Daniel 7:9 - Kuna San Blas

⁹ “An we-ibmar dakgwichidgine, ologanmar silenonikid. Geb Dule-Selebagwad-nuga-nikad signonikid. E-mor booyobi sipuu dakleged, e-sailagia sibad-wawaad-e-absaryobi dagudik dakleged. E-ologanagi, degi, e-ologan-e-nag-urba-orokwagwad-bipirmaked-naidgi, soo gwabunyear daed.

Daniel 7:9 Iomraidhean Croise

1 Reyes 22:19

Micaías sogdebalid: —Bab-Jehová-gayaburba nue be itogo: Bab-Jehová e-ologangi-sii an daksad. E-baliwitur-bila-onomalad e-dikarba e-argan-nuedsik, degi, e-argan-sapiledsik bukwa nanaed.

2 Crónicas 18:18

Geb degine, Micaías sogdebalid: —Bab-Jehová-e-gayaburba nue be itomar: Bab-Jehová e-rey-gangi-sii an daksad. E-sordagan-nibarmalad e-argan-nuedsik-bukwa, degi, e-argan-sapiledsik-bukwa an daksabalid.

Salmo 45:8

Be-mola, we-ina-wawadikmaladbi yapanned: Mirraʼye-nugadbi, áloeʼye-nugadbi, canelaʼye-nugadbi yapanned. Reyneg-marfilʼgi-ise-nudakaled-akale, gar-bega-ogorlenaidi weligwar be-imaked.

Salmo 90:2

Bab-Jehová, amba yoo yarmar be urbegua, amba yoo napa be obinyegua, amba yoo napneg be obinyegua, degisadegu dikasurgus, emi-ibadse, bato bedi Bab-Dummad gued.

Salmo 93:2

Bab-Jehová, bedi gebe-negasaila-akale, bato negsemaid. ¡Bedi degisadegu maiguad!

Isaías 6:1

Rey-Uzías-burgwisad-birgagine, ani Isaías, Bab-Dummad ologana-biriginedgi-sii an daksad. E-mola-duku ese-goled-neggi bela batenai an daksad.

Isaías 9:6

Ar susugwa-gwensak anmarga gwalulesad, mimmi-gwensak anmarga uklesad. A-machi gandikidba negseoed, weyob nugguoed: Binsaed-Daked-Wilub-Obichadye, Bab-Dummad-Bela-Gangued-Nikadye, Bab-Degisadeguadye, Neg-Bogidikid-E-Dummadye, nugguoed.

Jeremías 49:38

Bab-Jehová soged: “Elamʼgi an-ologana an sioed. Elam-e-rey an obelogoed, e-dummagana an obelobaloed.”

Ezequiel 1:26

Neg-olloled-dummad-naid-birgi rey-gan siid. Akwa-nued-zafiroʼgi-sobaledyob-daklege siid. Zafiro-ganayob-daklegedgine ibmar duleyob-daklege sii an daksad.

Daniel 7:13

”Mutikidba an we-negburgan dakmaidgine, dule-wargwen mogir-imbaba aidedaniki an dakalid. We-dule, Dule-Selebagwad-siidse nade gusad, geb ese walikaa warmakega imaksamalad.

Daniel 7:22

Geb degine, Dule-Selebagwad nonikid, geb Bab-Dummad-Bur-Birigined-e-dule-islidikmaladga igar-nabononikid. Geb agine, dule-islidikmaladga negsemalaga iba nonikid.

Miqueas 5:2

Bab-Jehová sogdebalid: “Belén-Efrata, ar bedi Judá-yargi-neggweburmar-bukwadba bur bipigwadid. Begine, dule-Israel-yala-seoed nodagoed. We-dulede, amba yoo-napaneg-nague bato gudibinned.”

Habacuc 1:12

Be, Bab-Jehová, bato be negasaila-akale gudiid. Be, an-Bab-Dummad-isligwaled, be degisadegu dula maid. Be, Bab-Jehová, igar-innikigwad-imakmalaga be Babilonia-dorgan urbisad. Be, akwasaila-dukuedyob anmarga gued. Anmar-sabsur-odurdaked-oyogega be Babilonia-dorgan urbisad.

