Ester 2:6 - Kuna San Blas

⁶ Mardoqueo dulemar-galesgusmaladba Jerusalén-neggweburgi seleargusad. We-dulemar, Judá-e-rey-Jeconíasʼmala Babilonia-Rey-Nabucodonosorʼse gales selesgusmalad.

Ester 2:6 Iomraidhean Croise

2 Reyes 24:12

Geb Judá-rey-Joaquín, e-nanmala, degi, ega-arbamaladmala, e-dule-dummaganmala, degine, e-sorda-bila-onomalad-e-dummaganmala, Babilonia-e-reyse galakunonimalad. Geb galesmalad. Deunni, Nabucodonosor birgabaabakgus (8) Babilonia-yargi negsemaid.

2 Reyes 24:6

Rey-Joacim burgwisgu, e-machi-Joaquín e-sorba yar sesad.

2 Crónicas 36:20

Dule-burgwissurmaladdi, Babiloniaʼse galesa selesmalad. Agi, rey-maiga gudapmalad, degi, rey-e-masmala-e-maiga gudapmarbalid. Geb Persa-dulemar-yar-sealidse deyobi gudii gusmalad.

Jeremías 22:24

Judá-Rey-Conías, Joacim-e-machid. Bab-Jehová, Coníasʼnik weyob soged: “An-dula-maidgi inniki an bega soged: Amba an bela-bela bebina-soged-inigwele, be wegi-gudiidgi amba an be-bar-metedsegad.

Jeremías 22:28

”¿Ar we-Coníasʼde nog-maraled-gwen-bar-dule-abesulidyob gude? ¿Ar ibiga wede yar-baid-gwen-dakdisulidse, e-mimmiganmala barmelledsunna?

Jeremías 24:1

Babilonia-Rey-Nabucodonosor, e-yarse Judá-dulemar-gasa sear gusad. Wemar selealid: Judá-e-rey-Jeconías. Jeconíasʼde Joacim-e-machid. Judá-e-dummagan, dule-ibmar-sobedgi-arbamalad, dule-esgoro-sobedgi-arbamalad, selearmalad. Wemar-selesad-sorbali, Bab-Jehová, ese-goled-neg-asabin, anga higo-san garba-gwabo oyosad.