Apocalipsis 8:11 - Kuna San Blas

¹¹ Niisgwa-argwannonikid Gagbisailadye-nugad. Diimar-sogapaa-mamai-soggwenad, bela gagbisailad naded. A-ular, bukidar dulemar burgwisad, ar ade, diimar bela-bela gagbisailad naded.

Bab dummad Jesucristoba igar mesisad garda

¹¹ Niskwa-argwadnonikid Ajenjoye-nugad. Dimar-sogapaa-mimmilesad danagwen bela gaibisaila naded, igi gagan-gaibisaila Ajenjoye-nugadyob. A-ular bukidar-dulemar burgwisad, ar ade dimar bela-bela gaibisaila naded.

Apocalipsis 8:11 Iomraidhean Croise

Éxodo 15:23

Maraʼye-neg-nugadse modapmargu, agi-dii-nikadi, geg gobe gusmalad, ar ade, dii gagbisailad. A-ulale, a-neg Maraʼye onugsasmalad. Maraʼde sogleged, “gagbisailadye.”

Proverbios 5:4

Dule ese-binsaed-galesale, ina-gagbisailadyobi ega gued, es-suid-nugar-darbogwadba bur bule dule-naibi-saeyob gued.

Jeremías 23:15

Degisoggu, Bab-Jehová-Bela-Gangued-Nikad weyob gayaburba-barsogmaladnik soged: “Mas-solemalad-gunnega an imakoed, dii-isgana-gobega an imakoed. Ar Bab-Dummad-gayaburba-barsogmalad-Jerusalénʼginmalad, bela yala-oichosmalad.”

Jeremías 9:15

Israel-e-Bab-Dummad-Jehová-Bela-Gangued-Nikad weyob sogbalid: “We-dulemar ibmar-gagbiremalad-gunnega an imakoed, degine, dii-ina-nusubiid-gobega an imakbaloed.

Lamentaciones 3:19

An-wile-itodiid, an-neg-sate-gaamakdiid, be ebinsao. Ar we-ibmarmar, naibid-dummad anga uked.

Lamentaciones 3:5

Bab-Jehová angi bonigan ebiris nasiksad, angi wileged-dummad ebiris nasiksad.

Amós 5:7

Igar-innikigwadi, igar-isganaga be imakmalad. Bur Igar-napiragwadi obanagwar be imakmalad.

Amós 6:12

¿Ar molimar akwa-dummagan-imbaba abarmaksi? ¿Ar akwa-dummagangi nabir moli-bebe-nikad napa imusi? Ar bemardi, igar-innikigwad, ibmar-isganaga obinnismalad. Igar-innikigwad-selemaid, boniga be obinnismalad.

Zacarías 13:8

Dulemar we-yargi-bukmalad-e-walapaagwadgi, warbo bergumaloed. Unnila wargwen burgosulid. Ani Bab-Jehová weyob soged.

Zacarías 13:9

Degi-inigwele, we-dule-durgusmaladdi, an soogi odurdakoed. Ar igi mani swilidik-guega soogi-dulege, deyobi, an swilidik imakoed, ar igi or soogi wilubdaklege, deyobi, an wilubdakoed. Geb degine, we-dulemar anse gornanai gumaloed, geb an, abin-imakoed. An sogdoed: ‘Wemar, an-dulamalad.’ Wemar sogdemogoed: ‘Bab-Jehová, anmar-Bab-Dummadid.’ ”

Deuteronomio 29:18

”Be nue dakmalo, abakalegi bemar-abargi, machered-gwensakdibe, ome-gwensakdibe, gwenad-gwensakdibe, bemar-dadgan-ambe-gakabogwad-gwensakgi-danimaladdibe (12), we-dulemar-baigan-e-bab-dummagan-nug odummonamalaga, anmar-Bab-Dummad-Jehováʼgi aibatemalale. ”Degisoggu, nue-salakarmar. Abakale, bemar ina-nusuyob gudamalar, ina-gagbidyob gudamalar.

Hebreos 12:15

Degisoggu, nue-salakarmar, melle dule-wargwen Bab-Dummad-dule-abonomaidgi bangued be imakmalo. Degine, nue-salakarmarbar, melle bemar-abargi dule-boni-onoged be imakmalo. Ar degiile, dulemar-baigan-oichodmogo-itole.

Apocalipsis 12:4

Achu-simudubaled, e-bunnugi niisgwamar-niba-nanaid-sogapaagwad-soggwen ebipisad, geb napnegse obatisad. Geb achu-simudubaled ome-ega-mimmi-uklesokalid-asabin gwisgunonikid, adi, ome-e-mimmi-megnonikir, gunnegar.

Apocalipsis 8:7

Baliwitur-gebedi gala-trompeta-ogotegu, dii-gwamakaled, soo abeba-oburar napnegse babatiargusad. Napneggi-dula-bukwad-sogapaa-soggwen gummaksad. Sapimar-bukwad-sogapaa-soggwen gummaksabalid, degi, gagan-aradgan bela gummaksabalid.

Apocalipsis 9:15

Deyob baliwiturmar-walabakegwad-atinnar-bukwad esiklesmalad. We-baliwiturmarde, dulemar-we-napneggi-sogapaagwad-bukwad-soggwen-oburgwega bato guagwar bukwamaladid. Ar amar, a-wachiga, a-ibaga, a-niiga, a-birgaga, dulemar-oburgwega guagwar bukusmaladid.

Apocalipsis 9:18

Dulemar-sogapaagwad-bukwad-soggwen, we-bonimar-sogapaagwad-moli-gaya-yaba-ainisadgi burgwismalad: Soo-ainisadgi, waa-ainisadgi, degi, azufre-ainisadgi, burgwismalad.

Rut 1:20

Geb Noemí amar-abin sogded: —Mer bar Noemíʼye be an-bimalo, ar Bab-Dummad-Bela-Gangued-Nikad nunmaked-dummad anga uksasoggu, a-ular, be an-bimarsunno, Maraʼye.