Ester 4:4 - Kuna San Blas

⁴ Rey-ome-Esterʼga yagan-arbamalad, degi, machergan-egi-nakulemalad, bela we-ibmar-gunaid Esterʼga sogsamalad. Ester we-ibmar-itosgua, nunmaked-dummad itononimogad. Geb degine, Mardoqueoʼga mormar barmisad, adi, Mardoqueo sagumor-sommed-yoid-anar, we-mormar yoegar. Degi-inigwele, Mardoqueoʼdi, we-mormar yapa yoe gusad.

Ester 4:4 Iomraidhean Croise

Génesis 37:35

Bela e-masmala, degi, e-bunamala aisaale Jacob-gwage-baisur-itoge-imaknaidaenad, ar Jacobʼdi e-gwage-baisur-itoged abesurdaed. Aka bur bule e-machibina bodii daed, sogdii daed: “An-machi-burgwisad-ular, an burgwedse bodii guoye.”

2 Reyes 9:32

Geb Jehú yawagak-bipi-siidsik atakdegu, sogded: —¿Doa anba nai? Geb agi, reyneggi dule-maiga-gudimalad warbo, warbaadibe, Jehúʼsik yawagak-bipigwadba atakarmalad.

Ester 1:12

Ar dulemar-rey-walik-arbamalad rey-ome-Vastiʼga rey-igar-uksad sogdapmargu, Vastiʼdi, Rey-Asueroʼse yapa-nae gusad. Degisoggu, Rey-Asuero bela-bela sae-itonaded, uluded.

Ester 4:3

Bela neggweburmar-bukwadgi Rey-Asuero-e-igar-uksad-wisgusmargua, Judío-dulemar bela-bela wile-itodmalad, bar mas-guchasurmalad, ise-boar gudii gusmalad, degi, gwage-nunmaked-dummad itodii gusmalad. Bukidar Judíoʼmar sagumor-sommed-yoi buru-birgi megismalad.

Ester 4:5

Geb degine, Ester, machered-egi-nakuleged-Hatacʼse gochad. Geb Hatacʼga igar uksad, adi, Mardoqueo-daknaega, degi, Mardoqueoʼse egisega igi neg-gunai, deginbali, ese egisbaliga, ibiga be deyob gudiiye.

Salmo 77:2

Bab-Dummadse mutikidba bogigusuli an argan-onakgwar gormai daed, degite, amba an-gwage naibi-itodaed.

Isaías 56:3

Dule-ainebalidi e-binsaedba Bab-Jehová-nug-odummodiile, geg weyob binsaed: “Bab-Jehová e-dulemar-imbagi an-obanguoye.” Dule-alugwasualed geg weyob sogmogad: “Sapi-dingus-gwichidyob, an dakleye.”

Jeremías 31:15

Weyob Bab-Jehová soged: “Dulemar Ramáʼgi binnasuli-oimake itoleged, dulemar ise-boale, degi, nunmakedba-bukib-binsae itoleged. Wede Raquel, e-mimmiganga bonaid, dule-e-gwage-gadi-gadi-imaked abesulid, e-mimmigana bela ei girgusad.”

Gusmalad 8:27

Degidbali, Felipe nade gussunnad. Igarba nadapgu, dule-wargwen Etiopíaʼgined dakalid, dule-alugwag-gwasualed. A-dulede, dule-dummadid, ar ade, Etiopíaʼmar-rey-bundor-Candaceʼga mani-daked-duled. A-dulede, Jerusalén-neggweburse Bab-nug odummogega arbigusad.

1 Samuel 8:15

Deginbali, be-ibmar-gwag-weemaloed, be-uvaʼmar-weemaloed, nibirambegi nibir-gwensak (10%) be-ibe suoed e-arbamaladga ukega, degi, e-dummaganga ukega be-ibe suoed.