Apocalipsis 8:1 - Kuna San Blas

¹ Sibad-Wawaad-Mimmi, gardagi-wilubgan-sogagugled-naid-bichisgu (7), nibneggi wachi-abala-wilub bogidik neg-nagusad.

Bab dummad Jesucristoba igar mesisad garda

¹ Sibad-Wawaad-Mimmi, gardagi-wilubgan-saidigar-sogagugled-naid bichisgu, nibneggi wachi-abala-wilub neg-bogidik nagusad.

Apocalipsis 8:1 Iomraidhean Croise

Job 4:16

Agine, geb an-asabinni duleyob gwisgunoniki an itoged, e-daklegeddi aku dakleged. Gwisgunonigu, bela neg boo nagunonikid, e-sunmaked sikwas-soge an itoged:

Salmo 37:7

Bab-Dummad-asabin bogidik-gudii be imake. E-bega-ibmar-imakedse edarbedii be sae. We-dule-ibmar-isgana-imaked nasgumai be dakele, mer be sae-itogo.

Salmo 62:1

Bab-Dummadginbi an neg-bogidik amied, Bab-Dummadgi an-bendakleged danikid.

Habacuc 2:20

Ar Bab-Jehováʼdi na e-neg-islidikidgi maid. Bela dulemar Bab-Jehová-asabin gaya-bogidik gumala.”

Zacarías 2:13

Bela-dulemar Bab-Jehová-asabin bogidik ambikumala, ar Bab-Jehová e-neg-islidikidgi-maid-akar bato danikid.

Mateo 27:66

Geb degi, amar neg-uanse nadmarsunnad. Dulemar mer neg-uan egamalaga, akwa-yawagakgi-siidgi Roma-saila-wilub nasiksamalad. Degine, neg-uan edarbemalaga, suar-ibmala ogwichismarbalid.

Apocalipsis 5:1

Dule-ologanagi-siid e-argan-nuedgi garda-bipirmakar-gani an daksad. A-garda abinbela narmakaled. Degine, e-wilubgan-sogagugle (7) egi sakdigar-nai an daksabalid.

Apocalipsis 5:9

Ibdula-walabakegwadi, degine, girmar-selegan-dulagwen-gakabakegwadi (24), namaked-binidgi weyob namakbukmalad: “Be burgwisad-ular, bebi sunna garda egaed, bebi sunna e-wilubgan-naid be bisgebalid. Be-ablisgi be Bab-Dummadga dulemar-baksad. Bela dule-ablis-akar-akarmalad, dule-gaya-akar-akar-sunmakmalad, neggwebur-bukwamalad, dule-yar-baid-baidgi-bukwamalad, amar belagwapa be Bab-Dummadga baksad.

Apocalipsis 6:1

Sibad-Wawaad-Mimmi, gardagi-wilubgan-sogagugle-sakdigar-nanaid-gebed bichis an daksad. Geb ibdula-walabakegwad-gwensak mar-goledyob binnasur weyob soge an itosad: “Be dage. Be dakdage.”

Apocalipsis 6:12

Sibad-Wawaad-Mimmi, gardagi-wilub-nergwad-sakdigar-naid-bichis (6) an daksagu, negabandur-dummad nagunonikid. Dad-ibeler, mor-sichidyob sipusur nagunonikid. Nii abeyob ginnitibi nagunonimogad.

Apocalipsis 6:3

Sibad-Wawaad-Mimmi, gardagi-wilub-sogbogwad-sakdigar-naid bichisgua, ibdula-walabakegwad-baid soge an itosad: “Be dage. Be dakdage.”

Apocalipsis 6:5

Sibad-Wawaad-Mimmi, gardagi-wilub-sogbaagwad-sakdigar-naid bichisgu, ibdula-warbaagwad soge an itosad: “Be dage, be dakdage.” An dakdebargu, moli-sichid noarbalid. Dule-a-moli-birgi-siidi e-argangi ibmar-wilubsaed-gani an daksad.

Apocalipsis 6:7

Sibad-Wawaad-Mimmi, gardagi-wilub-bakegwad-sakdigar-naid bichisgu, ibdula-warbakegwad-bakegwadi soge an itosad: “Be dage, be dakdage.”

Apocalipsis 6:9

Sibad-Wawaad-Mimmi, gardagi-wilub-ataled-sakdigar-naid bichisgu, Babga-ibmar-ogumakar-ukleged-e-aila-urba, dulemar-Bab-Dummad-Gayaburba-ular-burgwismalad-e-burbamar an daksad. We-dulemar, Bab-Jesús-barsogedgi-galakussurmaladid.