.”

Éxodo 21:6

ar adi, e-ibed, dummagan-igar-nabomaladse e-mai-sedoed Geb yawagaksedibe, yawagak-dikarsedibe, sedoed. Agi esgoro-swichwigwadgi e-uaya udgoed. Geb agi, a-dule ibed-e-maiga degisadegu gunonisunnoed.

Éxodo 22:28

”Melle bela-bela sabsur Bab-Dummadgi ichakwaa sunmako, degine, melle dule-be-neggwebur-semaid be ukabsao.

Éxodo 6:2

Bab-Dummad Moisésʼga sunmakdebalid, ega sogded: —Ani an Bab-Jehová gued.

Éxodo 9:6

Neg-oibosgu, Bab-Jehová deyob imaksad. Egipto-dulemar-e-ibmar-durgan bela burgwismalad. Israel-dulemar-e-ibmar-durgandi, wargwensaale gwen burgwissulid.

Isaías 19:1

Egipto-yar-guoedgi iduakwaa sunmaklesad: Bab-Jehová be dakmala. Mogir-gwae-gwae-iirmakmaid-birgi-sii, Egipto-yalase danikid. Egipto-e-bab-dummagan e-abin wawanmakbukwad. Egipto-dulemar nue dobe-itomalad.

Jeremías 43:12

Babilonia-sordamar Egipto-dulemar-bab-dummadse-goled-negmar ogumakmaloed, e-bab-dummagan ei sedmaloed. Egipto-yala bela swanga imakmaloed, igi sibad-edarbed mor omomormakdae, deyobi, Nabucodonosor, Egipto-yala imakoed. Geb a-sorbali, Nabucodonosor, bogidikidgi e-yarse naoed.

Jeremías 43:13

Egipto-yargi, Bet-Semes-neggweburgi akwa-sobarmalad-bukwad bela obelogoed, Egipto-dulemar-e-bab-dummaganse-gormalad-negmar ogumakoed.’ ”

Jeremías 46:25

Israel-dulemar-e-Bab-Dummad-Jehová Bela-Gangued-Nikadi soged: “An Tebas-dulemar-e-bab-dummad-Amónʼye-nugad sabsuli odurdakoed. Degi, Egipto-dulemar, e-bab-dummagan, degine, e-reymar an sabsur-odurdakbaloed. Degine, Faraón, degi, dulemar-Faraónʼgi-bensurmalad an sabsur-wiobaloed.”

Ezequiel 12:16

Unnila dulemar bila-onolegedgi ichee wakinmaloed. Degine, ukudmaad-mesedgi, bonigan-dummagangi ichee san-onogega an imakbaloed. Adi, bia dulemar-yar-baid-baidgi-bukwamaladse modapile, e-ibmar-imadaklemalad-imaksamalad sogmalagar. Geb degidbali, wisgumaloed, ani an Bab-Jehová gue.”

Amós 5:17

An sabsur-bemar-wiodanikile, bela uva-digarmaladba dule-boe itolegoed. Ani an Bab-Jehová-guedi weyob soged.”

Sofonías 2:11

Bab-Jehová, amar-sabsur-odurdakoed. Bela napneggi ibmar-bab-dummadga-imakledimaladi, obelogoed. Deyobi, bela dulemar-we-napneg-ugakaase-bukmaladi, na e-yar-e-yargi Bab-Jehová-asabin sindigar sigmaloed.

Números 33:4

Agine, Egipto-dulemardi Bab-Jehová ei e-masmala-gebesailagined-oburgwisad-dignanai gusmalad. Degi, Bab-Jehová Egipto-dulemar-e-bab-dummagan-sabsur-odurdaksa gusad.

1 Samuel 5:3

Neg-oibosgu, Asdod-dulemar dakarmalad, Dagón-akwagi-sobaled, Bab-Dummad-Igar-Mesisad-Ulu-asabin, asgunar napagi mellemai. Geb agi, gannar iduar-gwichidse Dagón-ogwichiapmalad.

1 Samuel 6:5

Degisoggu, boni-dusiyob-dakleged be sobmalo. Baiddi, nusayob-daklege be sobmalo. We-bonigande bemar-yar-wionaid. Geb Israel-e-Bab-Dummad-e-nug be odummomarbalo. Adi, abakale, Israel-e-Bab-Dummad, we-bonigi bemar-yar-wionaid bemarga osuloalile, be-bab-dummaganga osuloarmogale.