Daniel 9:2 - Kuna San Blas

² Rey-Darío birgagwengus negsemaigua, ani, Daniel, an ibagwengi Jeremías-garda-narmakar-maid-absosigua, an magar-itononikid, bia-narmakar-nai, deun Bab-Jehová Jeremíasʼga-sogsagusgu: ‘Birga-dulapaa-gakambe (70) Jerusalén-neggwebur bergus sigoye.’

Daniel 9:2 Iomraidhean Croise

2 Crónicas 36:21

Deyobi, Bab-Jehová-gayaburba-Jeremíasʼba-soglesgusad gunonikid. Bela dulemar Israel-yargi-bar-bukwasulidgi, napaneg bogidik naigusad. Igar-maidbali, napaneg birga-dulapaa-gakambe (70) bogidik naigusad.

Esdras 1:1

Rey-Ciro, Persia-yar-e-reyga maigusad. Ciro-gebe-reyga-megided-birgagi, Bab-Jehová, Rey-Ciro-e-gwage ebusad, adi, bela e-yar-dakmaidgi igar-mesegar. Adi, we-igar-megoedba, nabir Bab-Jehová Jeremíasʼba gayaburba-sogsadba guegar. Degine, Rey-Ciro bela yar-ganikidgi igar-mesisad sogsa gusad, degi, gardagi-narmakar imaksabalid. Weyob sogsad:

Salmo 119:24

Be-Igar-Mamaid, weligwar an-imaked, anga binsaed-ukedid.

Isaías 64:10

Be-neggweburmar-islidikmalad nega-dulesulidganga gunonikid. Siónʼse-bakale, nega-dulesulidganga gunonikid, Jerusalén-neggwebur ollobi-daarmakarnai gunonikid.

Jeremías 1:1

Hilcías-machi-Jeremías we-gayaburbamar sogsad. Jeremíasʼde dule-irwa-Bab-Dummadse-gormalad-e-gwenadgansik danikidid, Anatot-neggweburginedid. Anatot-neggweburde, Benjamín-yalagi siid.

Jeremías 25:18

We-dulemar an ogobsad: Jerusalén-dulemar, Judá-dulemar, Judá-e-reymar, bela e-dummagan an ogobsad, adi, obelogegar. E-neggweburmala, akwabi ambikusmalad, egi-dodolegedga gusmalad, degi, ukabsalegega an imaksad, igi emi-ibagi amba deyob daklege.

Jeremías 26:18

“Epenne, Ezequías reyga-maiunni, Moreset-neggweburgined-Miqueas bela Judá-dulemarga weyob sogsa gusad: ‘Bab-Jehová-Bela-Gangued-Nikadi weyob sogye: Sión-neggwebur nainu-imulegeyob guoye, Jerusalén-neggwebur bela bibisgoye, Bab-Dummadse-goled-neg-siid-yala, bela sapurbi-nai guoye.’

Jeremías 26:6

Degisoggu, igi an Silo-neggweburgi anse-goled-neg an imaksa, deyobi, an wegi anse-goled-neg an imakbaloed. We-neggwebur, bela dulemar-baiganga ukabsaleged-neggweburga an imakoed.’ ”

Jeremías 27:7

Bela dulemar-yar-baid-baidgi-bukmaladi, Babilonia-yalaga wileged-iba-nonimogoedse Rey-Nabucodonosor-e-maiga gumaloed, e-machi-maiga gumaloed, degi, e-wagwa-maiga gumarbaloed. Weyobi, Babilonia-yala, rey-gandikmaladse, degi, yalamar-baiganse mailemogoed.’ ”

Jeremías 29:10

Ar weyob Bab-Jehová soged: “Bemar Babilonia-yargi-gudiid birga-dulapaa-gakambe-gunonikile (70), geb an bemarse ataknonikoed. An ibmar-imakoye-sogsadba an bemarga ibmar imakoed. Gannar Jerusalénʼse an bemar-sedagoed.”

