Éxodo 1:7 - Kuna San Blas

⁷ Ar Israel-dulemar mimmigan-ichesur-nikussoggu, yaisur merguded. Degisoggu, dutusur gunonimalad. Egipto-yargi Israel-dulemar bela-bela-mergu ambikunonimalad.

Éxodo 1:7 Iomraidhean Croise

Génesis 1:20

Geb degi, Bab-Dummad sogdebalid: “Diigi ibmar-dulamar bela akar-akar ambikumar, degine, nuumar ambikumar, we-napneggi nabir niba gukudii gumalagar.”

Génesis 1:28

Bab-Dummad we-dulemargi ise-nued-binsasadba, ega sogded: “Bemar mimmigan-bukidar nikumar. We-napneggi dula-bukidar urbemar, degi, bela we-napneg-ugakaase ambikumar. Bemar we-napneggi be gangued-nikadba bela we-ibdurganmargi be obindii gumarsun: Uamargi, nuumargi, degi, ibmar-durgan-napagi-garmakdimaladgi.”

Génesis 12:2

Begine, dulamar bukidar-mergue an imakoed. An begi ise-nued-binsaedgi, an bega ibmar imakoed. Dule-nue-nug-nikadga an be-imakoed. Degine, be-nuggi dulemargi ise-nued binsalemarmogoed.

Génesis 13:16

Ukubyob be-wagan yaisur-mergu, an imakoed. Ar igi ukub geg ebislege, deyobi, be-wagan geg ebisle gumogoed.

Génesis 15:5

Geb degine, Bab-Jehová magaba Abram-sesad, ega sogded: —Nue be niba atake, be niisgwamar ebise, ar sunna be ebisodibe. Weyob-mergu wagan be nikuoed.

Génesis 17:16

Be-omegi ise-nued an binsaoed. Bemarga machigwa an ukoed. Eye, napiragwa, be-omegi ise-nued an binsaoed. Sara dulemar-yar-baid-baidgi-ambikumaloed-e-nanaga guoed, degine, e-wagana dulemar-e-reyga gumaloed.

Génesis 22:17

an bela-bela ise-nued begi binsaoed. Be-wagan bela-bela-mergu an imakoed, niisgwamar-niba-nanaidyob, degi, ukub-demar-gakagi-nikadyob an imakoed. Deginbali, be-wagan e-isdarmaladgi nakwedii guoed, degi, e-neggweburgan ei sudii guoed.

Génesis 26:22

Agi, Isaac dikasur nadsunnad. Agi, dia-baid akwidapid. Ar we-dia-binardi ulussurmarsoggu, Isaac Rehobotʼye dia-onugsasad. A-sogleged: Na e-itoleged-gudiguedye. Ar ade, soged: “Ar emigindi, Bab-Jehová anmar nabir-itodiguega, anmarga we-neg uksad, adi, anmar wegi nasguegar.”

Génesis 26:4

Be-wagan ichesur niisgwamar-nibneggi-merguedyob an imakoed. Be-wagangala bela we-yar ega an ukoed. Deginbali, bela dulemar-we-napneggi-bukmalad be-wagwaba ise-nued an egi binsaoed.

Génesis 28:14

Be-wagan we-napneg-ukub-merguedyob bela-bela mergu guoed. Degine, be-wagan dad-nakwedsik, dad-argwanedsik, dad-nakwed-argan-nuedsik, dad-nakwed-argan-sapiledsik bela aisakis ambikuoed. Degine, bebali bela dule-yar-baid-baidgi-bukwamalad, degi, be-waganbali, egi ise-nued binsalegoed.

Génesis 35:11

Bab-Dummad Jacobʼga sogdebalid: “Ani, an Bab-Dummad-Bela-Gangued-Nikadid. Mimmigan-bukidar, degine, wagan-bukidar be nikuo. Begi dulemar-sogagwen nodagoed, degine, dulemar-sog-akar-akar begi nodabaloed. Be-waganmala reymarga gumaloed.

Génesis 46:3

Geb degi, Bab-Dummad sogded: —Ani, an Bab-Dummadid, be-bab-e-Bab-Dummadmogad. Egipto-yarse-be-naed mer dobguo, ar ade, agi be-wagan bukidar-merguega an imakoed.

