Apocalipsis 9:2 - Kuna San Blas

² Niisgwa we-yaa-dummad-egasgua, soogi-waa-ainiar-daedyob waa ainialid. We-waa, dad-ibeler sobmor imaksad. Burwa gudure nadbalid.

Bab dummad Jesucristoba igar mesisad garda

² Degine, niskwa yaa-dummad-burba-iskana-bukwad egasgua, waa ainialid, soogi waa ainiar daeyob. We-waa dad-ibeler sobmor imaksad, degine, burwa guture nadbalid.

Apocalipsis 9:2 Iomraidhean Croise

Génesis 15:17

Bato neg-mutikgusgu, bela-bela bato negsichinadedgi, sianargi waa bupurmaksii daklealid. Degine, acha-gwallu-gamai daklearbalid. A-sianar, degi, a-gwallu ibmar-durgan-negabar-maraled-bukwad-abargi nadapid.

Génesis 19:28

Abraham, Sodomaʼsik, degi, Gomorraʼsik, degi, bela nebasik atakdegu, dakded, bela-bela waa bupurmagwichi. Soo-yagi waa bupurmakgwichiyobi daked.

Éxodo 19:18

Sinaí-yalagi bela waa bupurmakmaid, ar ade, agi Bab-Jehová soo-abargi aidenonikid. Bela-bela waa yargi bupurmakmaisoggu, soo-saila-gasiiyob dakleged. Bela yar-siidi binnasur giglimaksiid.

Isaías 14:31

Filistea-dulemar, gwage-nunmak-itogedba be binnasuli bomarsun. ¡Bela bemar dobe-itogedba be wawanmakmarsun! Ar ade, sorda-bila-onomalad dad-nakwed-argan-sapiledsik waa-ainakweyob melledanikid, dule bela danagwena duurmakdanikid.

Daniel 3:6

Dule-gwensak ibmar-duleyob-orgi-sobaled-asabin, napase wagar dullu-imaksulile, degi, e-nug-odummosurbalile, soo-ginnitibi-gasiid-yagi yog-mellear guoed.”

Joel 2:10

We-dulemar-bila-onomalad-abin napneg wawanmakdoed, nibneg giglimakdoed. We-dulemar-abin dada, degi, nii sichii nadoed, bela niisgwamala bar gaosulid.

Joel 2:2

A-ibagi, negasichid nagunonikoed, neg gudure sigoed. Mogirmar-gudureged nagunonikoed, neg daas sigoed. Igi neg-oibodanikile, bela yarmargi neg-mee imakdanidae, deyobi, dule-bukidar dule-bulegana danimaloed. Epenne we-dulemaryobid dulemar gwen dakledisulid, deginbali, yoedsega dulemar-deyobid gwen daklegosurbalid.

Joel 2:30

Ibmar-gegerdakleged nibneggine, napneggine, an oyogoed. Ablisbi neg-nagunonikoed, soo-dummad oyolegoed, degi, waa-bupurmagwichi neg gudoed.”

Gusmalad 2:19

Degine, nibneggi ibmar-gegerdaklemalad an oyogoed. We-napneggi ibmar-dakledisurmalad an oyobaloed. Ablisbi neg-nagunonikoed, soo-dummadi oyolegoed, degine, waa-bupurmagwichi neg gudoed.

Apocalipsis 14:11

”E-wilesiguoed-e-waa-bupurmaksiid degisadeguoed, gwen bogilesii guosulid. ”We-dulemar-ibdula-unid-e-nug-odummomaladga, degi, a-ibdula-unid-e-nug-wilubgan-narmakar-naidga, obunnoged gwen nikuosulid. Bane-bane oibomai, degisadegu wilesii gumaloed.”

Apocalipsis 16:10

Baliwitur-ataledi ibdula-unid-gebed-e-ologanagi e-nog eodapid. We-ibdula-unid-e-negdakmaidgi bela negsichid nagunonikid. Degine, dulemar nunmakedbali, gwabin gutemalad.

Apocalipsis 8:12

Baliwitur-bakegwad e-gala-ogotegu, dad-ibeler-naid-sogapaagwad-soggwen ebulenonikid. Nii-naid-sogapaagwad-soggwen ebulenonimogad. Niisgwamar-naid-sogapaagwad-soggwen ebulenonibalid. Bela amargi sogapaagwad-soggwengi negsichid nagunonikid. Deyobi, neg-ibginedga, sogapaagwad-soggwen ega negsichii nagunonikid, degi, neg-mutikidga, deyob nagunonimogad.

Apocalipsis 9:1

Baliwitur-ataled gar-trompeta-ogochagu, nibneggi niisgwa-gwagwen napnegse argwannar an daksad. A-niisgwaga yabe uklesad, burba-isgana-ambikued-yaa-dummad-egaed-yabe ega uklesad.

Apocalipsis 9:11

We-sesmar-e-idudanikidi, burba-isgana-ambikued-yaa-dummad-baliwitur gued. A-baliwitur, sesmar-e-reyga gumaid. A-dummadde, Hebreo-gayabali, Abadónʼye bileged. Griego-gayabardi, Apoliónʼye bileged. A sogleged: “Dulemar-obelogedye.”

Apocalipsis 9:17

An negburgan-dakdegu, weyob an molimar daksad, e-dulemar-birgi-simalad weyob an daksabalid: Sordamar-na-e-binasgar-odukunaidi soo-ginnitibiyob dakleged, arad-akwa-jacintoʼye-nugadyob dakleged, degine, gordikid-azufreʼgiidyob dakleged. Molimar-e-nono achumigur-nono-wawaadyob nikad, e-gayagi soo, waa, degine, azufre, ainimai an daksad.