Daniel 2:9 - Kuna San Blas

⁹ Bemar anga an-gabdaksad sogsurmardibe, unnila igar-soggwen bemarga maid, sabsur-odurdakleged-igar. Bemar anga gakansamalaga gunanaid, anga yogasaar ibmar-sogega gunanaid, agala bemar yoggunanaid. Degisoggu, anga an-gabdaksad sogmala, deyobi, an wisguoed, bemar sunna anga nabir we-gabdaked odulomalodibe.

Daniel 2:9 Iomraidhean Croise

1 Reyes 22:22

”We-burba ega sogded: ‘An naoed, Bab-Dummad-gayaburba-barsogmaladse an naoed. A-dulemar gakansaega an imakoed.’ ”Bab-Jehová ega sogdebalid: ‘Degirdi, deyob be imaknado. Adi, deyob be e-binsaed gaoed.’

1 Reyes 22:6

Degisoggu, Israel-e-rey, Bab-Dummad-gayaburba-barsogmalad e-dulataled-ilabake (400) onmaksad, amarse egisded: —¿Ramot-De-Galaad-neggweburse an bila-ononaed be an-itomoga? Rey-abin sogdemalad: —Be bila-ononae, ade, Bab-Jehová bega urmakoed.

Ester 4:11

“Bela reyga-arbamalad, degi, bela dule-rey-e-neggweburmargi-bukwamalad igar-maid wismalad. Ar dule-machereddibe, omedibe, rey-ese-gochasuli rey-dakega reyneg-imbagi dogsadibe, a-dule oburgwilegoye. Ar rey na e-olo-gaapoled a-dulegi oyosardi, we-dule bendaklegoye, bar oburgwilegosurye.” Ester sogdebalid: “Ar bato iba-dulagwen-gakambe-gusad (30), Rey-Asuero anbo-sunmakega bar anse gorsulid.”

Proverbios 12:19

Dule-ibmar-napiragwad-sunmakedi, sereddii megoed. Dule-gakanbi-sunmakeddina, sikwas gudii guoed.

Isaías 41:23

Yoedse-negguoed be anmarga sogmar, adi, anmar wisgumalagar, bemar bab-dummagan gumarye. Bemar ibmar imakmala, nueddibe, ichakwadibe, adi, anmar dakega, degi, anmar ese gwayegar.

Isaías 44:25

”Ani an Bab-Dummad-gayaburba-barsogedyob-san-imakdamalad-e-ibmar-sogedi, ega guega an imakdasulid. Nergan an obingesadaed. Dule-binsaed-ibegana sikirmakega an imakdaed. E-binsaed-nikaa-daedi, gannar-gannar-ibmar-obaredga an imakdaed.

Ezequiel 13:17

Bab-Jehová sogdebalid: “Dule-machi, emigindi, we-omegan-be-neggweburginedi na e-itogedba ibmar-guoed-sogdimaladga be ibmar-soge.

Ezequiel 13:19

Bemar, orosgi-dakleged-cebadaʼye-nugad argan-nukgwen-ular, degi, madu-wargwenad-ular, an-dulamar-asabin an-nug oichosmalad. Be-gakansamaladgi an-dulamar egi bensulid-ulale, dulemar-burgwed-wilubsulinad be oburgwemalad. Aka dulemar bur burgwed-wilubbinad dula-gudii be imakmalad.’

Ezequiel 13:6

Be negburgan-dakmaladi, napiragwadsulid. Binsa yamo be nabiritiyob ibmar sogmalad. ‘Bab-Jehová sogye,’ be sokardamalad. Ar Bab-Jehováʼdi bega deyob sogsulid. Degi-inigwele, bega-ibmar-soglesad-sanargued be abitodimalad.

Daniel 2:16

Geb agine, Daniel, rey-daknadgusad. Geb Daniel, gabdaked-odulogegala, reyse ibagan ega napi-osuguye egichisad.

Daniel 2:21

Bab-Dummad bela ibagan ogwamaid, yolamar ogwamaid. Bab-Dummad reymar-onugsamaid. Reymar-dummadga-maid obelobalid. Dule-binsaed-ibedga binsaed-nikagued uked. Dule-magar-neg-itomaladga ibmar-wisgued uked.

Daniel 2:8

Rey-Nabucodonosor abin-imakde, ega sogded: —Bato an igar-mesisad. A-igar bemar nue-wisid, a-ulale, bemar yamo weyob gunanaid.

Daniel 3:15

Emigindi, Bemar guakwagwa gar-trompeta, gar-flauta, gar-cítara, gar-salterio, gar-arpa, gar-zampoña, degi, bela gar-gormalad gote-itodele, an ibmar-duleyob-orgi-sobaled sobsagusad-asabin, napase wagar dullu-imaked, degi, e-nug odummoged. Ar deyob bemar imaksulile, soo-ginnitibi-gasiid-yagi yog-mellear bemar guoed. Weyob an bemar-imakoedgi, ¿ar doa-bab-dummad be-bendakmaloe?

Daniel 5:28

‘Peres’ sogleged: Be-negsemaid mimilesye. Media-dulemarga, degi, Persa-dulemarga uklesye.”

Daniel 5:31

Yar-naidi Mediaʼgined-Darío ganonikid. Darío, deunni birga-dulapaa-gakabo (62) nikad.

Daniel 7:25

We-rey, Bab-Dummad-Bur-Biriginedgi isdar-sunmakoed. Bab-Dummad-Bur-Birigined-e-dule-islidikmalad-wiogega imakoed. Ibagan-mamaid, igarmar-mamaid ogwabigudagoed. Dule-islidikmalad we-rey-urbaligwa birgapaa-negabar gudimaloed.

2 Corintios 2:17

Anmardi, bukidar-dulemar-baigan-imakedyobi imaksulid. Anmardi, Bab-Dummad-gayaburbagi mani-onodisurmalad. Aka anmardi, nue-napiragwadgi Bab-Dummad-nuggi, degi, Bab-Dummad-asabin Cristoʼgi sunmakdimalad.