Éxodo 10:7 - Kuna San Blas

⁷ Geb degine, Faraónʼga-arbamalad Faraónʼga sogdemalad: “¿Ar wede sanagwadsega we-dulede anmarga boni-dummad-onodiid berguoe? Degisoggu, Dummad, we-Hebreo-dulemar-naed be imake, e-Bab-Dummad-Jehováʼse gornamalagar. Dummad, ¿ar bede amba Egipto-yar-nue-bergus-naid be daksursi?”

Éxodo 10:7 Iomraidhean Croise

Salmo 107:34

Bab-Dummadi, e-dulamar-ichakwadamalad-ular, napa-gadi-ibmar-sanmakedi, napa-ichakwaga imaksad.

Éxodo 12:33

Egipto-dulemala gwae-gwae Israel-dulemar-ononai gualid. Ar ade, binsamalad, emarde bela burgwemaloye.

Éxodo 23:33

”Deginbali, be-yargi we-dulemar be obegosurbalid. Ar be obesmalardi, angi isguega be-imakmaloed. E-bab-dummagan-e-nug-odummogega be-imakmaloed.”

Éxodo 7:5

An-gangued Egiptoʼgi an oyosale, degi Israel-dulemar Egipto-yargi-bukwad an onosale, agi Egipto-dulemar wisgumaloed, ani an Bab-Jehová gue.”

Éxodo 8:19

Geb degine, nelemar Faraónʼga sogdemalad: “¡Wedi Bab-Dummad-ganguedi!” Bab-Jehová bato iduar sogsadyob, Faraónʼdi aka bur bule burguded. Moisés-ega-ibmar-sogedba gwen imaksasulid.

Proverbios 29:6

Dule-ibmar-isgana-imakedi, dukin e-isguedse yamoleged. Dule-innikiidaeddi, weligwaledba namakdaed.

Eclesiastés 7:26

Deginbali, we-ibmar bur boni-dummad an daknonibalid: Ome-isgana, burgwedba bur bule boni uked. We-ome-e-gwage-naidi, sakiyob emar-gaed, e-swidamala, esgoro-dubyob emar-edinned. Ar dule Bab-Dummadbaligwa-gudidibe, we-omese galegosurguoed. Isgued-duledina, we-omese ibitogoed.

Isaías 14:20

Bedi gwen reymar-diglegeyobi nuedgi be diglegosulid, ar be-yala be obelosad, be-dulamar be ogilosad. ”Bipisaale dule-isganamar-e-wagan bar obarlegosulid.

Isaías 51:9

Bab-Jehová, ¡be atake! ¡Be atake! ¡Gandikid-mola be yoe! Epenne be-gangued be-dulamarga-be-oyosayob be oyoge. ¿Ar bee be, Rahab-obelossursi? ¿Ar bee be, ibdula-demargined obelossursi?

Jeremías 48:4

Moab-neggwebur bibichisad, bato e-burwigan-binnasuli-boed itoleged.

Jeremías 51:8

Degi, ukiagwale, Babilonia-dulemar galakude gusmalad, degine, bela oitoles gusad. A-ulale, akigindemalad, ega be ina sedamala, nabir sunna nugualile.

Sofonías 1:18

Bab-Jehová-urwed-ibagi, e-mani gwen e-bendakosulid, e-or gwen e-bendakosurbalid. Bab-Jehová-e-sae-itogedbali, bela napneg-naid berguoed. Bela-dulemar-napneggi-gudidimalad, ilagwen-obelolegar ese imaklemaloed.

1 Corintios 7:35

We-an-bemarga-sogedi, bemar-idu igar-nollosur-mesega an sogsulid. Suli, agarsuli. Bemarga igar-nuedga-guega an soged, adi, bemar igar-napiragwadgi, igar-dule-yardaksulidgi, unnila Bab-Jesús-igargi binsanai-guega an soged.

Josué 23:13

bemar wisigarmar, Bab-Dummad-Jehová dule-baigan-amba-bemar-abargi-besmaladi, bemar-abargi bar oniosulid. Aka bur a-dulemala bemar-gaega sakiyob guoed, deginbali, bemar-yardakega gumarbaloed. Bab-Jehová bemar-yargan-bibyogega ebugoed, deginbali, be-ibyagi ikogan-maiyob ebubaloed. Anmar-Bab-Dummad-Jehová bemarga-yar-nued-uksadgi be-bela-bergumaladse, deyobi be gumaloed.

1 Samuel 18:21

geb binsasad: “An Davidʼga yamo Mical-ukoed, adi, degidba, an David, Filistea-dulemarse-burgwega imakoed.” Degisoggu, Saúl, Davidʼga gannar sogdebalid: —Emi an-sapinga be guoed.

1 Samuel 5:11

A-ulale, Filistea-dulemar bela e-dummaganse gochamalad, geb gandikidgi ega sogdemalad: “¡Israel-Bab-Dummad-Ulu be sedmar! ¡Israel-dulemarse be gannar berbenamar! Degisulile, anmar, degi, anmar-mimmiganse-bakar, burgwemaloed.” Ar Filistea-dulemar Bab-Dummadse sabsur-odurdaklenaisoggu, na dobe burgwemalad.