Cantares 3:2 - Kuna San Blas

² Geb an gwisguded, neg-imbaba an aminadgusad. Galimbaba an aminaded, ibmar-uklebukwadgi an aminaded. An-sui-nue-sabesailad an amidii gualid. An amidigusanad, an amissurgusad.

Cantares 3:2 Iomraidhean Croise

Proverbios 8:34

Dulemar-nabir-an-itodimalad, bane-bane an-yawagak-naba an-edarbedimalad, we-dulemargi ise-nued binsalesad.

Cantares 1:7

¡An-sui-nue-sabesailad! Anga be soge, be-sibadmar-gagangi-omanaegala, ¿bia be omanaddae? ¿Bia yorukudba be obunnogega seddae? ¿Ar ibiga an dule-negsuligudidaeyobi, be-aimar-sibad-bukwad-abargi an be-amidii guoe?

Cantares 3:3

Dule-nakulemalad galimbaba-bipirmakdimaladgi an-abingunonimalad. Geb amarse an egisded: “¿An-sui-nue-sabesailad be daksasurmala?”

Cantares 5:5

An-suiga an yawagak-egaegala, yog gwisguar an imaksad. An-argangi mirra-wawadikid ariomaid, an-goomar-imbaba bela ariomaid, yawagak-eduedgi deemaknai gusad.

Isaías 64:7

Dule-wargwensaale, be-nug obarsulid, begi-bendakleged-amiegala gwen gandik-imaksurmarbalid. A-ulale, be-wagar be anmar-idu odukusad, degi, anmar-isguedba-berguega be anmar-imaksad.

Jeremías 5:1

Bab-Dummad soged: “Jerusalén-galimbaba be bipirmaknamar, nue be miamakmalo. Dulemar-ambikuedgi nue be dulemar amimalo. Bemar dule-ibmar-inniki-imaked, dule-ibmar-napira-soged amismalale, an, Jerusalén-neggwebur bar an sabsur-imakosulid.

Juan 1:6

Bab-Dummad, dule-wargwen barmiargusad. We-dule, Juanʼye nugad.

Romanos 13:11

Degisoggu, na be sabgumar, ar anmar ibagan-isgana-naid wisid. Emigi wachi bato omossoggu, anmar gabmamaiyob-gudimalad atakmarsun. Ar anmar-gebe-Jesúsʼgi-bensuli-gunonikidba, emigindi, bela-abonolegoed-iba anmarga bur-nue walikgusad.

1 Corintios 15:34

Nue be binsamar, mer bar be isgumar, isguedgi be nomar. Bemar-obingesaegala an bemarga soged, bemar bukidar amba Bab-Dummad-nue-wissuli gudimalad.

Efesios 5:14

Ar a-ulale, sogleged: “Be gabmaid, ataksun, dulemar-burgwarmalad-abargi be gwisgusun, degi, Cristo gwallu-meegwadga bega gunonisunnoed.”