Ester 3:1 - Kuna San Blas

¹ Weyob ibmar-gusad-sorbali, Rey-Asuero, Hamedata-machi-Amán-nug odummononikid. Hamedataʼde, Agag-duled. Rey-Asuero, bela dule-dummagan-negdakmamaidba bur-dummadga Amán-onugsasad.

Ester 3:1 Iomraidhean Croise

Génesis 41:40

Degisoggu, bee, wegi an-reyneg-dakega be guoed. Degine, an-dulemar bela be-sogedba ibmar imake gumaloed. Ar ani, an reysoggu, unnila anbi begi bur dumma guoed.

Génesis 41:55

Egipto-yarginmalad ukur-itoarmargua, Faraónʼse masgunned egisnadmalad. Geb degine, Faraón, bela Egipto-dulemarga sogded: “José be daknamala. A-sogedba bemar ibmar saoed.”

Esdras 7:14

Ani rey, degi, anga-binsaed-dakmalad-gugled-nuggine (7), Judea-yalase, Jerusalén-neggweburse, dulemar-daknaega an be-barmisiid. Igi be be-Bab-Dummad-Igar-wisi, deyobi bule-nabiri, we-Judío-dulemar Bab-Dummad-Igar-Maidba nanabukmarmodibe.

Ester 1:14

We-dule-igar-wismalad bur rey-walikamalad, wemalad: Carsena, Setar, Admata, Tarsis, Meres, Marsena, degi, Memucán. We-dulemar-walagugled (7), Persia-yar-e-dummaganad, degi, Media-yar-e-dummaganad. Wemala, reyga binsaed-dakmaladid, deginbali, Rey-Asuero-yargi dummaganga gudimarbalid.

Ester 3:10

Geb degine, Rey-Asuero e-olargan unnusad. We-olargangine e-wilub naid. We-wilub oyonaid e-gangued nikad. Geb rey olargan Agag-dule-Hamedata-machi-Amánʼga uksad. Amánʼde, Judíoʼmar e-isdaradid.

Ester 5:11

Geb Amán e-ibmar-nuegan-bukidar-nikadgi, masmala-bukidar-nikadgi sunmaknai gusad. Deginbali, rey, e-nug-odummosgusadgi, degi, rey-sorba-negmar-dakmamaid-birgi, igi rey e-odungusa, degi, dule-reyga-arbamalad-e-dummagan-birgi, igi rey e-odungusbali, agi sunmaknai gusbalid.

Ester 7:6

Geb Ester, reyga sogded: —¡Anmar-isdarad anmargi gwisgudiidi, we-dule-isgana, Amán gued! Amán weyob-itosgua, rey-asabin, degi, rey-ome-Ester-asabin dobedba ganna gwisgusad.

Ester 8:3

Geb Ester, Rey-asabin ise-boar, sindigar-sii, wilesagwadgi gannar ese egisdebalid. Adi, Agag-dule-Amán, Judío-dulemar-oburgwega igar-isgana-uksagusad-osuloye, reyga sognai gusad.

Salmo 12:8

Dule-isganamar anmar-ebirdiile, bee be anmar-edarboed. We-napneggi igar-isganamar bur yeerdaklealile, bee be anmar-bendakoed.

Proverbios 29:2

Dule-innikidamalad nasgudele, neggwebur yeer itodaed. Dule-isganamar negsealile, neggwebur bukib binsaddaed.

Eclesiastés 10:6

Dule-binsaedsulidaedgala, aka arbaed-nuegan ukleged. Ar dule-bur-nabir-binsamaladgardina, arbaed-baisulid ega ukleged.

Daniel 6:2

Darío, dummagan-negsemalad-e-ibmar-imaked-dakegala warbaa dummagan-onug-imaksabalid. Daniel we-dummagan-warbaagwad wargwenadid. Dummagan-negsemalad-dulanergwadi (120), we-dummagan-warbaagwadga bela ibmar-imakmalad sogmaloed, adi, rey-ibmar-nikadi mer akar-guegar.

Números 24:7

Israel-dulemar-e-gwidumala dii ena-ena bubukwad, e-ibmar-digarmaladi dii unniguar nikad. Israel-dulemar-e-rey, Rey-Agagʼba bur-dutusulid. Na e-yar-ganikid bur-dummad.

1 Samuel 15:33

Ar Samuel, Agagʼga sogded: —Ar be omegan-ibe bukidar machimala-ogilossoggu, deyobi, be-nan machi-sate gumogoed. Geb Samuel, Gilgalʼgi Bab-Jehová-asabin, Agag-goa-goa imaksad.

1 Samuel 15:8

Saúl, bela es-suidgi Amalec-dulemar oburgwisad. Unnila, e-rey-Agagʼbi oburgwissulid, gasa-sesad.