Apocalipsis 8:12 - Kuna San Blas

¹² Baliwitur-bakegwad e-gala-ogotegu, dad-ibeler-naid-sogapaagwad-soggwen ebulenonikid. Nii-naid-sogapaagwad-soggwen ebulenonimogad. Niisgwamar-naid-sogapaagwad-soggwen ebulenonibalid. Bela amargi sogapaagwad-soggwengi negsichid nagunonikid. Deyobi, neg-ibginedga, sogapaagwad-soggwen ega negsichii nagunonikid, degi, neg-mutikidga, deyob nagunonimogad.

Bab dummad Jesucristoba igar mesisad garda

¹² Anger-bakegwad e-gala ogotegu, dad-ibeler-naid-sogapaa-mimmilesad danagwen ebulenonikid, naibi-gunonikid, degine, nii-sogapaa-mimmilesad danagwen, degi, niskwamar danagwen naibigunonibalid, adi bela amar danagwen neg-sichii imakegar, adi mer neg-ibgi neg-mee danagwen saegar, degi, neg-mutik mer danagwen neg-mee saegarbar.

Apocalipsis 8:12 Iomraidhean Croise

Isaías 13:10

“Niisgwamar mogir-biriba-nanaidi bar gaosulid, niisgwamar-danar-danar nanaidi, bar ibegwar gaosulid. Dad-ibeler-noalile, sichii naguoed, bar nii ibegwar gaosulid.

Isaías 24:23

Bab-Jehová-Bela-Gangued-Nikadi, Sión-yalagi, Jerusalén-neggweburgi, gandikid-yeerdaklegedba yala seoed. Degiidbali, dad-ibeler sichii nadoed, nii sichii nadmogoed. E-girmar-dummagan bela Bab-Dummad-e-gangued dakmaloed.

Jeremías 4:23

Ani Jeremías sogded: “An napneg-dakdegu, bela napaneg gagales-nai an dakalid. Niba an atakdebargu, bela negsichidbi-nai an dakalid.

Joel 2:10

We-dulemar-bila-onomalad-abin napneg wawanmakdoed, nibneg giglimakdoed. We-dulemar-abin dada, degi, nii sichii nadoed, bela niisgwamala bar gaosulid.

Joel 2:31

Bab-Jehová-e-iba-dobegwar-itoleged-danikoed-idu, e-iba-gwayed-dummad-danikoed-idu, dad-ibegwar-ganaidi negasichidga gudoed, nii-ganaidi ablisgi-oglesayobi ginnitibi daklenonikoed.

Joel 3:15

Dad-ibeler-ganaid, degi, nii-ganaid bar gaosulid. Niisgwamar bar gaosurbalid.

Amós 8:9

Bab-Jehová-Bur-Gandik-Maid sogdebalid: “A-ibagi, yorukudba dad-galegega an imakoed, degi, napneggi ibginedba negsichid an nasikoed.

Mateo 24:29

Jesús sogdebalid: “ ‘Ibagan-naibi-itoleged-sorba dad-ibeler bar gaosulid, nii bar gaosurbalid. Niisgwamar-nibneggi-nanaid babatidagoed. Nibneggi ibmar-dummagan-gala-nika-nanaid bela giglimakoed.’ Isaías 13:10; 34:4

Mateo 27:45

Dad yorukugusgu, bela we-napa-naidgi negasichid nagunonikid, wachi-irbaase naigusad.

Marcos 13:24

Jesús sogdebalid: “Ar a-ibagangine, a-ibagan-naibi-itoleged-sorbali, ‘dad-ibeler bar gaosulid, nii bar gaosurbalid.

Marcos 15:33

Dad-yorukugusgu, bela-napneggi negsichid nagunonikid, wachi-irbaase nai gusad.

Lucas 21:25

Jesús sogdebar: “Geb degine, dad-ibelergi wilubgan dakledagoed, niigi, degine, niisgwamargi wilubgan dakledagoed. Degine, napneggi dulemar-yar-baid-baidgi-bukmalad demar-uurmakedba, degi, demar-arwedba, surbinsa itodamaloed.

Gusmalad 2:20

Dad-ibeler a-ibagangi bar gaosulid, nii ablisyob ginnitibi nagumogoed, Bab-Dummad-e-iba-danikid-idu, deyob neg-gunonikoed. We-Bab-Dummad-iba, gwayed-dummadid, boni-dummad-ibad.

2 Corintios 4:4

Ar amar we-Gayaburba-Nued yapa-abingamarsoggu, a-ulale, bab-dummad-we-napneggined amar-binsaed-gassunnad, aku-ito imaksasunnad. Adi, Bab-Gayaburba-Cristo-yeerdaklegedgi-sunmaklesad, mer magar itomalagar. We-Cristo, Bab-Dummad-e-wilub-napiragwad-sunnadid.

Apocalipsis 12:4

Achu-simudubaled, e-bunnugi niisgwamar-niba-nanaid-sogapaagwad-soggwen ebipisad, geb napnegse obatisad. Geb achu-simudubaled ome-ega-mimmi-uklesokalid-asabin gwisgunonikid, adi, ome-e-mimmi-megnonikir, gunnegar.

Apocalipsis 16:10

Baliwitur-ataledi ibdula-unid-gebed-e-ologanagi e-nog eodapid. We-ibdula-unid-e-negdakmaidgi bela negsichid nagunonikid. Degine, dulemar nunmakedbali, gwabin gutemalad.

Apocalipsis 6:12

Sibad-Wawaad-Mimmi, gardagi-wilub-nergwad-sakdigar-naid-bichis (6) an daksagu, negabandur-dummad nagunonikid. Dad-ibeler, mor-sichidyob sipusur nagunonikid. Nii abeyob ginnitibi nagunonimogad.

Apocalipsis 9:15

Deyob baliwiturmar-walabakegwad-atinnar-bukwad esiklesmalad. We-baliwiturmarde, dulemar-we-napneggi-sogapaagwad-bukwad-soggwen-oburgwega bato guagwar bukwamaladid. Ar amar, a-wachiga, a-ibaga, a-niiga, a-birgaga, dulemar-oburgwega guagwar bukusmaladid.

Apocalipsis 9:18

Dulemar-sogapaagwad-bukwad-soggwen, we-bonimar-sogapaagwad-moli-gaya-yaba-ainisadgi burgwismalad: Soo-ainisadgi, waa-ainisadgi, degi, azufre-ainisadgi, burgwismalad.