Apocalipsis 7:9 - Kuna San Blas

⁹ A-sorbali, an dulemar-bukidar dakdebalid. Dog-merguedba geg ebisleged: Bela dulemar bukwadi, soga-iliba dulemar-yar-baid-baidginmalad bukwamalad, bela soga-iliba dulemar-ablis-galagwenmalad bukwamalad, bela soga-iliba dulemar-baid-baid-danar-danar-bukwamalad, degi, bela soga-iliba dulemar-gaya-akar-akar-sunmakmalad bukwamalad. Wemar, ologana-asabin, degine, Sibad-Wawaad-Mimmi-asabin bukwamalad. Bela mola-sibu-yoyoi bukwamalad. E-arganmargine, ogob-gagangiid-gagan gani bukmarbalid.

Bab dummad Jesucristoba igar mesisad garda

⁹ A-sorbali an dakded, dulemar bukidarsoggu, geg dule ebised, bela soga-ilaba dulemar-yar-baid-baidgi-bukmalad, bela soga-ilaba dulemar-abe-akar-akarmalad, bela soga-ilaba dulemar-baid-baid-danar-danar-bukmalad, degine, bela soga-ilaba dulemar-gaya-akar-akar-sunmakmalad, wemar olo-gana-asabin, degine, Sibad-Wawaad-Mimmi-asabin bukmalad, bela mola-sibu-yoyoi bukmalad, degine, e-argangine ogob-gagangiid-gagan gani bukmarbalid.

Apocalipsis 7:9 Iomraidhean Croise

Génesis 13:16

Ukubyob be-wagan yaisur-mergu, an imakoed. Ar igi ukub geg ebislege, deyobi, be-wagan geg ebisle gumogoed.

Génesis 49:10

Judá-dulemar-abargi dule-negsemaid gwen surguosulid, degine, gaapoled-e-ibed danikidse e-gaapoled-ganikid egi suosurmarbalid. Ar ade, dulemar-yar-baid-baidgi-bukmalad e-rey-Siloh-nonikoed, a-rey-sogedba nanamaloed.

Salmo 2:8

Anse be ibmar egise, ar bela dulemar-yar-baid-baidgi-bukwamalad an bega ukoed, yarmar-nanaid bela ugakaase an bega ukbaloed.

Salmo 22:27

Bela we-napneggi-dulemar-yar-baid-baidgi-bukwamalad, dulemar-ablis-akar-akar-bukwamalad-ugakaasega, Bab-Jehová-ebinsadmaloed, Bab-Jehováʼse gannar aibirnonimaloed, sindigar abin ambikunonimaloed.

Salmo 76:4

Bab-Dummad, bedi dule-gandikidid, bedi yalamar-degisadegu-bukwadba bur gandikidid.

Salmo 77:2

Bab-Dummadse mutikidba bogigusuli an argan-onakgwar gormai daed, degite, amba an-gwage naibi-itodaed.

Salmo 98:3

Bab-Jehová Israel-dulemar-sabesaila maid. Ega ibmar-imakedseye-sogsa-gusad ebinsanonikid. Bela dulemar-napneggi-bukmalad, anmar-Bab-Dummad-bela-bela-e-bendaked daksamalad.

Jeremías 16:19

Bab-Jehováʼye, an suli-suli-itogedgine, be an-ganguedga guedid, be an-ogannogedid, be an-edarbedid. Bela yalamar-ugakaase-bukmaladi bese danimaloed, bega sognonimaloed: “Anmar-dadgan bab-dummadsulid e-bab-dummadga na imaksamalad. Gwen ibmar-nued abingassurmalad, unnila ibmar-igarga-gusulid na abingasmalad.

Jeremías 3:17

”A-ibagangine: ‘Bab-Jehová-ologanaye’ be Jerusalén-bimaloed. Bela dulemar-yar-baid-baidgi-bukwamalad Jerusalén-neggweburse an-nug-odummogega nonimaloed. Bar bemar gwagegi-ibmar-isganagi-binsaedba ibmar imakosurmalad.