Mateo 17:2

Jesús amar-asabin yar-birgi-gwichi, Jesús-e-san-dakleged gwagdegusad, na e-wagar dad-ibeler-gaeyobi gadegusad, degine, e-mormala, bela ise-sipumakar, bela dagudik, gwallubayobi daklenaded.

Mateo 28:3

Baliwitur-e-dakleged mar-gaedyob dakleged, degine, e-mor ise-sibudik, dakuu daklebalid.

Marcos 9:3

E-mor, isedar-dagudik dakar-dakar-gae dakle naded. Dule napneggi ayobi geg-mor-sibudik enuked.

Gusmalad 2:30

”Ar David Bab-Dummad-gayaburba-barsogedid, degisoggu, nue-wissunnad, igi-Bab-Dummad ega ise-sogar imaksa. Ega weyob sogsagusad: ‘Be-wagwa-gwensak beyob reyga an omesoye.’ Salmo 132:11

Gusmalad 2:33

Degisoggu, Bab-Dummad-argan-nuedsik dummadga Jesús sigidapsunnad, degi, Bab-Dummad-Burba-Isligwaled-uklegoye-soglesadi, Jesúsʼga uklessunnad. Geb a-Burba-Isligwaled, Jesús anmarga uknaimogad. Emide, a-igar bemar daknaimalad, degi, itobukwamarbalid.

Filipenses 3:9

Deginbali, Bab-Dummad Cristoʼgi-nue-akanai an-dakbaligar. Moisés-Igar-Mesisadba an-isgussuliyob-dakleye-sogleged an abesulid. Ar unnila Cristoʼgi-bensur-gunonikidba isgussuliyob-dakleged an abeged. Dule-isgussuliyob-dakleged Bab-Dummadgi danikid. We-igar, dule Cristoʼgi-bensuliguedba nikued.

1 Timoteo 6:16

Ar unnila Bab-Dummadbi geg burgwed, neg-meegwad-dule-geg-ese-warmakedgi maid. Dule-wargwensaale, Bab-Dummad-dakdisulid, degine, dakosurgumarbaloed. A-e-gangued-degisadeguad geg bergued. A-e-nug anmar odummomarsun. Ar deyobdo.

1 Juan 1:5

We-gayaburba anmar Jesucristoʼgi itosgusadi, anmar bemarga sunmaked: Bab-Dummad gwallu-meegwadye. Bab-Dummadgi negsichid bipisaar naisurye.

Apocalipsis 1:14

E-nonodi, degi, e-sailagiadi, bela dagudik, sibad-wawaad-e-absar-sibudikidyob an daksabalid, dambed-bated-sibudikidyobid. E-ibyadi, sooyob-gae an daksabalid.

Apocalipsis 19:18

Adi, bemar we-sanmar gunmalagar: Reymar-san gunmalagar: Kaptanmar-e-san gunmalagar, dulemar-gandikmalad-e-san gunmalagar, moli-e-san gunmalagar, moli-birgi-sigmalad-e-san gunmalagar. ”Bela we-dulemar-e-san gunmalagar: Dulemar-maiga-gudimalad-e-san, dulemar-maiga-gudisurmalad-e-san, dule-dummagan-e-san, degi, dule-burwigana-e-san.”

Apocalipsis 20:4

Geb degi, ologanamar bukwa an daksad. A-ganmargi, dulemar-igar-nabomalaga-ega-igar-uklesmalad sigismalad. Geb dulemar-Bab-Jesús-nuggi-sunmakdigusmalad-ular, Bab-Dummad-Gayaburba-ular, dukar-argwachamalad-e-burbagan an dakalid. Ibdula-unid-e-nug gwen odummossurmalad. E-wilub-sobaled-nug gwen odummossurmarbalid. Wemar, e-bebegine, e-argangine, ibdula-unid-e-wilub nasissurmaladid. Amar an dakalid. Amar gannar durgunonimalad. Cristoʼba birga-miligwen (1,000) negdakmai gunonimalad.

Apocalipsis 4:2

Agine, Bab-Burba-Isligwaled burbar ikiir an-sunonikid. Geb nibneggine, ologana-sii an dakalid. Agine, dule-wargwen a-ologangi-sii an daksad.