Éxodo 11:8 - Kuna San Blas

⁸ “Bela dule-bega-arbamalad anse duurmaknonikoed, yokorgi-sindigar-sii anga sogdamaloed: ‘Be naye, degine, bela be-sordamar-beba-nanaimalad, bela be namarye.’ Agi geb an naoed, iduardi an naosulid.” Bela-bela Moisés nue-urwe Faraón-asabin-gwichi noalid.

Éxodo 11:8 Iomraidhean Croise

1 Reyes 20:10

Deginbali, Ben-Adad, Acabʼga gaya barminai gusbalid: “An Samaria-neggwebur an bela osulossulile, bab-dummagan sabsur-an-odurdaksundo. A-ulale, Samaria-neggweburgi an-sordagan-irba argan-nukgwen-nukgwen ega ukub ukega naguosulid.”

2 Reyes 3:9

Degisoggu, Israel-e-rey, Judá-e-rey, degi, Edom-e-rey bulale nadmalad. Ibaguglegus (7) nega-dulesulidganba nadapmaladgi, sordaganga dii-gobed galakuded, degine, e-molimarga dii galakudmogad.

Nehemías 5:6

Ani, Nehemías, we-dulemar isdar-itogedba oimakbukwa an itosgua, bela-bela sae-an-itoded.

Salmo 6:1

Bab-Jehováʼye, melle ise-urwaledgi be sabsur-an-odurdake, melle sae-itogedgi be sabsur-an-imake.

Éxodo 10:29

Moisés Faraón-abin sogded: —Napira be anga soged. Ar bar be-wagar an dakosulid.

Isaías 49:23

Reymar e-mimmiganga be-imakmaloed, degi, rey-omegan be-nanga gumaloed. Be-asabinni, dulluu napase imakmaloed. Degi, maligi ukub-naile, bega elimaloed. Geb agi, be wisgumaloed, ani an Bab-Jehová gued. Dule-angi-bensurmaladi, bingedar itogosurmalad.”

Isaías 49:26

Be-isdarmalad na dukin e-san-gunmalaga an imakoed. Vino-gobeyobi, na dukin e-ablisgi-mumgumalaga an imakbaloed. Degisoggu, bela dulemar wisgumaloed, ani an Bab-Jehová gued. Ani an be-Abonogedid. Ani an Jacob-waganga dule-gandikid gued. Ani an be-bendakedid.”

Ezequiel 3:14

Bab-Dummad-Burba nakwaa an-imaksad, an-sesad. Ar andi sae-itogedgi, degi, urwedgi an naded. Bab-Jehová e-argangi gandikidba an-ganiki an itoged.

Daniel 3:19

Weyobi Sadrac, Mesac, degi, Abednego ega soge itosgua, Nabucodonosor nue-uluded, wemar-nue-sae dakded. Geb degine, soo-ginnitibi-gasiid bela-bela bur ogannogega imaksad.

Números 12:3

Ar Moisésʼdi, dule-na-san-dummarba-imaksulidid. We-napneggi-dulemar-baiganba bur na san-maikwaa imakdiid.

Marcos 3:5

Jesús sae-itogedgi dulemar-dakded, dulemar gwage-dutusur-nikadba, ulubgi nue bukib-itoge dule-argan-burgwaledga sogded: —Be-argan onak. Dule e-argan-onakgwidgu, e-argan yog nuguar naded.

Deuteronomio 29:24

”Geb, bela dulemar-yar-baid-baidginmalad egisdamaloed: ‘¿Ar wede, ibiga Bab-Jehová we-yar deyob imaksa? ¿Ar wede, ibiga Bab-Jehová na sae-itogedba bela we-dulemar nue-sabsur-odurdaksa?’

Deuteronomio 32:24

An Israel-dulemargi ukud-dummad barmidagoed. Uelleged-dummad, degine, bonigan-dummad, we-dulemar-obelogega an imakoed. Degine, Israel-dulemargi achu-sapur-ursilimar an barmidagoed, naibe-nuegan napagi-unimakdimalad egi an onioed.

Hebreos 11:27

Moisés Bab-Dummadgi-bensulidbali, rey-urwoed-gwen-dobgussuli, Egipto-yar-mete gusad. Ar ade, Bab-Dummad-akudaklegedgi unnila akanai gusad.

Apocalipsis 3:9

” ’Nia-Satanásʼga-onmakmalad Judíoʼmarye-sogmaladi, binsa unnila gakansadimalad. Amar bemarse-daged an imakoed, be-asabin-sindigar-siged an imakoed. Adi, amar an-nue-bemar-sabgusad magar-dakmalagar.

Jueces 4:10

Geb Barac, Cedesʼye-neg-nugadgine, Zabulón-sorda-bila-onomalad-urbisad, degi, Neftalí-sorda-bila-onomalad-urbisbalid. Bela miliambe (10,000) e-sogedba oambikusad. Débora, Baracʼba nadmogad.

Jueces 8:5

Gedeón Sucot-neggweburse mosgua, Sucotʼginmaladga sogded: —Wis be an-sordamarga mas-uke, ar an-sordamar na nue-yegusmalad. Amba anmar Madián-reymar Zebaʼye-nugad, degi, Zalmunaʼye-nugad baleginadapmalad.