Daniel 3:1 - Kuna San Blas

¹ Rey-Nabucodonosor ibmar-duleyob-orgi-sobaled-sobega igar-uksad. We-ibmar-duleyob-orgi-sobaledi, daliambe-gakatale (15) nibgued, e-wardunguedi daligwen-gaka-negabalad. We-ibmar Babilonia-yargi, Dura-neba-naidgi sobar-ogwichisad.

Daniel 3:1 Iomraidhean Croise

1 Reyes 12:28

Jeroboam ega-binsaed-ukmaladse idaksagua, moli-bebe-nikad-orbiid walabo sobsad. Agine, Israel-dulemarga sogded: “Israel-dulemar, Jerusalén-neggweburse bar bemar nanasulir, akarsulid. Ar bemar-bab-dummagan wegi gwichid. We-bab-dummadgan, Egipto-yargi-bemar-gudigu, bemar-onosmaladid.”

Ester 1:1

Rey-Asuero yarmar-sogadulanergwa-gakaguglegi (127) reyga-mai gusad. We-yarde, India-yar-akar, Etiopía-yalase dungued.

Salmo 135:15

Dulemar-yar-baid-baidgi-bukwamalad na e-bab-dummadyob-ibmar-imakbukwadi, orgi sobaled, manigi sobaled. Dulemar na e-argangi sobsa nanaed.

Éxodo 20:23

Melle bemar orgi-ibmar-sobaled, manigi-ibmar-sobaleddibe, be-bab-dummadga anyob be imakmalo.

Éxodo 32:31

Geb degine, Moisés Bab-Jehováʼse gannar nonikid, ega sogded: —Ar we-Israel-dulemar or-sobaled bab-dummadga-imaknonimargu, nue-dummad-isgunonimalad.

Isaías 2:20

A-ibagine, dulemar e-bab-dummagan-nug-odummogega-orgi-sobsamaladi, manigi-sobsamaladi, sapur-nusaga, degi, uksirga midmaloed.

Isaías 30:22

Degisoggu, be-ibmar-sobarmalad-bab-dummadyob-imaklemalad-manibiidi, be-ibmar-wilubgan-orbimaladi, bela ibmar-isedyob be metemaloed. Be sogdemaloed: “Wegi-bukwad be nae.”

Isaías 46:6

Ar dulemar gwenna-gwenna, binsa e-or sagumargi-bukwadi, obelodamalad, e-manidi, nibirgi wilubsadamalad. Geb dule-ibmar-sobed amidamalad, adi, bab-dummadyob-imakleged sobegar. A-bab-dummadyob-imakleged-nug-odummogega, e-asabinni yokorgi-sindigar sigdamalad.

Jeremías 10:9

Tarsis-yala-akale, mani-matargana sedanidamalad, Ufazʼye-neg-nugad-akale, olo sedanidamarbalid. We-ibmarmargine, bab-dummadyob-imaklemalad sobdamalad. Geb ega mor-arad, mor-ginnid makdamalad. Dulemar-orgi-arbamaladi, manigi-arbamaladi, degi, ibmar-sobedgi-arbamaladi, bela we-ibmarmar imakmalad.

Jeremías 16:20

¿Ar sunna dulemar na dukin e-bab-dummagan sobsi? Eye, degi-inigwele, we-ibmarmarde gwen bab-dummagansulid.”

Daniel 2:48

Geb degine, Rey-Nabucodonosor dummadga Daniel-nug-imaksad, geb ibmar-nuegan-bukidar ega uksabalid. Deginbali, rey, bela Babilonia-yar-naidgi-negseega, degi, dule-binsaed-nued-nikamalad-e-dummadga-guega Daniel-nug-imaksabalid.

Daniel 2:49

Geb degine, Daniel reyse egichisad, e-aimar-Sadrac, Mesac, degi, Abednego, dummaganga onugsamoye. A-sogedbali, rey, we-masmala Babilonia-yargi ega ibmar-akwega onugsasad. Danielʼdi rey-walik arbadii gusad.

Daniel 3:14

Rey-Nabucodonosor ega sogded: —Bemar warbaagwad, ¿ar wede, nabiri? Bemar an-bab-dummagan-e-nug, degi, an ibmar-duleyob-orgi-sobaled sobsagusad-e-nug odummosurye anga sogmalad.