Ezequiel 47:5

Deginbali, baid dali-dulataled-ilabo gaka dulabo-gakambe-nanasadse (250) wilubsasbalid, ar dii-suurmakmaid wiladga-gudsoggu, geg an bar obakgusad. Ar bela-bela wilasoggu, unnila dommo-dommo obakleged.

Daniel 4:1

Ani, an Rey-Nabucodonosor gued. Bela we-napneggi dulemar-neggweburmargi-bukwamaladga, dulemar-yar-baid-baidgi-bukwamaladga, degi, dulemar-gwabinduku-akar-akar-sunmakmaladga an soged: Neg-bogidikid bemarga nai guena gadin, degi, bela be ibmargi-nasgumai gusmalana gadin.

Daniel 6:25

Geb degine, Rey-Darío bela we-napneggi neggweburmar-bukwamaladga, dulemar-yar-baid-baidgi-bukwamaladga, degi, dulemar-gwabinduku-akar-akar-sunmakmaladga garda narmaksad: “Neg-bogidikid bemarga nasgumai, degi, bela ibmargi-nasgumai be gusmalana gadin.

Oseas 1:10

”Ar ibagwengine, Israel-dulemar ukub-merguedyob dule-bukib-gunonimaloed. Dogdar-merguedba geg wilubsalege, geg ebislege gunonimaloed. Bia e-annik soglesa, ‘an-neggwebursulidye,’ agine, ‘Bab-Dummad-Dula-Maid-e-mimmiganye’ bilenonikoed.

Levítico 23:40

Gebe-iba-onodoedgine, bur sapimar-nuegangi e-sanmar-nuegan-nanaid, ogobgi-dakleged-e-gagan, sapimar-dummagan-e-anagan, degi, sosgamar bemar amimaloed. Ibagugle (7) bemar be-Bab-Dummad-Jehová-asabin wergumaloed.

Zacarías 10:8

”Ani an ese goloed, ani an gannar danar oambikuoed. An wemar-ollor-imaknonikile, igi iduale dule-bukidar-gumalana, deyobi, gannar gunonimaloed.

Zacarías 2:11

”A-ibagine, bukidar dule-yar-baid-baidgi-bukmalad anba nagumaloed. A-dulemar-bukidarad an-dulamarga gunonimaloed, a-dulemar-abargi an megnonikoed.” Deyobi, wisgunonimaloed, Bab-Jehová-Bela-Gangued-Nikad bemarse an-barmiarye.

Lucas 12:1

Degidgine dule-bukidar mili-miliba Jesúsʼse nonimalad, barmesnanai guarmalad, degidgine, Jesús e-sapinganga-inse sokalid: “Fariseoʼmar-madubur-inagi, nue salakarmar, ar amar yogasaar-darba-sunmakdamalad.

Lucas 21:36

Degisoggu, nue neg-itoagwar be gudii gumar. Gatik Bab-Dummadse gordii gumar. Adi, bemar unnitiba we-ibmar-gudagoedgi be wakinmalagar, degine, a-ibagangi, Dule-Machi-asabin gwage-swilidik gwichigumogagar.”

Juan 12:13

ogob-gagangiid-e-gagan gwachamalad. Degine, Jesús-nug-odummogega Jesús-abin nadmalad. Jesús-dakarmargu, binnasur gotemalad, sogdemalad: “¡Bab-Dummad-nug odummomar! We-dule, Bab-Dummad-nuggi danikid, bela ega ibnuedga gusun. We-Israel-e-Reygi nued binsalesun.” Salmo 118:26

Romanos 11:25

Gwenadgan, an abesurdo, we-igar-dukuar-maid bemar wissuli-gudigued. Adi, wissulidbali, melle na be dukin san-dummarba itomalagar. Ar Israel-dulemar Bab-Gayaburba-abala benmalad. Deyobi, Israel-dulemala, bela Judíoʼsurmalad-nabir-abonolemaloed abonolemaladse, bengudii gumaloed.