Génesis 47:27

Israel-dulemala Egipto-yargi-yoggunonimaladi, Gosén-yargi megnonimalad. Agi, nainumar na nikudmalad, dula-ichesur-mergu gudmalad.

Génesis 48:16

Bab-Dummad-e-baliwitur bela bonigangi an-bendakdii gusad. A-baliwitur we-masmalagi ise-nued binsasun. We-masmalaba an-nug ebinsaledii gusun. Degine, Abraham-e-nug, degi, Isaac-e-nug ebinsaledii wemarba gumarsun. Wemala mimmigan-ichesuli nikumarsunno, degine, we-napneggi bemar dula-ichesur-mergu gumarsun.”

Génesis 48:4

‘Nue be an-itoye, mimmigan-bukidar-nikuega an be-imakoye. Degine, begi dulemar-bukidar-galagwensuli-ainiega an imakoye. Deginbali, be-waganga we-yala an ukoye. We-yalade be-wagangadga degisadegu guoye.’

Génesis 9:1

Bab-Dummad Noéʼgi, degi, e-masmalagi ise-nued binsasad. Weyob ega sogsad: “Mimmigan-bukidar be nikumar, we-napneggi dula be omelomar, bela we-napneg-ugakaase ambikumar.

Nehemías 9:23

Israel-dulemarga mimmigan be omelos gusad. Niisgwamar-nibneggi-nanaidyob, ega be omelosad. Be napa ukoye, e-dadganga ise-sogar-sogsadse be amar-sesa gusad.

Salmo 105:24

Agine, Bab-Jehová, e-dulamar-bukidar-merguega imaksad, e-isdarmaladba bur-dutusuli imaksabalid.

Salmo 107:38

Bab-Dummad we-dulemargi nued-binsasad, e-dulamar mergudmalad, e-molimar merguega imaksabalid.

Éxodo 1:12

Ar Egipto-dulemar bur bule Israel-dulemar-sabsur-imakmaidba, aka bur bule Israel-dulemar mergumaid. Degisoggu, Egipto-dulemala bela-bela Israel-dulemar-nue-dobguarmarsunnad.

Éxodo 12:37

Israel-dulemala neggwebur-Ramesésʼye-nugadgi nodmalad, neggwebur-Sucotʼye-nugadse nadmalad. Machergan-sunna-bato-bila-onomaladbi, nagab-ainiarmaladi, mili-dulataled-ilanergwa (600,000) mergued. Omegan, degi, mimmigandi obarilesulid.

Éxodo 5:5

Faraón sogdebalid: —Emigindi, Israel-dulemar bukidar Egipto-yargi bukmalad. Ar bemarde, ¿bar-arbasuli amar imakode? Deyobsulirgebed.

Ezequiel 16:7

Gagan-nuedyobi dunguoye, an bega sogsad. ” ’Be dungude gusad, be yalenonikid, geb be yeerdakle gunonikid. Be nuu-mulluu guded, degi, be-sailagia yeer daklenaded. Ar degi-inigwele, amba bedi uka-swana gudii gusad.

Gusmalad 13:17

Bab-Dummad, anmar-Israel-dulemar-e-Bab-Dummad, anmar-dadgan-susagusad. Amba Egipto-yargi maiga gubukwamargu, Bab-Dummad anmar-dadgan-omelosad. Geb degi, Canaán-yarse sedagega, e-ganguedba Egipto-yargi-bukwa onosad.

Deuteronomio 10:22

Be-babgan dulapaa-gakambe-mergu (70) Egipto-yarse nonigusmalad. Ar emigindi, Bab-Jehová, nibneggi-niisgwamar-naidyob bemar-omelosad.”

Deuteronomio 26:5

Geb degine, weyob be-Bab-Dummad-Jehová-asabin be sogoed: ” ‘An-dad, Arameo-dule, nega-sate-gudigusad. An-dadde, Egipto-yalase nadegusad. Agi, na e-gwenadgan-bokwagwad-abargi mai-gusad. Agi gudigusad, dulemar ega ichesuli mergudgusad, degine, dutusuli gunonibalid.