Ester 4:1 - Kuna San Blas

¹ Mardoqueo bela we-ibmar wisgusgua, wile-itogedba na-mor-yoid esirmaksad. Geb sagumor-sommed yosad. E-nonogi buru eosbalid, geb galimbaba neggweburgi ise-boar binnasur-gornadapi gusad.

Ester 4:1 Iomraidhean Croise

Génesis 27:34

Esaú, e-bab weyob ega soge itosgu, nue-nunmak binnasur ise-ogormakar boded. Geb e-babga sogded: —¡Baba, ise-nued-binsaed be anga sogmoga!

Génesis 37:34

Geb degine, Jacob e-mor esirmakded. Geb wile-itogedba mor-sommed yosad, degine, iba-ichesuli e-machi-burgwisad-ular bodii gusad.

2 Samuel 1:11

David bela itosgua, naibid-dummad itononikid. A-ular, e-mor-yoid na siir-imaksad. David-e-sordagan itosmarmogua, deyob imaksamarmogad.

2 Samuel 13:19

Agine, Tamar sooburu amisad, e-nonogi eosad. E-mor-yeerdakleged-yoid siir-imaksabalid, e-arganmar e-nono-birgi mesisa, igarba binnasur-ogormaknadapi gusad.

Ester 4:2

Deyobi, Mardoqueo reyneg-yawagakse mosad. Reynegyabardi dogsasurgusad, ar ade, dule sagumor-sommed-yoi reynegyaba-doged igar maisulid.

Ester 4:3

Bela neggweburmar-bukwadgi Rey-Asuero-e-igar-uksad-wisgusmargua, Judío-dulemar bela-bela wile-itodmalad, bar mas-guchasurmalad, ise-boar gudii gusmalad, degi, gwage-nunmaked-dummad itodii gusmalad. Bukidar Judíoʼmar sagumor-sommed-yoi buru-birgi megismalad.

Job 1:20

Degidgine, Job gwichibin imaksad, nunmak-itogedbali mor-dummadyoid siir imaksad, degine, e-nono swiri imaksabalid, napase dulluu imaksad, Bab-Dummad-nug odummosad.

Job 2:8

Degidbali, Job buru-birgi sigisad. Uka-aimakalile, nog-goagi godidaed.

Job 42:6

Degisoggu, an ibmar-sogsadi, begi-ibmar-akar-sogsasuliyob be an-dake. An bukib-itogedba, buru-abargi mellesisunnad.”

Isaías 15:4

Hesbón-dulemar, degi, Eleale-dulemar, wile-itogedba binnasuli e-bendakmarye gordidimalad, e-binnasur-gordiidi Jahaza-neggweburse magar itoleged. A-ulale, Moab-sorda-bila-onomalad dobedba-binnasuli gorbukwad, bela-bela egi dobed nagunonikid.

Isaías 22:4

A-ulale, Bab-Jehová weyob sogsad: “Be angi bangumar. Mer be anse gormar. Melle an-gwage baisur-itoge be imakmar. An-dulamar-bela-bergusad-ular, an boesii imakgwelo.”

Isaías 37:1

Rey-Ezequías deyob ibmar-itosgua, e-mor-yoid siir-siir imaksad. Geb wile-itoged-mor yosad. Geb Bab-Jehováʼse-goled-negse naded.

Isaías 37:2

Degi geb Rey-Ezequías, dummad-reyneg-dakdiid-Eliaquim, degi, ibmar-gusad-narmaked-Sebna, degine, dule-irwa-Bab-Dummadse-gormalad-sergan wile-itoged-mor-yoyoi, Amoz-machi-Isaías-daknamalaga barmisad. Isaíasʼde, Bab-Dummad-gayaburba-barsogedid.

Isaías 58:5

Weyob mas-gunsuli-gudiguedgi, ¿dule na dukin san-wiodii imakoye an sogsasi? Nargammu-dopee-daklegedyobi, ¿nono-dullu-gudiguoye an sogsasi? Gwage-naibid-oyogega, ¿wile-itoged-mor-yoi gudiguoye an sogsasi? ¿We be bimarsunde, mas-gunsuli-gudigued an yeer dakye? Degi, ¿Bab-Jehová-iba-nued guye?

Ezequiel 21:11

” ’Ebugega es-suid odatarmaklesad. Es-suid nugar imaklesad, datarmakale imaklesad, dule-gindakedga-ukega deyob imaklesad.

Ezequiel 21:6

”Dule-machi, na be gwage-ulubgi-nunmakedgi bela dulemar-wagab ise-boar imake.

Daniel 9:3

Geb degine, an-Bab-Dummad-Dule-Dummadse an goted, an ega ise-wilegar ibmar-sogded. Aginbali, an mas guchasurbalid, an wile-itoged-mor yosbalid, degi, an bukib-itogedba, sogun-e-buru-birgi sigisbalid.

Miqueas 1:8

Miqueas sogded: “Agala, an booed, bukib-binsaedba an binnasuli goloed, nag-swili an gudii guoed, uka-swili an gudii guoed. Achu-boeyobi an gordii guoed. Irmonyobi an akigindii guoed.

Sofonías 1:14

“Bab-Jehová-e-urwed-dummad-iba bato walikgudanikid, a-iba gwae-gwae modanikid. Bab-Jehová-e-urwed-dummad-ibagine, sabsur-gormaknanai gumaloed. Dule-buledse-bakale, binnasuli-gornai guoed.

Mateo 11:21

Jesús sogdesunnad: “¡Corazín-dorgan, be duledar-wilesmar! ¡Betsaida-dorgan, be duledar-wilesmar! Ar bemar Bab-Dummadse sabsur-odurdaklenonimaloed. Ar Tiro-neggweburgi, degi, Sidón-neggweburgi we-ibmar-dakledisurmalad imaklesana, a-neggweburmar bato dikasurgus wile-itoged-mor yosmalanad, degine, burugi obsamarbalinad, adi, oyogega, emarde na e-isguedga bukib ulubgi nue-itosmarye.

Gusmalad 14:14

Jesús-e-sapingan-bur-dummagana Pablo, Bernabé-ebo deyob-dakarmargu, na e-mor esirmakdemalad, degi, dulemar-bukidarad-abargi dogdemalad, geb agi binnasur gotemalad, sogdemalad:

Josué 7:6

Weyob-gusad-ulale, Josué, degi, Israel-girmar-dummagan na e-mor-yoid esirmaksamalad. Na bela-bela-nunmaked-oyomalaga e-nonomargi buru eosmarbalid. Geb sorbali, Bab-Jehová-Igar-Mesisad-Ulu-asabin, neg-osedogedse, asgunar napagi mellemamai gusmalad.

Apocalipsis 11:3

“Degine, an-barsogmalad an warbo barmidoed. Bemar-iduar iba-miligwen gaka-dulataled-ilabo gaka-dulapaa (1,260) wile-itoged-mor-yoi ibmar-gumaloedgi sunmakdimaloed.”