Cantares 2:3 - Kuna San Blas

³ An-sui-nue-sabesailad sapimar-abalagi manzana-sapi-gwichiyobi, sapingan-abalagi gudiid. A-sapi-urba-sigedi yeer an itodaed, e-sana, yeer gulledaed.

Cantares 2:3 Iomraidhean Croise

Salmo 45:2

Rey, be bur dulemar-baiganba yeerdakleged, be bur yeer-sunmaked, ar Bab-Dummad degisadegu begi ise-nued binsasad.

Salmo 45:3

Rey, be-ganguedgi, be-yeerdaklegedgi, be-es-suid be-saderba be nasike.

Salmo 57:1

Bab-Dummadye, wile be an-dake, Bab-Dummadye, wile be an-dake, ar begi an bensulid. Igi gannir e-sakan-urba na e-mimmigan odukue, deyobi, bonigan-berguedse, be an-odukue.

Salmo 89:6

Nibneggine, ¿doa Bab-Jehováʼyopira gue? Dule deyobid sate. Nibnegginmalad-abargi, ¿doa Bab-Jehováʼyob gue? Dule deyobid sate.

Salmo 91:1

Dule, Bab-Dummad-Bur-Biriginedgi-dukued-amiedi, Bab-Dummad-Bela-Gangued-Nika-Maid e-edarbedga guoed.

Cantares 1:16

¡An-sui-nue-sabesailad! ¡Ar ibiyob be yeer daklege! ¡Machered-nued be daed! Gaganmar-aramakmamaidi anmar-gabedga guoed,

Cantares 2:5

Uva-odinnolegaledgi an-niga be ogannomala, manzanaʼgi an-niga be ogannomala, sui-abegedbina an nue-soged.

Cantares 4:13

Be-nuu, nainu-nued-naidgi, manzanaʼmar digar-gwisnanaeyobi gued. E-san-gullegedi yeer-gulle-nanaed. Be-nuu nainugi, dutu-nardo, degi, dutu-azahar nigwis-nanaedyob gued.

Cantares 4:16

Burwa-dad-nakwed-argan-sapiledsikid, be gordage. Burwa-dad-nakwed-argan-nuedsikid, be dage. An-dutugalugi be gordage. E-wawadikid-oyapandagega be imakdage. Be an-sui-nue-sabesailad, be-dutugaluse be dage. E-sanmakgwichid-yeer-gulleged be gundage.

Cantares 5:16

E-gakulide, bela osidikid, bela e-daklegedi, machered-nued itoged. Jerusalén-bunamala, ar deyob an-sui dakleged, ar deyob an-ai dakleged.

Cantares 7:13

Gagan-mandrágora-e-san-yapanned bato magar itoleged. Anmar-yawagak-nagaba bukidar akar-akar sapi-sanmar bubukwad. An-ome-nue-sabesailad, sapi-sanmar-binigan an bega sabosad, sapi-sanmar-dinnagana, an bega sabosbalid.

Cantares 8:11

Salomón, Baal-Hamón-yargi nainu-gwensak nikanad, ega akwemalaga, dulemarga manigi-urmaksagusad. E-nainu-sanmaksale, we-dulemar ega war-wargwen mani-sibu-milibo (2,000) senonidamalad.

Cantares 8:12

Salomón, mani-milibogwad be sue, bemar-dule-nainu-akwemalad, mani-sibu-dulataled-ilabakegwad (400) be sumarmoga. Ar an-nainudina, unnila angadid.

Cantares 8:5

¿We doa negsulidganba e-sui-gukingi birikwaa-mai-akas nakwedaniki? Manzana-sapi-urba, an be-odaksad. A-sapi-urbali, be-nan nunmakedgi be-odenoniki gusad.

Isaías 25:4

Ar be dule-wileged-suli-suli-itodiidga be niga ogannosad. Dule-ibmar-abesa-gudiid, be bendaksa gusad. Igar-bulegan-idu be, e-bendakedga gusad, dad-ibeler-gaed-irwa ibmar-nagueyob ega be gusad. Dule-isganamar-e-bunnoedi, burwa-dummad-noeyobi, galu-matusulidgi-gwichigueyobi gued, nega-dulesulidganba neg-diopisur-itolegeyobi gued.

Isaías 32:2

Dummagan-neggwebur-semaladi, burwa-irwa dulemar-odukueyobi, dulemarga gumaloed. Burwa-dummagan-noed-irwa dulemar-odukueyobi, ega gumaloed. Neg-dinnagwadba dian-maidaeyobi, ega gumaloed. Nega-dulesulidganba akwa-dummad-negsichi-imaksidaeyobi, ega gumaloed.

Isaías 4:2

A-ibagangine, Bab-Jehová, sapi-siklesad gannar ainiega imakoed. We-sapi-gannar-ainioedi, yeerdaklegedga guoed, degi, gandikidba-yeerdaklegedga gubaloed. Ibmar-durbamar-welemaloedi, Israel-dulemar-besmalad-e-nug-odummogega guoed, degi, e-nug-ogannogega gubaloed.

Isaías 4:6

Adi, ibgine, dad-ibeler-uedikgued-idu negsichii-imakedyob naguoed. Dii-wiedgi, degi, burwa-dummad-noedgi ega dukuedga naguoed.

Ezequiel 47:12

Sapimar-nabir-e-san-gulleged-galagwensuli diwar-gaka-abinbermaidgi dungudoed. E-gagan dinguosulid, deginbali, e-san bipisaar berguosurbalid. Nii-irbali, sanmakgwichi-guoed, ar Babse-goled-neggi dii-suurmakmaid ogedga gued. E-sanmar masga guoed, e-gagandi inaga guoed.”

Joel 1:12

Uva-dubmar bela dinguded, sapi-higueraʼye-nugad, bela burgwided. Sapi-granadoʼye-nugad bela dingudmogad, ogobgi-dakleged, manzana-sapimar, dingudmalad. Bela sapimar-gwigwichid dingudmalad. Dulemar-e-yeer-itodiidse-bakale, e-ibe bergunonikid.”

Hebreos 12:2

Anmar Jesúsʼginbi-ataknai gumarsun, ar Bab-Dummadgi-bensuligued agi danikid. Degi, anmar-Bab-Dummadgi-bensulid nasgumai napiragwadse imaked. Jesús nakrusgi-wilenaigu, egi dodolenaigu, bingegued-dummadgi bai-itossulid. Ar ade, wisid, we-degi-odurdaklenaid-sorbali, weligwaled danikoe. Emigindi, Jesús, Bab-Dummad-ologana-argan-nuedsik sigidapsunnad.

Jueces 9:15

Sapi-bula-ikobiidi abin-sogded: ‘Ar bemar reyga an-onugsabiele, dagmardo, an-urba be dukudamardo. Ar be anse dagsurmalardi, sapi-bula-ikobiidgi soo gwabunye-dagoed, ese bela Líbano-urwar-sapimar ogumaklegoed.’ ”