Efesios 6:13

Degisoggu, a-ulale, bemar Bab-Dummad-e-gangued-uked-e-mor-burbaled be yomarsun, adi, bemar ibagan-isganagi nabir bela ulusad-sorba amba gandik gwichi guegar.

Hebreos 11:12

Degisoggu, Abraham, bato seredgus-inigwele, e-anagan niisgwamar-nibnegginedyobi ichesuli, ukubmar-ichesur-demar-gakaba-bukwad-geg-ebislegedyobi, ainiar gusad.

Hebreos 12:22

Ar bemardi, Sión-yalase Bab-Dummad-Dula-Maid-e-neggweburse, Nibneggined-Jerusalén-neggweburse warmaknonikid. Baliwitur-ichesur miliba-mergumalad-abalagi be ase warmaknonimalad.

Apocalipsis 11:15

Baliwitur-gugled (7) e-gala-trompeta-ogotegu, nibneggi gayaburbamar-bukidar gole an itosad. Weyob sogmalad: “We-napneggi-negselemaid, bela anmar-Bab-Dummadgadga gunonikid, degi, E-Cristoʼgadga gunonibalid. Degisoggu, degisadegu, amar negdakmai guoed.”

Apocalipsis 22:3

Agine, bar ukabsaleged nikuosulid. A-neggweburgi Bab-Dummad-ologana, degi, Sibad-Wawaad-Mimmi-e-ologana, sii guoed. Agi e-maimar ega nug odummobukwa guoed.

Apocalipsis 3:18

” ’Degisoggu, an be-unasun, anse or-soogi-nudaklegaled be bake, adi, mani-ibedga be guegar. Anse mola-sibu-yoega be bakbar, adi, be ukaswiri-gudiid, melle be bingeguegar. Degine, anse ibya-ina be bakbar, ibyagi na be ina-imakegar, adi, nabir be atak guegar.

Apocalipsis 4:4

We-ologana-dikarba, ologan-gwadulagwen-gakabake (24) ebiris-bukwa an daksad. A-ologangi e-dulagwen-gakabake (24) girmar-selegan egi simalad. A-girmar mola-sibudikidi-yoi bukwamalad, degine, e-nonogi ologurgin-sii bukwamarbalid.

Apocalipsis 5:11

An dakdebargu, an itoalid, baliwiturmar-e-gayaburba bukidar miyon-miyonʼba gole. We-baliwiturmala, ologan-ebilis, ibdula-walabakegwad-ebilis, girmar-selegan-ologana-ebilis gorbukwad.

Apocalipsis 5:9

Ibdula-walabakegwadi, degine, girmar-selegan-dulagwen-gakabakegwadi (24), namaked-binidgi weyob namakbukmalad: “Be burgwisad-ular, bebi sunna garda egaed, bebi sunna e-wilubgan-naid be bisgebalid. Be-ablisgi be Bab-Dummadga dulemar-baksad. Bela dule-ablis-akar-akarmalad, dule-gaya-akar-akar-sunmakmalad, neggwebur-bukwamalad, dule-yar-baid-baidgi-bukwamalad, amar belagwapa be Bab-Dummadga baksad.

Apocalipsis 6:11

Geb dulemar-binnasur-gorbukwadga war-wargwenga mor-sibugan uklesmalad. Geb amarga soglesad: “Amba yoogwer, napi be obunnomargwer. Ar bemar-gwenadgan bemar-sunnaa anga-arbamarmogad, bemaryob burgwemarmogargebed, igi-mergu-burgoye an sogsa, a-warmakedse.”

Apocalipsis 7:8

Zabulón-e-wagangi, miliambe-gakabo wilubgan nasiklesad. José-e-wagangi, miliambe-gakabo wilubgan nasiklesad. Degi, Benjamín-e-wagangi, miliambe-gakabo wilubgan nasiklesmogad.