Daniel 7:4 - Kuna San Blas

⁴ ”Ibdula-unid-gebesailagined, achumigur-nono-wawaadyob dakleged. Sulubagi-e-sakan nikabalid. An dakgwichidgine, e-ibe sakan unnusmalad, napagi-mai ogwichismalad, degi, e-nag-sorbalidgi duleyobi-gwisguega imaksamalad. Geb dule-binsaedyobi, binsaed-nika gunonikid.

Daniel 7:4 Iomraidhean Croise

2 Samuel 1:23

”Saúl, e-machi-Jonatánʼbogwa an-ai-nueganmalad. Dula-gudiunni, na bangudsurmalad. Burgwedgine, na bangussurmarbalid. Ebogwadi, sulubbali bur gwae-gwae nanamalad, achumigur-nono-wawaadbali, bur bule gangumarbalid.

Job 25:6

Dule-bulesunna, nus-musgimakmaiyob gudiid, dulede, napa-nusyob gued.”

Salmo 9:20

Bab-Jehováʼye, dulemar-e-niga be egwane. Dule-yar-baid-baidgi-bukmalad wisgued be imake, emarde, Bab-Dummadsurmarye, unnila dule-gumarye.

Jeremías 25:38

Igi achumigur-nono-wawaadi, e-galugi-noardaeyobi, Bab-Jehová e-dulamargi noalid, e-yala bela olloo nasiksad. Bela Bab-Jehová-e-urwedbali es-suidgi oburgwilesmalad.

Jeremías 4:13

Israel-dulemar weyob sogdemaloed: “Be dake, anmar-isdarmalad mogiryob danikid. E-ur-napagined-bila-onomalad, burwa-ooregedyob gwichigudanikid. E-molimar, sulubagi-gukuedba bur binnasuli abarmakdanikid. ¡Anmar duledar-wilesmar! ¡Anmar bela!”

Jeremías 4:7

Bato achumigur-nono-wawaad gagan-imbaba nodanikid, dule, dulemar-akar-akar-bukwamalad-obeloged bato igarba danikid. Be-yala-obelogega, e-yalagi bangualid. Be-neggweburmar akwamarbi ganna-ganna ambikuoed, dulemar bar bukwasuli guoed.”

Jeremías 48:40

Bab-Jehová weyob soged: “Be dakmar, Moab-isdarmaladi, suluba-gukuedyobi danimalad. Moab-dulemarbina guakwaa danimalad.

Jeremías 49:19

”Achumigur Jordán-diwar-bulaganba, gagan-nuegan-naidse nodanidaedyobi, ukiagwale, an Edom-dulemargi gwichigudagoed. Edom-dulemargi an dule-nug-imaksadi dummadga an mesoed. Ar ade, ¿doa anyobsunna? ¿Doa angi obinosunna? ¿Biti-sibad-edarbed angi gwisguosunna? Dule angi obinosuli.

Lamentaciones 4:19

Anmar-balegindimalad, sulubagimarba bur bule nanamalad. Yalaganba anmar-balegichamalad, nega-dulesulidganba anmar-iduar dukuar bukus gusmalad.

Ezequiel 17:3

‘Bab-Jehová-Bela-Gangued-Nikadi weyob sogye: Deunni, Líbano-yarsega sulubagi-dummad nonikid. We-sulubagi sakan-burwisur nikad, e-absar-daklegedi, akar-akar-dakleged. We-sulubagide, Líbano-yarse nonikid, urwar-sapi-dukugi signonikid.

Ezequiel 28:2

“Dule-machi, Tiro-e-reyga be soge: Bab-Jehová-Bela-Gangued-Nikadi weyob sogye: ‘Be-gwagegi na be san-dummarba-itogedba sogsagusad: Ani an bab-dummadye. Muu-billiganbali bab-dummagan-e-rey-gangi an siiye. Ar bab-dummadyob na be ito-inigwele, ar bedi bab-dummad-sulid. ¡Unnila be dule gued!

Ezequiel 28:9

Dulemar-be-oburgwemaloed-asabin, ¿amba be sogoe: Ani an Bab-Dummadye? Ar dulemar-be-gindakmaladga bab-dummadga be guosulid, unnila be dule gued.

Daniel 2:38

Bela dulemar-we-napneggi-bukwad, be-argan-yaurgine bega uksad. Deginbali, ibmar-durgan-sapurba-bukwad, sikwimarse-bakale, be-argan-yaurgine uksabalid. Bela wemar-birgi-dummadga-megega be imaksad. Ibmar-duleyob-sobaled-e-nono-orbiidi, we, be gued.

Daniel 4:36

An weyob sogsagua, an gannar magar-neg-itononikid. Geb an-nug-dummarba-gued, an-negsemaid-e-gangued, degi, an-negdakmaid-e-yeerdakleged anga gannar uklenonikid. Anga binsaed-ukmalad, degi, anga dummaganga-mamaid anse nonimalad. Geb an gannar reyga megnonikid. Idualedbali an bur bule gangued-nika gunonikid.

Daniel 7:12

Ibdula-unid-bamalad-ibe e-gargangued sulesad, degi-inigwele, wis sikwas dula-gudii-gumalaga amba ega ibagan nagusad.

Daniel 7:5

”Ibdula-unid-sogbogwad an dakarbalid, adi, wiobyob dakleged. We-ibdula e-dikargi yollee maid. E-gayagine, ibmar-dikar-gar warbaa ganikid. We-ibdulaga soglesad: ‘Be gwisgue, be immeregedse san gunne.’

Mateo 24:28

Ar dulemar mulamar-danar-bukwa-dakele, na wismalad, agi san-burgwaled mai. Debayobi, an gannar we-napnegse danikile, dulemar mag dakmogoed.”

Deuteronomio 28:49

”Bab-Jehová dule-yar-dikasurmaladgined begi sedagoed. Igi sulubagi gwae-gwae-gukue, deyob be-isdarmalad ukiar begi nonikoed. Dulemar-e-gwabinduku-be-aku-itomaladi, begi nonikoed.

Apocalipsis 13:2

Ibdula-unidi achu-barbadyob dakleged. E-naga, wiob-nagyob dakleged. E-gayadi, achumigur-nono-wawaad-gayayob dakleged. Achu-simudubaledi, e-nuggi-ibmar-imaked-igar ibdula-unidga uksad. Ibmar-gegerdakleged-imaked-igar, ibdula-unidga uksabalid. Deginbali, negseed-igar ibdula-unidga uksabalid.