Éxodo 10:1 - Kuna San Blas

¹ Bab-Jehová Moisésʼga sogdebalid: “Faraónʼse be nae, Faraón be dakna. Ar an-sunnad an Faraón bur bule burguega an imaksad, ega-arbamalad bur bule burgumalaga an imaksad. Ar an ibmar-gegerdaklemalad-imaked-ese-an-oyogegala, an ibmar-dummagan-imaked-ese-an-oyogegala, an deyob imaksad.

Éxodo 10:1 Iomraidhean Croise

Salmo 7:11

Bab-Dummad, dulega igar-itogedgine, innikigwadba ega igar nabiroged, bane-bane dule-isganamar sabsur-odurdaked.

Éxodo 10:20

Ar Bab-Jehováʼdi aka bur bule Faraón-burguega imaksad. Degisoggu, Faraón Israel-dulemar-naega imaksasulid.

Éxodo 3:20

Degisoggu, an-gangued an oyogoed, degine, Egipto-dulemar sabsur an odurdakoed, burgwed-nagase an imakoed. Ibmar-dakledisulid Egipto-yargi an imakoed. A-sorbali, geb Egipto-e-rey-Faraón bemar-onogoed.

Éxodo 4:21

Geb a-sorbali, Bab-Jehová Moisésʼga sogded: —Egiptoʼse be modapile, Faraón-asabin bela ibmar-gegerdaklemalad be imakoed. We-ibmar-gegerdaklemalad sunna-imakega an bega gangued uksad. Ar andi aka bur bule Faraón-burguega an imakoed, adi, Faraón melle Israel-dulemar-onogegar.

Éxodo 7:4

Faraónʼga-bemar-ibmar-sogoedi, be-itogosurmalad. Ar andi Egipto-yargi an-gangued an oyogoed, ar sabsur Egipto-dulemar an odurdakoedgi, an-dulamar-Israel-dulemar, Egipto-yargi an onogoed.

Éxodo 9:12

Ar Bab-Jehováʼdi, aka bur bule Faraón-burguega imaksad. Ar igi Bab-Jehová bato iduar Moisésʼga sogsa, deyob gunonikid. Degisoggu, Faraón Moisés-gwen-bar-wisgubisuli, degi, Aarón-gwen-bar-wisgubisuli gusad.

Éxodo 9:16

Ar emigindi, wis dula-gudiguega an be-imaksad, adi, an-gangued be dakegar, adi, bela we-napneg-naidgi an-wisgumalagar, an doa-dule gue.

Éxodo 9:27

Geb degine, Faraón Moisésʼse, degi, Aarónʼse gochad. Amarga sogded: —Mag an itodo, ani an nosad. Angindo, an-dulemarginbardo, Bab-Jehováʼginsurdo.

Juan 12:40

“Bab-Dummad amar-e-ibya akudake imaksad, degi, amar uayasurdaega imaksabalid, adi, melle na e-ibyagi mag dakmalagar, degi, e-gwagegi melle mag itomarbaligar. Ar degiile, abonolemalo-itole. Ar degiile, amar an nudake dakledago-itole.” Isaías 6:10

Romanos 9:17

Ar Bab-Dummad-Gardagi narmakar naid, deun Bab-Dummad Faraónʼga sogsagusgu: “A-ulale, dummadga an be-imaksad, adi, begi an-gangued an oyogegar, degine, bela we-napneg-naidgi an-nug ogannomalagar.” Éxodo 9:16

Romanos 9:18

Degisoggu, Bab-Dummad ar doa wile dakbie, a-wile-dakodo. Degine, doa uayasuli imakbie, a-uayasuli-imakodo.

Josué 11:20

Ar ade, Bab-Jehová we-reymar-e-gwagegi Israel-sordamargi-bila-onoged nasiksad. Adi, deyobi Israel-sordamar we-dulemar-wiledaksulidgi ogilogega, ar igi Bab-Jehová Moisésʼga igar-uksagusadyob.

1 Samuel 4:8

¡Anmar duledar-wilesmar! ¿Doa we-bab-dummadgan-bulegangi anmar-bendakoe? Ar we-bab-dummagan nega-dulesulidganba boni-bulegangi Egipto-dulemar-onaglik-gusmaladid.