Apocalipsis 8:5 - Kuna San Blas

⁵ Geb baliwitur sianar-susgua, Bab-Dummadga-ibmar-ogumakar-ukleged-ailagi soo-siid egi enosad. Geb napnegse meted. Agi, mala-bukidar goted, uurmakded, mar ibyeded, degi, negabandur nagunonikid.

Bab dummad Jesucristoba igar mesisad garda

⁵ Geb degi anger sianar susgua, Bab-Dummadga-ibmar-gummakar-ukleged-galugi soo-siid egi enosgu, napnegse meted. Agi mala bukidar goted, uurmakded, mar ibyided, degine, negabandur nagunonikid.

Apocalipsis 8:5 Iomraidhean Croise

1 Reyes 19:11

Bab-Jehová, Elíasʼga sogded: —Neg-magaba be nonae. An-asabin, yar-birse be gwisgunao, ar ade, an emisgwa dagesokalid. Agine, Bab-Jehová magarononigu, binnasuli burwa gornonikid. Yar-siid giglimakded, akwamar ese mamarided. Degi-inigwele, Bab-Jehová a-burwaba nonisulid. Burwa-dummad-sorbali, negabandur nagunonibalid. Amba Bab-Jehová negabandurba nonisurbalid.

Salmo 18:13

Bab-Jehová nibneg-akale, mogirmar-dii-akwamaryob-milemaid-abalagine, sogunmar-ginnitibi milemaid-abalagine, mala-gollomakmaiyob binnasuli sunmakded. Bab-Jehová-Bur-Birigined-e-sunmaked bela neg-gaded.

Éxodo 19:16

Ibapaa-gusadgi neg-oiboargu, mar-goledi bela-bela itoleged, degine, mar-dakarmakmaidi bela-bela daklebalid. Yar-birgi, mogir-gudure naid. Gar-trompeta-binnasur-goted-itosmargua, bela-dulemar-bukwadi dobedba wawanmakdemalad.

Isaías 29:6

Bab-Jehová-Bela-Gangued-Nikadi, bese nonikoed. Mala-abalagi, negabandur-abalagi nonikoed. Neg-oimakagwaled-abalagi nonikoed, burwa-ololed-abalagi, burwa-dummad-abalagi nonikoed. Degine, soo-duurmakwichid-abalagi nonikoed.

Isaías 30:30

”Bab-Jehová, e-gayaburba-gandikid-itomalaga dulemar-imakoed. Bemarga e-gangued weyob oyogoed: Soo-ginnitibi gwichigudoed, malamar aidedoed, diimar suamakdoed, dii-gwamakarmaladi babatidagoed.

Isaías 66:6

Neggwebur-akale, gayaburba binnasuli goled, Bab-Dummadse-goled-neggi gayaburba goled: “We-gaya, Bab-Jehová-gayaburba gued, e-isdarmaladga sabsur-ibmar sognaid.”

Jeremías 51:11

”¡Sigumar be oswiswimakmar! ¡Sigu-abgamalad be nasikmar! Bab-Jehová, Babilonia-dulemar-obelogega, Medo-dulemar-e-reymar ogannosad. We-ibmar-guoedi, Bab-Jehová buged imakegalad, ar Babilonia-dulemar ese-goled-neg-bibichismalad-ular, deyob imakoed.

Levítico 16:12

Geb a-sorbali, Aarón an-asabin ibmar-ogumakar-ukleged-ailagi-soo-gasiid sianar-ena weoed. Deginbali, ina-wawadikid-nagaled-yeer-yapanned argan-nukbo subaloed. Geb Aarón, we-ibmarmar atued-dummad-naid-daksik sedoed.

Zacarías 14:5

Bemar yarmar-imbaba-neba-naguoedba wakitemaloed. Ar we-neba Azal-neg-nugadse nai guoed. Ar igi Judá-e-rey-Uzías-ibagangi negabandur-nasgua, dulemar wakinmamaigusa, deyobi, bemar wakinmaloed. Geb degine, an-Bab-Dummad-Jehová e-sordamarmala danikoed.

Mateo 24:7

Dulemar-yar-baid-baidgi-bukwamalad bila-ononanai gudamaloed, degi, reymar muchub-muchub egi yolenanai gudamarbaloed. Yar-baid-baidgi uellemalad-bukidar ainidagoed, ukud-dummad nagudabaloed, degine, negabandur-dummagan nagumai gudabaloed.

Lucas 12:49

Jesús sogdebar: “We-napnegse soo-ogaega an nonikid. ¡Bato we-soo gamaina yeerban!

Gusmalad 16:26

Degidgine, ukiar negabandur nagunonigu, neg giglimakded, esgarya-e-sailagan-mamaidse-bakar, giglimakdemogad. Esgarya-yawagakmar bela argaded, degi, dulemar-esgoro-dubgi-atinbukmalad bela ega esgoro-dub achikdemalad.

Gusmalad 4:31

Jesúsʼba-nanaimalad Bab-Dummadse-goled-bergusmargu, danar-bukwamaladgi neg giglimakded. Agine, bela Bab-Dummad-Burba-Isligwaled egi ubononisunnad, geb degine, dobsuli Bab-Dummad-gayaburbagi sunmakdemarsunnad.

Apocalipsis 11:13

A-wachigi negabandur-dummad nagunonikid. A-neggwebur-e-neg-sogambegwad-iliba gwensak (10%) bibichisad. A-negabandur-nagusadgi dulemar-miligugle (7,000) burgwismalad. Degine, dule-baigandi dobee-ito nadmalad, amar Bab-Dummad-Nibneggi-Maid-e-nug ogannodmarsunnad.

Apocalipsis 11:19

Degine, nibneggi Babse-goled-neg argade an daksad. Agine, Babse-goled-neg-yagi Bab-Dummad-Dadganbo-Igar-Mesisad-Ulu-siidi mag-dakle-sii an daksad. Geb mala ibyided geb uurmakded, gollomakded, negabandur naguded. Geb dii-gwamakaled-gwaburwisur-babatide an daksabalid.

Apocalipsis 4:5

Ologan-siidgi mala ibyemaid, mala gollomakmaid, mala uurmakmaid. Ologan-asabin gwallu-gwagugle (7) gasibalid. A sogleged, Bab-Dummad-burba-sogagugle-gued-e-wilubganye (7).

Apocalipsis 6:12

Sibad-Wawaad-Mimmi, gardagi-wilub-nergwad-sakdigar-naid-bichis (6) an daksagu, negabandur-dummad nagunonikid. Dad-ibeler, mor-sichidyob sipusur nagunonikid. Nii abeyob ginnitibi nagunonimogad.

Apocalipsis 8:3

Agi, baliwitur-baid aila-gwichid-asabin gwisgunonikid. Olo-sianar sedanikid. We-baliwiturga ina-wawadikid ichesur ega uklesad, adi, bela Jesucristoʼgi-akananaimalad-e-Babse-gormaladba-mesa, ologana-asabin olo-aila-gwichid-birgi, Bab-Dummadga ogumakar ukegar.