Éxodo 10:2 - Kuna San Blas

² Deyob an imaksad, adi, be-mimmiganga be sogegar, be-waganga be sogegar, igi an Egipto-dulemar-sabsur-imaksa, degine, igi an ibmar-gegerdaklemalad amar-abargi imaksabali. Adi, agi bemar wisgumaloed, ani an Bab-Jehová gued.”

Éxodo 10:2 Iomraidhean Croise

2 Samuel 7:22

”Degisoggu, Bab-Jehová, bedi Bur-Biriginedid. Bab-dummad-baid beyobid sulid, bebi unnila Bab-Dummadga maid. Bela we-ibmar anmar-sunnagwad anmar-uayagwar itosad.

Salmo 44:1

Bab-Dummad, epenne ibmar-dakledisurmalad be imaksadi, anmar-sunnagwad uayagwar itosad. Epenne-ibmar-gusadi, anmar-dadgan anmarga sogsad.

Salmo 44:2

Be-sunnagwadi, dule-be-wissurmalad be onisad. A-muchubbi, anmar-dadgan be urbisad. Dule-be-wissurmaladi be sabsur-odurdaksad, anmar-dadgandi nasgumai be imaksad.

Salmo 58:11

Agine, dulemar sogdemaloed: “Napirado. Dule-inniki-gudimaladga ibmar-nued ega ukleged. Bab-Dummad nue-mai dakledo, ar we-napneggi bela dulemarga igar innikii nabomaid.”

Salmo 71:18

Bab-Dummad, an-seredgusale, an nono-dableargusale, mer be angi banguo. Amba dulemar-danimaloedga be-ganguedgi an sunmakbied, amba yoo-gwalulemaladga be-garganguedgi an sunmakbied.

Salmo 78:3

Anmar bato we-ibmar itodiid, bato anmar wisid. We-ibmar anmar-babgan anmarga sogsadid.

Éxodo 13:14

”Ar ibagwengi be-machi bese egichialile, ar wede ibi obarye. Be-machiga bemar sogoed: ‘Bab-Jehová gandikidba Egipto-yargi deun anmar maiga wilebukwagua, anmar-onosgusye.

Éxodo 14:18

An Faraónʼgi, e-urmar-napaginmaladgi, e-sordamar-moli-birgi-sii-urwemaladgi an-gangued an oyosale, agi Egipto-dulemar wisguoed, ani an Bab-Jehová gued.”

Éxodo 14:4

”Andi an, aka bur bule Faraón-burguega imakoed, degine, Faraón bemar-bareginnega an imakbaloed. Geb degine, Faraónʼgi, degi, e-sordamar-bila-onomaladgi an-gargangued an oyogoed. Deyob, Egipto-dulemala wisgumaloed, ani an Bab-Jehová guye.” Israel-dulemala deyob imaksamardo.

Éxodo 7:17

emigi be wisguoye, ani an Bab-Jehová guye.’ ”Moisés, emide, we-gaapoled-argangi-ganikidgi be diwar bibyodele, dii abega binyidoed. Agi Faraón wisgusunnoed, ani an Bab-Jehová gued.

Éxodo 7:5

An-gangued Egiptoʼgi an oyosale, degi Israel-dulemar Egipto-yargi-bukwad an onosale, agi Egipto-dulemar wisgumaloed, ani an Bab-Jehová gue.”

Éxodo 8:6

Aarón na e-gaapoled Egipto-diwarmargi oyoded. Geb degine, agi bukidar ammanoomar ainialid. Egipto-yargi bela ammanoomar yaisur nika guded.

Isaías 38:19

Unnila dula-gudimaladi, be-nug-ogannoged, igi an emi-ibagi be-ogannoge, deyob be-ogannomarmogad. Bela babgan na e-mimmiganga be-innikidaedgi sunmakmaloed.

Ezequiel 20:26

An e-bab-dummaganga-ibmar-uklegedgi isgumalaga an imaksad. We-e-bab-dummadyob-ibmar-imaklegedga e-mimmi-sailaginmalad-ogumakar-ukega an imaksad. Weyob an imaksad, adi, dukin emar gwayega, degi, magar an-dakmalaga, ani an Bab-Jehová gued.

Ezequiel 20:28

An be-dadganga ise-sogar yar-ukoye-sogsagusad uksagua, be-dadgandi yar-mullugan dakarmalale, degi, sapi-bulamakgwichid dakarmalale, nued dakdamalad. Agi ibdurgan-oburgwega, agi ibmar-ukleged-sae-ito-an-imaked-ukmalaga nued dakdamalad. Agi ina-wawad ogumaksamalad, agi vino eosmarbalid.

Efesios 6:4

Degine, babgan, bemarmoga, mer binsa be-mimmigan-ourwed be sao. Suli, degisuli. Bur be Bab-Dummad-urbaligwa-nanaedgi be odurdako, degine, Bab-Dummad-igar-nuedgi-unadii be imako.

Deuteronomio 4:9

”Degisoggu, nue salakarmar. Nue be itomar. Melle be ibmar-daksamaladi iemalo. Degine, bemar-gudiidgi ebinsadii be gumalo. Be-mimmigan be odurdakmalo, be-wagan be odurdakmarbalo.”