Apocalipsis 9:1 - Kuna San Blas

¹ Baliwitur-ataled gar-trompeta-ogochagu, nibneggi niisgwa-gwagwen napnegse argwannar an daksad. A-niisgwaga yabe uklesad, burba-isgana-ambikued-yaa-dummad-egaed-yabe ega uklesad.

Bab dummad Jesucristoba igar mesisad garda

¹ Anger-ataled gar-trompeta ogochagu, an daksad nibneggi niskwa-gwagwen napnegse argwannar. A-niskwaga yabi uklesad, burba-iskana-ambikued-yaa-dummad-egaed-yabi.

Apocalipsis 9:1 Iomraidhean Croise

Isaías 14:12

”Niisgwa-dummad-bolegoedba-gaardaed, ibiyobi be niba-nai argwannoniki. Bee be, bela-bela dulemar-wiodiidid, napnegse be e-gwallenonisunnad.

Lucas 10:18

Jesús amarga sogded: “Mer be na san-dummarba itomalo. Nia-saila-Satanás, mar-gaedyob nibneggi argwannali an daksad.”

Lucas 8:31

Niamar Jesúsʼgi wilenai gusad, melle niamar-wilegoed-galuse e-barmidye.

Romanos 10:7

Mer be sogbalo: “¿Doa wede napa-urba aidegoe?” Deuteronomio 30:13 (Ar adi, dulemar-burgwarmalad-abargi Cristo-onakwega soged).

Apocalipsis 1:18

An dula gudiid. Ani an burgwis gusadid. Emigindi, degisadegu an dula gudiid. Ar napiragwad. Deginbali, ani an burgwed-yabe, degine, burgwarmalad-e-neg-Hadesʼye-nugad-yabe an ganikidbalid.

Apocalipsis 1:20

Niisgwa-gwagugle (7) an-argan-nuedsik-gani be an-daksadi, degine, gwallu-sied-gwagugled-olobiid be daksabalidi, ¿wede ibu obarilesunna? Niisgwamar-gwagugle (7) be daksadi, wemar Jesúsʼba-nanaimalad-bukmalad-sogagugled-e-baliwiturmalad. Gwallu-sied-gwagugled (7) be daksabalidi, wemar Jesúsʼba-nanaimalad-sogagugledid.”

Apocalipsis 11:7

Ar wemar-warbogwad-sunmakdimalad-e-ibagan bergunonikile, yaa-dummadyaba burba-isgana-ambikuedgi ibdula-unid nodagoed. Geb amargi bila onononikoed. We-ibdula-unid nakoed, we-dule-warbogwad-oburgoed.

Apocalipsis 17:8

Ibdula-unid be daksadi, iduar dula gudigusad. Emigindi, bar dula gudisulid. Degine, we-ibdula-unid burba-isgana-yaa-dummad-ambikuedgi nodagoed. Geb e-berguoed-negse barmelledoed. Dulemar-napneggi-bukmaladi, gebe-napneg-nagusad-akar garda-burba-duladgi-e-nugmar-naisurmaladi, geger we-ibdula-unid-dula-gudigusad dakmaloed. Emigindi, bar dula gudisulid. Degi-inigwele, we-ibdula gannar durgunonikoed.

Apocalipsis 20:1

Degine, nibneggi baliwitur-wargwen aidedani an daksad, burba-isgana-ambikued-e-yaa-dummad-e-yabe sedanikid. Degine, e-argangi esgoro-dub-dummad sedanibalid.

Apocalipsis 20:10

Geb degi, nia-saila-dulemar-yardakdiid soo-mata-dummad azufreʼba-mesa-gwakwarmaksiidgi melleded. Bia ibdula-unid, degi, gakansaar-gayaburba-berbeged-mellesii, agi nia-saila melledmogad. Degine, mutikidba, ibginedba, wemar odurdaklesii degisadeguoed.

Apocalipsis 6:13

Niisgwamar-nibneggi-nanaid napase babatided, higuera-sapi-e-durba burwa-binnasur-goledba-babatid-daeyob babatided.

Apocalipsis 8:10

Baliwitur-baagwad e-gar-trompeta-ogochagu, nibneggi niisgwa-dummad-soo-gadani argwannali gusad. Diwarmar-sogapaa-mamaid-soggwengi argwannonikid, degi, dianmar-sogapaa-mamaid-soggwengi argwannonibalid.

Apocalipsis 8:12

Baliwitur-bakegwad e-gala-ogotegu, dad-ibeler-naid-sogapaagwad-soggwen ebulenonikid. Nii-naid-sogapaagwad-soggwen ebulenonimogad. Niisgwamar-naid-sogapaagwad-soggwen ebulenonibalid. Bela amargi sogapaagwad-soggwengi negsichid nagunonikid. Deyobi, neg-ibginedga, sogapaagwad-soggwen ega negsichii nagunonikid, degi, neg-mutikidga, deyob nagunonimogad.

Apocalipsis 8:2

Geb baliwiturmar-walagugle (7), Bab-Dummad-asabin-gwichi an dakalid. Amarga gar-trompeta-walagugle uklesad.

Apocalipsis 9:2

Niisgwa we-yaa-dummad-egasgua, soogi-waa-ainiar-daedyob waa ainialid. We-waa, dad-ibeler sobmor imaksad. Burwa gudure nadbalid.