Daniel 4:3 - Kuna San Blas

³ Ibiyobi, Bab-Dummad-e-ibmar-wilubgan dungue, degi, ibiyobi, e-ibmar-gegerdakleged gangubali. Bab-Dummad-Bur-Birgined-e-negganikid degisadeguad, e-negsemaid gege bergued.

Daniel 4:3 Iomraidhean Croise

Job 25:2

“Bab-Dummadi, dule-gandikidid. Dobesar dule-imakedid. Bab-Dummadi bela nibneggine igar-ilemakmaidid.

Salmo 104:24

Bab-Jehová, ibiyobi be ibmarmar-imaksadi, ichesur mergue. Be ibmar-wisidbali, bela we-ibmarmar be imaksad. Be ibmar-obinnisadi, bela napneggi nanaid.

Salmo 105:27

Agine, Bab-Dummad, wemar-ebogwad, Cam-yalagi ibmar-dakledisulid-imakega imaksad.

Salmo 145:13

Be-negsemaidi, degisadeguoed, be-neg-ganikidi, berguosulid.

Salmo 66:7

Bab-Dummad gargandikidba degisadegu negsemaid, bela-dule-gudimaladgi nakulediid. Dulemar-eba-dasurmalad, gwen-abin gwisguosurmalad.

Salmo 72:18

Israel-e-Bab-Dummad-Jehová-nug odummolesun, unnila abi ibmar-gegerdaklemalad-imaked maid.

Salmo 77:19

Demar-abargi, igar be mesisad, Muu-billi be egasad, a-abargi be nasad, degite, be-gannar daksasurmalad.

Salmo 86:10

Bab-Dummad, ar bebi dummarba-maid, ar bebi ibmar-gegerdakleged imaked. ¡Ar bebi unnila Bab-Dummad gued!

Salmo 92:5

¡Bab-Jehová, ibibayobi be-ibmar-imaksad dummarba-gue! Bab-Jehová, be-binsaed bela-bela yeer-gangusoggu,

Isaías 25:1

Bab-Jehová, be an-Bab-Dummadid. An bega namakoed, an be-nug odummogoed, ar be ibmar-gegerdaklemalad imaksad. Be-Igarmar epennegwad-akale bela napiragwadbiid, degi, inniki maiguad.

Isaías 28:29

We-binsaedi, bela Bab-Jehová-Bela-Gangued-Nikadgi danibalid. E-binsaed-dakedi, innikigwadid, e-binsaed-nikadaedi, sunsogedid.

Isaías 9:7

E-gangued bela nasguoed, e-neg-bogidik-seoed bela nasguoed, gwen berguosulid. David-ologangi dummadga sigoed. E-yalagi dummadga negseoed. E-negseoedi, igar-napiragwadba yar-seoed, innikigwadba negseoed, emi-ibase, degisadegu negseoed. Bab-Jehová-Bela-Gangued-Nikad we-ibmar-imakoedi, e-sabgued-oyomaidba, deyob imakoed.

Jeremías 10:10

Degi-inigwele, Bab-Jehováʼdi, Bab-Dummad-napiragwadid, Bab-Dummad-dulasaila-maidid, e-Reyga-maigu degisadeguadid. Bab-Dummad uludele, napaneg ogiglimaked, dulemala, e-urwed-abin gege gwisgumalad.”

Daniel 2:2

Rey-Nabucodonosor na e-gabdaksad ega odulogegala, ibmar-burbaled-oyoged-dulese, ibmar-burbaled-wisid-nerguarmalad-dulese, ina-isgana-imakmalad-dulemarse, degi, Caldeo-dule-binsaed-ibedmarse gochad. Degisoggu, we-dulemar bela Rey-Nabucodonosor-asabin gwisgunonimalad.

Daniel 2:44

”We-reymar-ibagangine, Bab-Dummad-Nibneggi-Maid, na rey-wargwen-degisadegu-reyga-megoed barmidagoed. We-reygi, dule-baid bipisaar obinosulid. Ar we-rey bur yar-bamalad-obelogoed. We-rey, degisadegu reyga megoed.

