Cantares 3:3 - Kuna San Blas

³ Dule-nakulemalad galimbaba-bipirmakdimaladgi an-abingunonimalad. Geb amarse an egisded: “¿An-sui-nue-sabesailad be daksasurmala?”

Cantares 3:3 Iomraidhean Croise

Cantares 1:7

¡An-sui-nue-sabesailad! Anga be soge, be-sibadmar-gagangi-omanaegala, ¿bia be omanaddae? ¿Bia yorukudba be obunnogega seddae? ¿Ar ibiga an dule-negsuligudidaeyobi, be-aimar-sibad-bukwad-abargi an be-amidii guoe?

Cantares 5:7

Agine geb, dulemar-nakulemalad nakuledimargua, an-aminonimalad. A-dulemala an-sarsononimalad, an-naibi-imaksamalad. Dulemar-galugi-nakulebukwad, sabsur-an-ibe mor esusmalad.

Isaías 56:10

Bela Israel-dulemar-nakulemaladi aku-atakmalad, ar wargwensaale, ibmar-daksurmalad. Ar bela achu-gwabinsulidyob gumalad, ar geg urwemalad. Gadi-gabmalad, wiegalamalad, yeer gabed itodamalad.

Isaías 62:6

Jerusalén-neggwebur, be-galu-matusurmaladgi, sorda-nakulemalad an urbisad. Wemala, bipisaale gwen mutikidbali, ibginedbali, gaya bogiguosurmalad. Bemar, Bab-Jehováʼse-gormalad melle be obunnomalo.

Ezequiel 3:17

“Dule-machi, Israel-dulemar-owisogega an be-nug-imaksad. Degisoggu, an bega ibmar-sokalile, an-nuggine be sunmakoed.

Juan 20:15

Jesús ega sogded: —Omegwa, ¿ibiga be boe? ¿Doa be amie? Ar María, we-dule dule-nainu-akwedye-bisoggu, ega sogded: —Dule, ar mui be sesale, anga be soge, bia be mesisa, adi, an ase aminaoed.

Hebreos 13:17

Be-idumalad-Bab-Jesús-igargi-bega-sunmakmaladba be uaya-nikaa damar, a-sogedba be nanamar. Ar wemala bali-bali be-san-burbagi nakuledimalad. Ar ade, igi be-akwismala, agi Bab-Dummadga sunmakgwichi gumaloed. Degisoggu, mer bukib-itogwichi gumalaga, e-arbaed weligwar-imaked be imakmalo. Ar bemar dummagan-bukib-ito-imakele, bemarga ibnuedga guosurmalad.