Jeremías 7:34

Judá-neggweburmargi, degi, Jerusalén-neg-imbaba weligwar-itoleged an obelogoed. Degine, wergulegedgi-namakleged an obelobaloed, deginbali, abirgin-nikulegedgi-namakleged an obelobaloed. Ar ade, we-yala bela ollobi naguoed.”

Lamentaciones 1:1

Sión-neggwebur dulemar-bukidar-nikagusanad, emidi, ibiyobi walagwen-ganna sigisa. Jerusalén-neggwebur, neggwebur-bamaladba-bur-nuga-nika-sigisanad, emidi, ome-ei-sui-burgwisadyobi siid. Jerusalén-neggwebur, neggwebur-bamalad-e-dummadga-sigisanad, emidi, neggwebur-bamalad-e-maiga siid.

Ezequiel 29:11

Birga-dulabo-wilub (40) dulemar egi bukuosulid. Dulemar, degi, ibmar-durganse-bakale, egi gudiguosurmalad.

Daniel 9:3

Geb degine, an-Bab-Dummad-Dule-Dummadse an goted, an ega ise-wilegar ibmar-sogded. Aginbali, an mas guchasurbalid, an wile-itoged-mor yosbalid, degi, an bukib-itogedba, sogun-e-buru-birgi sigisbalid.

Miqueas 3:12

A-ulale, bemar-nukine Sión-neggwebur nainu-imuar-naidaedyob guoed. Jerusalén-neggwebur akwamarbi ganna-ganna-bubukwa guoed. Bab-Jehováʼse-goled-neg-e-yala, gannar sapurbi moodo naguoed.

Zacarías 1:12

Bab-Jehová-e-baliwitur weyob-itosgua, sogded: “Bab-Jehová-Bela-Gangued-Nikadye, birga-dulapaa-gakambegusa (70) be Jerusalén-dulemargi-urwedanikid, degi, be Judá-dulemargi-urwedanikid, ¿wede, we-neggweburmar be gannar wiledakega birgabigwa napi?”

Zacarías 7:5

“Bela dulemar we-yargi-bukwamaladga be sogo, dule-irwa-anse-gormaladga be sogmogo: ‘Bemar birga-irba, birga-dulapaa-gakambegus (70), nii-walataledgine, degi, nii-walagugledgine (7), mas-gunsulid-iba, degi, wile-itoged-iba onodamargua, ¿bemar nue anga mas-gunsulid-iba ononanaidamala?

Mateo 24:15

Jesús sogdebalid: “Bab-Dummad-gayaburba-barsoged-Daniel, weyob narmaksagusad: ‘Bab-Dummadga bela-bela-ibmar-isgana-guedi, ese-goled-neg-islidikidse dognonikogu, we-ibmar-isgana, e-neg-nued, neg-isganaga imakoed.’ Daniel 9:27; 11:31 ”Ani Jesús, an bemarga soged: Bemar deyob neg-dakalile, we-Bab-Dummad-gayaburba-barsoged-Daniel-sogsagusadba gunaido. Emi, be nabir-garda-absodimalad, nue be itomalo.

Marcos 13:14

”Bab-Dummad-gayaburba-barsoged-Daniel, weyob narmaksad: ‘Bemar Bab-Dummadga bela-bela-ibmar-isgana-guedi Bab-Dummadse-goled-neggi sige-wilubsulinadgi sii be dakalile, bemar Judea-yargi-gudimalad, be yalaganba wakinmarsun.’ Daniel 9:27; 11:31

Gusmalad 8:34

Etiopía-dule Felipeʼse egisdesun: —Anga be soge, ¿we doagi Bab-Dummad-gayaburba-barsoged sunmake? ¿An na dukin soge, igi, dule-baidgi sunmake?

1 Timoteo 4:13

Timoteo, an-bese-nadapoedse, gwenadganga gatik be Bab-Dummad-Garda absogo, gatik be gwenadgan-ogannogo, degi, gatik be gwenadgan-odurdakbalo.

Apocalipsis 1:3

Dule-we-garda-absomaladga, yoo-ibmar-guoed-itomarbalidga, degine, bela narmakar-naidba-eba-damaladga ibnuedga gued. Ar we-ibmar-guoed-ibagan emiskwaa deyob gunonikoed.