Daniel 3:30

Geb Rey-Nabucodonosor, Sadrac, Mesac, degi, Abednego, Babilonia-yargi dule-dummaganga nug-imaksad.

Daniel 5:23

Aka be Bab-Dummad-Nibneggi-Maidgi dodonaigualid, e-neggi nogmar-selealid be wese-senonikid, adi, a-nogmargi be, be-sordagan, e-omegan, degi, e-omegan-dikarbarmalad vino-gobmalagar. Deginbali, bab-dummagan-orgi-sobaled-nug, manigi-sobaled-nug, esgoro-gordikidgi-sobaled-nug, be odummosmalad. Esgorogi-sobaled-nug, urgogi-sobaled-nug, degi, akwagi-sobaled-nug be odummosbalid. We-bab-dummagan aku-atakmalad, aku-ibmar-itomalad, degi, ibmar-wissurmarbalid. Aka bur Bab-Dummad be-dula-gudi-imaked-e-nug, bela be-ibmar-imaked-wisid-e-nug be odummossulid.

Daniel 5:4

Vino-gobnanaidgine, na e-bab-dummagan orgi-sobarmalad-e-nug, manigi-sobarmalad-e-nug, esgoro-gordikidgi-sobarmalad-e-nug, esgorogi-sobarmalad-e-nug, urgogi-sobarmalad-e-nug, degi, akwagi-sobarmalad-e-nug odummonanai guarmalad.

Oseas 2:8

Ar we-ome ani an ega masgunned-ukedye binsassulid, ani an ega vino-binigan-ukedye binsassulid, degi, olivo-gwallumar-ukedye, gwen binsassulid. Ar ani an ega manimar, olomar an ega omelosad. Degite, ¿igi-wede we-ibmarmar imaksasunna? ¡Aka Baal-bab-dummadyob-imaklemalad egi sobsad!

Oseas 8:4

An-sogedbarsuli reymar-omesdimalad. Yogasaar dulemar-an-akudaked dummaganga nug-imakdimalad. Na dukin san-wiomalaga e-manimargine, e-ormargine, bab-dummadyob-imaklemalad sobdimalad.

Habacuc 2:19

Dule suar-sobaledga sogdibe: ‘¡Atake!’ ¡We-dule, duledar-wiles! Dule akwa-sobaledga sogdibe: ‘¡Gwisgue!’ ¡We-dule, duledar-wiles! Ar we-ibmarmar amba bela or egi-ebiris-nai-inigwele, amba bela mani egi-ebiris-nai-inigwele, gege ibmargi be-odurdaked, ar burba sated, unnila uka-ollobi gued.

Gusmalad 17:29

”Ar anmar Bab-Dummad-mimmigan guedde, anmar binsaewilubsulid, Bab-Dummadi or-sobaled guye, mani-sobaled-guye, akwa-sobaled guye, deyob anmar binsaewilubsulid. Ar unnila we-ibmarmarde dulemar na ibmar-wisidba, e-binsaedba sobsamalad.

Gusmalad 19:26

Ar emide, we-Pablo dulemar-binsaed-gadiid be dakdimalad, degi, be nue itodimarbalid. Unnila Éfesoʼginbisulid, bela Asia-yalaganba dulemar-binsaed-gadiid. Wede sogdiid: ‘Dulemar-yamo-e-argangi-ibmar-sobmaladi, Bab-Dummadsurye.’

Deuteronomio 7:25

”E-bab-dummagan-ibmargi-sobarmalad bela be soogi ogumako. Melle be e-birgi-mani-nasiklealedbina, degi, e-birgi-olo-nasiklealedbina be sogmalo, degine, melle be sumalo. Ar abakalegi, isguega be-imakarmalale, ar ade, be-Bab-Dummad-Jehováʼba we-ibmarmar ibmar-isgana gumalad.

Apocalipsis 9:20

Dulemar, we-bonimargi-burgwissurmaladi, e-daed-ogwaega, gwen e-isguedga bukib-itossurmalad. Niamarse-goled gwen iessurmalad. Or-nuchugi-sobarmaladse-goled gwen iessurmalad, mani-sobarmaladse-goled gwen iessurmalad, esgoro-gordikid-sobarmaladse-goled gwen iessurmalad, akwa-sobarmaladse-goled gwen iessurmalad, suarmar-sobarmaladse-goled gwen iessurmalad. Ar we-bab-dummaganga-imaklebukwad aku atakmalad, geg dule-itomalad, geg nanamarbalid.