Apocalipsis 8:7 - Kuna San Blas

⁷ Baliwitur-gebedi gala-trompeta-ogotegu, dii-gwamakaled, soo abeba-oburar napnegse babatiargusad. Napneggi-dula-bukwad-sogapaa-soggwen gummaksad. Sapimar-bukwad-sogapaa-soggwen gummaksabalid, degi, gagan-aradgan bela gummaksabalid.

Bab dummad Jesucristoba igar mesisad garda

⁷ Anger-gebed gala-trompeta ogotegu, dii-gwamakaled, soo abeba-oburar napnegse babatialid. Napneg-sogapaa-mamarisad dangwen gummaksad, degine, sapimar-sogapaa-mimmilesad dangwen gummaksabalid, degi, gagan-aradgan bela gummaksabalid.

Apocalipsis 8:7 Iomraidhean Croise

Salmo 105:32

Dii-wied-anar, dii-gwamakaled-wiega imaksad. Egipto-yalagi mar-dakarmakmai imaksabalid.

Éxodo 9:33

Moisés Faraónʼbo-sunmaksad-sorba, neggweburgi nodgu, e-argan onakded, Bab-Jehováʼse goted. Deyob imaksagu, dii-akwaga-binyaled yog berguar naded, bar babatissulid. Degine, mar bar gollomaksasurbalid, yog berguar nadbalid.

Isaías 28:2

Bab-Jehová dule-gwensak-yeer-gangued, be-idu amisad, dule-dutusulid be-idu amisad: We-dule, bela ise-urwedgi sabsur-be-imaknonikoed, we-dule, dii-gwamakar-wieyobi gangued, burwa-dummad-dule-obelogedyobi gangued, dii-burwaba-mesa-wiedyobi gangued, diwar-dummad-noedyobi gangued.

Isaías 29:6

Bab-Jehová-Bela-Gangued-Nikadi, bese nonikoed. Mala-abalagi, negabandur-abalagi nonikoed. Neg-oimakagwaled-abalagi nonikoed, burwa-ololed-abalagi, burwa-dummad-abalagi nonikoed. Degine, soo-duurmakwichid-abalagi nonikoed.

Isaías 30:30

”Bab-Jehová, e-gayaburba-gandikid-itomalaga dulemar-imakoed. Bemarga e-gangued weyob oyogoed: Soo-ginnitibi gwichigudoed, malamar aidedoed, diimar suamakdoed, dii-gwamakarmaladi babatidagoed.

Isaías 32:19

Ar amba sapurdi egi dii-gwamakaled babatidoed-inigwele, bela neggwebur ibitogoed-inigwele, bemargindi nued binsalemarsun.

Ezequiel 38:22

An Gog bonigan-dummagangi, degi, burgwedgi sabsur-odurdakoed. Gogʼgi, degi, e-sordamar-bila-onomaladgi, deginbali, bela dulemar-yar-baid-baidgi-bukwamalad eba-nanaidgi, an dii-dummad, dii-akwaga-binnisad, soo, degi, azufre, owioed.

Joel 2:30

Ibmar-gegerdakleged nibneggine, napneggine, an oyogoed. Ablisbi neg-nagunonikoed, soo-dummad oyolegoed, degi, waa-bupurmagwichi neg gudoed.”

Santiago 1:11

Ar dad-ibeler nakwialile, na e-dutusur-gaedba, dutu-e-gagan odingudaed. E-dutu argwatoed, e-yeerdakleged bergudoed. Debayobi dule-mani-ibed na e-ibmar-nikadi e-ibe bergudmogoed.

Josué 10:11

Amorreo-sordamar Israel-dulemar-idu wakinmamaigua, Bet-Horón-aidegedgi aidedmargu, Bab-Jehová nibneg-akale Azeca-neggweburse dii-akwamarga-binnisad Amorreo-dulemargi obatisad. Israel-dulemar Amorreo-sordamar-es-suidgi-oburgwisadba, bur bule dii-akwamarga-binnisad-batisad dule-oburgwisad.

1 Pedro 1:24

Ar ade, Bab-Dummad-Gardagi sognaid: “Dulemar gaganyobi gued. E-yeerdaklegedi, nainugi-dutu-achunneyobi gued. Gaganmala baisur-dinguddaed, dutumala, baisur-batiddaed.

Apocalipsis 12:4

Achu-simudubaled, e-bunnugi niisgwamar-niba-nanaid-sogapaagwad-soggwen ebipisad, geb napnegse obatisad. Geb achu-simudubaled ome-ega-mimmi-uklesokalid-asabin gwisgunonikid, adi, ome-e-mimmi-megnonikir, gunnegar.

Apocalipsis 16:2

Baliwitur-gebed nadgua, e-noga napneggi eodapid. Bela dule-ibdula-unid-e-wilub-nanai-gudimaladgi, ibdula-unid-e-wilub-sobaled-e-nug-odummodimaladgi, yaa-dummagan-nunumakesailadi, e-sangi ainialid.

Apocalipsis 16:21

Degine, nibneggi dii-akwayob-gwamakaled nibir-dulataledyob-aidikued (100) dulemargi babatialid. Dulemar we-dii-akwayob-gwamakaled egi beedse babatisad-ular, Bab-Dummadgi ukabsaar egi isdar sunmakdemalad.

Apocalipsis 6:8

An dakdegu, moli-gordikid noarbali an dakalid. Dule-a-moli-birgi-siidi Burgwedye nugad. A-sorba, Dule-Burgwarmalad-Meged-Nega nadapmogad. Wemarga, napneggi-dula-bukwad-sogabake-mamarisad-soggwen ogilogega ega gangued uklesad. We-ibmarmargi oburgwega: Es-suidgi oburgwega, ukudgi oburgwega, gegumalad-dummadgi oburgwega, ibdurgan-sapurbarmalad-ursirmaladgi, ogilogegar.

Apocalipsis 7:1

A-sorbali, baliwiturmar-walabake napneg-naid-sukun-sogabakegi gwichi an daksad. Gwensak, dad-nakwedsik gwichid, baiddi, dad-argwanedsik gwichid, baiddi, dad-nakwed-argan-nuedsik gwichid, baiddi, dad-nakwed-argan-sapiledsik gwichid. Deyobi, we-baliwiturmar, burwa-goled-sogabakegwad-bargani gwichimalad. Adi, we-burwamar melle napagi, demargi, degi, sapimargi, gormalagar.

Apocalipsis 9:15

Deyob baliwiturmar-walabakegwad-atinnar-bukwad esiklesmalad. We-baliwiturmarde, dulemar-we-napneggi-sogapaagwad-bukwad-soggwen-oburgwega bato guagwar bukwamaladid. Ar amar, a-wachiga, a-ibaga, a-niiga, a-birgaga, dulemar-oburgwega guagwar bukusmaladid.

Apocalipsis 9:18

Dulemar-sogapaagwad-bukwad-soggwen, we-bonimar-sogapaagwad-moli-gaya-yaba-ainisadgi burgwismalad: Soo-ainisadgi, waa-ainisadgi, degi, azufre-ainisadgi, burgwismalad.

Apocalipsis 9:4

A-sesmarga soglesad, mer gagan-nebagangi-nanaid ichogoye, mer bela gaganmar-digarmalad oichobaloye, sapimarse-bakale, mer ebubaloye. Unnila, dulemar-e-bebegi-Bab-Dummad-wilubgan-naisulidbi, be ebugoye.