Daniel 1:4 - Kuna San Blas

⁴ We-masmala nued-daklemaloed, bonikwasurmaloed, degine, binsaed-nikarbamaloed, ibmar-wisirbamaloed, magar-neg-itomarbaloed. Adi, we-masmala reyneggine nabir arbadii gumalagar.” Degidbali, Aspenaz, a-masmala Babilonia-dulemar-e-gayagi odurdakoed, deginbali, Babilonia-dulemar-e-garda-narmaklegedgi odurdakbaloed.

Daniel 1:4 Iomraidhean Croise

Génesis 41:46

José birga-dulagwen-gakambe-nikadgi (30), Egipto-e-rey-Faraónʼse seles gusad. José Faraónʼga degimaloye sogsagu, Egipto-yargi bela atakdii gualid.

2 Samuel 14:25

Israel-dulemar-abargine Absalón-daklegedyobi dule sulid. Ar e-daklegedi, machered-nued dakleged.

Proverbios 22:29

¿Dule e-arbaedgi nued-arbaed be dakdii? Dule-deyob-arbaedi, reymarga arbadii guoed, dule-binsarmaladga arbaosulid.

Eclesiastés 7:19

Dulemar-bulegan-ambegid (10) neggwebur-semaladba, binsaed-nikagued dule-binsaed-ibed-ogannoged, bur nuedid.

Isaías 36:11

Degine, Eliaquim, Sebna, degi, Joa, weyob Asiria-sordamar-e-dummad-abin sogdemalad: —Be-maimarga wis Arameo-gayaba be sunmake, ar anmar mag-itomalad. Mer anmarga Hebreo-gayaba be sunmake, ar dulemar galu-matusulidgi-bukmalad anmar-itobukwad.

Jeremías 5:15

Ani an Bab-Jehová bemarga soged: “Israel-dulemar, dule-dikasurmalad an bemarse barmidagoed. Neggwebur-gandikmalad, undargus-bukwamalad an bemargi barmidagoed. Dule gaya-akarsaila-sunmakmalad, e-gaya-be-aku-itomalad an bemarse barmidagoed.

Daniel 2:10

Geb Caldeo-dule-nerguarmalad rey-abin sogdemalad: —We-napneggine, dule-wargwensaale we-igar-be-egisnaid-oduloged gudisulid. Deginbali, rey-wargwensaale, dule-dummad-negdakmaid-wargwensaale, degi, dummad-wargwensaale, ibmar-burbaled-oyoged-nergudimaladse, dule-ibmar-burbaled-wisid-nerguarmaladse, degi, Caldeo-dulemar-binsaed-ibedmarse, weyobi, ibmar egisdisurmalad.

Daniel 2:2

Rey-Nabucodonosor na e-gabdaksad ega odulogegala, ibmar-burbaled-oyoged-dulese, ibmar-burbaled-wisid-nerguarmalad-dulese, ina-isgana-imakmalad-dulemarse, degi, Caldeo-dule-binsaed-ibedmarse gochad. Degisoggu, we-dulemar bela Rey-Nabucodonosor-asabin gwisgunonimalad.

Daniel 3:8

Degidgine, Rey-Nabucodonosor-asabin, Caldeo-dulemar-nonimaladi, Judío-dulemar-barsognonimalad.

Daniel 4:7

Ar dule-ibmar-burbar-oyomalad, dule-ibmar-burbaled-wisid-nerguarmalad, Caldeo-dulemar-binsaed-ibedmar, degi, nermar-yoedse-ibmar-guoed-sogmalad anse nonimargua, an ega an-gabdaksad sogsad. Degi-inigwele, gwen anga odulossurmalad.

Daniel 5:11

Be-yar-semaidgine, dule-wargwen gudiid. A-dulegine, bab-dummagan-islidikid-e-burba maid. Be-bab-Nabucodonosor-dula-gudiunni, we-dule nue-ibmar-wisi, nue-binsaed-nikaa, degi, bab-dummaganyob nabir-ibmar-burbaled-oduloge daklealid. Be-bab-Rey-Nabucodonosor, we-dule, dulemar-ibmar-burbar-oyoged-e-dummadga, dulemar-burbar-ibmar-guoed-soged-e-dummadga, Caldeo-nermar-e-dummadga, dulemar-niisgwamargi-nergualed-e-dummadga onug-imaksagusad.

Daniel 5:7

Geb Rey-Belsasar, dule-ibmar-burbaled-oyomalad, Caldeo-nelemar, dule-niisgwagi-nerguarmalad ese dagmalaga imaksad. Rey-Belsasar dule-binsaed-ibedmar-Babiloniaʼginmaladga sogded: —Anga dule we-narmaklesad absosdibe, degi, anga odulosbardibe, dule-nuga-nikadyob mor-suir-akwagiid an ega yooed, e-dukargine ordub an ega nasikoed, deginbali, rey-yarbalid-e-yarbalidga we-yar-dummad-naid-seega an nug-imakbaloed.

Daniel 9:1

“Media-yargined, Asuero-machi-Darío, Babilonia-dulemar-e-reyga megnonikid.

Zacarías 2:4

ega sogded: “We-sapingwaga gwae ega be weyob sognae: ‘Jerusalén-neggweburgi dule-bukidar ambikunonikoed, moli-bukidar ambikunonikoed. Jerusalén neggwebur-galu-matusulid-satedga gunonikoed.’

Gusmalad 7:20

”A-ibagangi, Moisés gwalulesad. Bab-Dummad a-machigwa mimmi-nued daksad. E-babgandi na neggi nii-warbaa arbakee na odungudani gusmalad.

Gusmalad 7:22

Agine, Moisés Egipto-igargan nue durdaksad, degi, nue balamisad. Moisés gannarbaa ibmar-sae, degi, gannarbaa nue-yeer-sunmake gunoni gusad.

Efesios 5:27

Adi, Cristo, eba-nanaimalad nue-swilidikidgi, isgued-naisulidgi, bela yeerdaklege, gwen gutu-naisuli, bapi-bapidsuli, bela nued-daklege, deyob na ega-ukega, na eba-nanaimalad-imaksad.

Jueces 8:18

Geb Gedeón Zebaʼse, Zalmunaʼse egichided: —Bemar Taborʼgi dulemar-oburgwisadi, ¿igi daklemala? Geb Gedeónʼga sogdemalad: —Beyob-daklemala. Rey-machiyob daklemalad.