Éxodo 10:12 - Kuna San Blas

¹² Geb degine, Bab-Jehová Moisésʼga sogded: “Egipto-yargi sesmar-dagega be-argan be oyo, adi, bela Egipto-nainugi-ibmar-nikad obelogegar. Degine, dii-akwaga-binyaled-babatisad ibmar-obelossulidi, we-sesmar bela amar-obelogegar.”

Éxodo 10:12 Iomraidhean Croise

Salmo 105:34

Bab-Dummad sunmakdegua, ses-dummagan onisad. We-sesmarde, bela-bela-mergu batisad.

Éxodo 10:15

Ar ade, sesmarde bela-bela mergusoggu, napa gwen magar daklessulid. Degine, dii-akwaga-binyaled gagan-obesad, degi, sapi-durbamar-sapigi-obesad, sesmar amar bela guchamalad. Egipto-yargi bipisaale nainu-e-gaganmar, sapi-e-gaganmar, gwen bessulid.

Éxodo 7:19

Deginbali, Bab-Jehová Moisésʼga sogdebalid: “Aarónʼga be sogo, be-gaapoled be suye. Degine, be-argan diwarmargi, dianmargi, mata-nanaidmargi, degi, dii-sabolesimaladgi be oyoye, gwidu-urgomargi-dii-bukwadse-bakar, degi, gwidu-akwamargi-dii-bukwadse-bakar, bela Egipto-yargi abebi guoye.”

Éxodo 9:32

”Degi-inigwele, we-ibmarmardi akargussulid: Orosgi-dakleged-trigoʼye-nugad, orosgi-daklebalid-centenoʼye-nugad, amardi, akargussulid, Ar ade, amardi amba yoo ainidagedgined.”

Apocalipsis 9:3

We-waagine, sesmar ainialid, we-napnegse batenonikid. We-sesmarga, napneggi-diormar-gangued-nikadyob ega gangued uklesad.