Éxodo 10:21 - Kuna San Blas

²¹ Geb degine, Bab-Jehová Moisésʼga sogded: “Bela Egipto-yargi negasichidbi naguegala, be-argan niba be oyoge. We-negsichidi bela-bela gudure guosoggu, acha-acha gudii gumaloed.”

Éxodo 10:21 Iomraidhean Croise

Job 5:14

Bab-Dummadi, a-dule ibgine yolegega imaked. Ar amba neg-meegwadgi-gudiiyob-gudiile, mutikidba-gudiiyob yolegega imaked.

Salmo 105:28

Bab-Jehová, Egiptoʼgi negsichid nasiksagusad, bela neg-gudure imaksagusad, degite, Egipto-dulemar Bab-Dummad-gayaburba itosurgusmalad.

Salmo 35:6

E-igar-nanaedi, ega negsichidyob gusun, e-igar-nanaedi, ega gware-gwareyob gusun. Bab-Jehová-e-baliwitur amar-baleginne.

Salmo 78:49

Bab-Dummad, Egipto-dulemargi bela-bela-e-urwed, e-sae-itoged, e-isdar-itoged, e-sae-daked barmiar gusad. Baliwitur-ibmar-obelomalad danagwen barmiar gusad.

Éxodo 7:19

Deginbali, Bab-Jehová Moisésʼga sogdebalid: “Aarónʼga be sogo, be-gaapoled be suye. Degine, be-argan diwarmargi, dianmargi, mata-nanaidmargi, degi, dii-sabolesimaladgi be oyoye, gwidu-urgomargi-dii-bukwadse-bakar, degi, gwidu-akwamargi-dii-bukwadse-bakar, bela Egipto-yargi abebi guoye.”

Éxodo 9:22

Geb degine, Bab-Jehová Moisésʼga sogded: “Be-sakwa niba be onak, adi, bela Egipto-yargi dii-akwaga-binyaled bela dulemargi, ibmar-durgangi, degi, e-nainugi-ibmar-nikadgi babategar.”

Proverbios 4:19

Dulemar-isgana-e-nanaeddi negsichid-naidyobi gued, wissurmalad, ibigi na yoledimala.

Eclesiastés 2:14

Dule-binsaed-ibed, magasar neg daked. Dule-binsaedsuliddina, aku neg daked. An daknonibalid, bela dulemar burgwedsemarbalid.

Eclesiastés 6:4

Ar we-mimmi-burgwar-aidenonikid gwen neg daksasulid, degine, negsichigi megidapid. Deyob negsichigi-megidapidgi gwen bar egi binsaledsurbalid.

Ezequiel 32:7

Be burgwenonikile, negsichidbi-nai nibneg an imakoed, niisgwamar akinnega an imakoed. Dad-ibeler-iduar mogirmar an nasikoed, bar bipisaale, nii gaosulid.

Mateo 27:45

Dad yorukugusgu, bela we-napa-naidgi negasichid nagunonikid, wachi-irbaase naigusad.

Marcos 15:33

Dad-yorukugusgu, bela-napneggi negsichid nagunonikid, wachi-irbaase nai gusad.

Lucas 23:44

Degine, yorukugusgua, bela napneggi negsichid nagusad, wachi-irbaase naigusad.

Deuteronomio 1:30

Ar anmar-Bab-Dummad-Jehová, anmar-idunadapid, anmar-ular urwoed. Ar igi Bab-Jehová Egipto-yargi, degi, nega-dulesulidganba, bela-ibmar-imaksad be daksamala, deyob bemarga imakbaloed.

Deuteronomio 28:29

”Neg-daaledgi, igi dule-ibyasulid negsichigi acha-acha-gudidae, deyob be gumaloed. Ibmar be imakedi, bega nasguosulid. Bane-bane dulemar be-wiomaloed, bemar-ibe ibmar-atursamaloed, dule-be-bendaked-sate be guoed.

Deuteronomio 4:34

Ar Bab-Dummad dulamar-bamalad-abargi dulamar-bukwad-gwensak-suegala, igar-bulegan-oyonai gualid, ibmar-wilubgan-oyonai gualid, ibmar-dakledisurmalad-oyonai gualid, bila-onoleged-ononai gualid. Degi, ibmar-gegerdaklemalad gandikidba-oyonai gualid, bela gargangued-oyonai gualid. ¿Biti-bab-dummad deyob ibmar-imaknai be daksamala? Suli. Deyob bab-dummad-baid ibmar-imaknai be daksasurmalad. Unnila be-Bab-Jehováʼbi bela-Egipto-yargi bemarga ibmar-imaksad be daksamalad.

2 Pedro 2:17

We-dule-odurdakmalad-napiragwadsulid dia-dinnagwadyobmalad, mogir-gorosur-aibindanikidyob diisuli burwaba selegedyob gumalad. We-dulemar, degisadegu odurdaklesigumalaga, negsichid-naidse seledmaloed.

2 Pedro 2:4

Ar Bab-Dummad, baliwiturmar-isgusmaladgarbela, mer sabsur-be-odurdakoye ega gwen sogsasulid, sabsur-odurdaksagusad. Bab-Dummad a-baliwiturmar nianegsichidgi sabsur-odurdakega galu-yaba metegusad. Agi Bab-Dummad-ega-igar-itogedse galesii gumaloed.

Judas 1:13

Wemar, demar-welegan-binnasur-arwemaladyobid, demar-e-makumar-sibudik-arwedyobid. Deyob e-isgued oyodidimalad. We-dulemar segargupuyobi gumalad. We-dulemarga, negsichid-gudureged-degisadeguad ega saboles naid.

Judas 1:6

Degine, baliwiturmar na e-arbaedgi nue-arbassurmaladi, aka e-neg na metegusmaladi, Bab-Dummad a-baliwiturmar nianegsichidgi sabsur-odurdakega degisadegu galu-yaba metegusad, adi, yoedse igar-nabolegoed-ibagi sabsur odurdaklegegar.

Apocalipsis 8:12

Baliwitur-bakegwad e-gala-ogotegu, dad-ibeler-naid-sogapaagwad-soggwen ebulenonikid. Nii-naid-sogapaagwad-soggwen ebulenonimogad. Niisgwamar-naid-sogapaagwad-soggwen ebulenonibalid. Bela amargi sogapaagwad-soggwengi negsichid nagunonikid. Deyobi, neg-ibginedga, sogapaagwad-soggwen ega negsichii nagunonikid, degi, neg-mutikidga, deyob nagunonimogad.