Daniel 4:17

”Gayaburba-berbemalad-islidikmalad bela dulemar-gudidimalad Bab-Dummad-Bur-Birigined-magar-dakmalaga weyob sogsad: ”Bab-Dummad-Bur-Biriginedi bela dulemar-negsemamaid-e-dummadid, Ar doaga negseleged ukbie, na e-sogedba ukedid. Degine, dule-nug-bipi-nikad emar-iduega onug-imakedid.

Daniel 7:14

Geb a-dulega gargangued, gandikidba-negseleged, degi, nug-dummarba-gued ega uklesad, adi, bela dulemar-gudidiid, dulemar-yar-baid-baidgi-bukwamalad, degi, gwabinduku-akar-akar-sunmakmalad, e-nug odummomalagar. E-neg-ganikidi degisadeguad, gege bergued. E-yar-ganikidi bipisaar berguosulid.”

Daniel 7:27

Geb degine, Bab-Dummad-Bur-Birigined-e-sorda-islidikmaladgala, bela we-napneggi yarmar-nanaid-e-nug-dummarbagued, ega uklenonikoed, gandikidba-negseleged, ega uklenonikoed e-yarmar-dummarba-gued, ega uklenonikoed. Bab-Dummad-sorda-islidikidmalad-e-negseleged degisadegu guoed. Bela we-napneggi dummagan-negsedimaladi, e-urbaligwa nanadii gumaloed, degi, eba ibsadii gumarbaloed.’

Romanos 11:33

¡Ibibayobi Bab-Dummad bela-bela binsaed nika! ¡Ibibayobi bela-bela ibmar wisbali! Bab-Dummad-e-igar-naboleged, dule bela mag itogosurguoed, degine, e-ibmar-imaked ibiga wede deyob-imake, dule amba aku-itobalid.

Deuteronomio 4:34

Ar Bab-Dummad dulamar-bamalad-abargi dulamar-bukwad-gwensak-suegala, igar-bulegan-oyonai gualid, ibmar-wilubgan-oyonai gualid, ibmar-dakledisurmalad-oyonai gualid, bila-onoleged-ononai gualid. Degi, ibmar-gegerdaklemalad gandikidba-oyonai gualid, bela gargangued-oyonai gualid. ¿Biti-bab-dummad deyob ibmar-imaknai be daksamala? Suli. Deyob bab-dummad-baid ibmar-imaknai be daksasurmalad. Unnila be-Bab-Jehováʼbi bela-Egipto-yargi bemarga ibmar-imaksad be daksamalad.

1 Timoteo 1:17

Degisoggu, aga anmar-Rey-Dummad-degisadegu-maid, geg burgwed, a-e-nug odummolesun. We-Rey-Dummad sanar dakledisulidid, unnila abi bela-ibmar-wisimaidid, a e-nug odummolesun. Ar deyobdo.

Hebreos 1:8

Bab-Dummad, na e-Machinikdi soged: “Bab-Dummad, be-negsemaid degisadeguoed. Be-negsemaid igar-maidba be imaked.

Hebreos 2:4

Degine, Bab-Dummad anmarga na oyosad, ibmar-wilubgan-imaklegedgi, dule-geger-ibmar-daked-imaklegedgi, degine, ibmar-dakledisurmalad-akar-akar-imaklegedgi, degi, e-Bab-Burba-Isligwaled na e-sogedba gurgin-burbarmalad-nuegan-uksadgi, anmarga oyosad.

1 Pedro 4:11

Ar gwenad-wargwen sunmakele, Bab-Dummad-gayaburba-maid-sogedba sunmakoed. Ar gwenad-wargwen dule-bendakele, Bab-Dummad-ega-gangued-ukedba bendakoed, adi, bela e-ibmar-imakedgi Jesucristoʼba Bab-Dummad-nug dunguegar. Ar Bab-Dummad dummarbaa maid, degi, e-gangued-yeerdaklegedba bela degisadegu-negdakmaid egadid. Ar deyobdo.

Apocalipsis 11:15

Baliwitur-gugled (7) e-gala-trompeta-ogotegu, nibneggi gayaburbamar-bukidar gole an itosad. Weyob sogmalad: “We-napneggi-negselemaid, bela anmar-Bab-Dummadgadga gunonikid, degi, E-Cristoʼgadga gunonibalid. Degisoggu, degisadegu, amar negdakmai guoed.”