Apocalipsis 7:3 - Kuna San Blas

³ We-baliwitur-wargwenad baliwiturmar-walabakegwadga sogded: “Melle be napneg oichomargwer, melle be demar oichomargwer, melle be sapimar oichomargwer. Bina anmar Bab-Dummad-e-maiga-gudimalad-e-bebegi Bab-Dummad-wilub bela nasikgweloed. A-sorbali, geb be napneg oichomalo.”

Bab dummad Jesucristoba igar mesisad garda

³ A-anger-wargwenad angermar-walabakegwadga sogded: “Melle napneg, demar, degi, sapimar be ichomargwer, bina anmar Bab-Dummadga-mailedimalad-e-bebegi Bab-Dummad-wilub bela nasiksadse.”

Apocalipsis 7:3 Iomraidhean Croise

Éxodo 12:13

” ’Sibad-wawaad-e-abe bemarga-oyogega guoed, biti bemar-neg gumala. An abe-dakdogua, bemargi an bakar nasoed. Degisoggu, an Egipto-dulemar-oburgwidogua, bemardi wargwensaar burgosurmalad.

Éxodo 12:23

Bab-Jehová Egipto-dulemar-oburgwe-danikile, bela neg-yawagak-dikargi abe-nai-dakalile, a-neggi bakar nasoed. Bab-Jehová, dulemar-oburgwed-baliwitur-danikid be-negyaba-dogega gwen imakosulid. Bab-Dummad gwen-burgwega be-imakosulid.

Isaías 27:8

Ar Bab-Jehová e-dula-sabsur-odurdaksad, e-yalagi-bukwadgi onosad. Igi burwa-ued nega-dulesulidganba-gordae, deyobi, Bab-Jehová, Israel-dulemar-neggwebur-dikasurmaladse-odurdaklegega barmeted.

Isaías 54:17

Dule begi-nakwega, bila-onogedgi-ibmar-ebuleged-yeer-ganguedi, gwen begi obinosulid. Dulemar begi yogasaar-sunmakmaladi, boo-sigega be imakoed. We-ibmarmala anga-arbadimaladga an ukoed. Angine, igar-innikigwad danikid.” Deyobi, Bab-Jehová soged.

Isaías 6:13

Ar dulemar e-dulataledgi (100) amba e-ambe (10) besale, bela amba amar berguoed. Ar sapi-emisgwa-siklesad-e-sailabi gannaa-siidaedyobi wis bemaloed. Geb we-dulemar-bemaloedi neggwebur-islidikidga guoed.

Isaías 65:8

Bab-Jehová weyob soged: “Dule-wargwen uva-san-dukgwen-nued-amisale, sogdaed: ‘An oichogosurye, ar ade, amba nis nikaye.’ Deyopira, an an-maimar-sabed-ulale, belamakale, an-maimar an obelogosulid.

Ezequiel 9:4

Bab-Jehová ega sogded: “Jerusalén-neggweburgi be bipirmaknae. Geb neggweburgi ibmar-isgana-imakleged-ular, dulemar-bukib-binsadidimalad-e-bebegi, degi, bela wile-itodidimalad-e-bebegi, be wilub nasiknae.”

Ezequiel 9:6

Anse-goled-neggi be onodmalo. Sergan, sapingan, yagan, burwigan, degi, omegan be oburgwemalo, mer be wargwensaale dula-gudii imakmalo. Ar dulemar na e-bebegi wilub-nanaiddi mer be oburgwemalo.” Degisoggu, we-dulemala Bab-Dummadse-goled-neg-asabin sergan-bukwamalad-inse oburgwismalad.

Daniel 3:17

Ar soo-ginnitibi-gasiid-yagi anmar-metemalale, anmar-Bab-Dummad, anmar e-nug-odummodiidi sunna soogi, degi, begi, anmar-ollor-imaked.

Daniel 3:26

Deyob sogsagua, Nabucodonosor soo-gasiid-e-yawagak-waliksaar gwisgudapid, geb sogded: —Sadrac, Mesac, Abednego, Bab-Dummad-Bur-Birigined-e-nug-odummodimalad, ¡be nodamala, dagmala! Sadrac, Mesac, degi, Abednego soo-gasiid-yagi-noarmargua,

Daniel 6:16

Geb degine, rey Daniel-sedamalaga igar-uksad. Geb achumigur-bukwad-yagi Daniel egwachamalad. Agine, rey Daniel-niga-ogannogega ega sunmaknai gualid: —Be-Bab-Dummad, be gusgu e-nug-odummodiid, be-bendakena gadin.

Sofonías 2:3

Napneggi bela na san-bipi-imakdimalad, Bab-Jehová amimala. Bab-Jehová-Igar-Maidba-gudidimalad, Bab-Jehová amimala. Igar-inniki-imaked be amimala, san-bipi-imaked be amimala, abakalegi, Bab-Jehová-e-urwed-ibagi, na be dukued amiarmalale.”

Malaquías 3:18

Geb degine, bemar gannar magar-daknonimaloed, doa dule-nuedi, doa dule-isgana. Doa Bab-Dummad-nug odummoge, doa Bab-Dummad-nug odummosuli.

Mateo 24:22

”Ar Bab-Dummad a-ibagan-wileged giar imaksasulina, dulemar a-ibagangi gwen wakinnosurmalanad, bela burgwemaloenad. Emigindi, Bab-Dummad na e-sordamar-bato-nugsaar-ese-gollesmalad-sabedba, a-ibagan giar nasiksad.

Mateo 24:31

Napneg-ugakaase, degi, bela nibneg-ugakaase, an-sordamar-nugsalesmalad-anga-weenaega, an-baliwiturmar gala-binnasur-goled-abargi an barmidagoed. Geb degi, bela danar ambikunonimaloed.

Juan 12:26

Ar dule anga arbabiele, an-sogedba-nanaega anba dagodo. Dule-anga-arbaedi, an-gudiguoedgine gudii gumogoed. Ar dule anga arbaele, an-Bab a-dule-nug odummomogoed.”

Juan 3:33

Ar dule, dule-nibneggi-danikid-sunmaked abingaele, we sognaido, Bab-Dummad-ibmar-soged, napiraye.

Romanos 6:22

Emigindi, be isguedgi-ollorgunonimaladgi, Bab-Dummad-maiga be gunonimaladgi, bega we-ibmardi ibmar-nuedga gunonimalad, be san-swilidik gunonimarsunnad, adi, be burba-geg-bergued nikumalagar.

Apocalipsis 13:16

Ibdula-bebe-warbogwad, deyobi, bela dulemar-burwigana, dummagan, mani-ibmala, wilegana, dule-maiga-gudimalad, maiga-gudisurmalad, wemar-e-argan-nuedgindibe, e-bebegindibe, wilub-nasikega imaknonibalid.

Apocalipsis 13:17

Degine, dule-we-wilub-naisulid gege ibmar baked, gege ibmar ukmarbalid. Unnila dule-ibdula-e-nug-e-wilub-naidbi, e-ebisleged-nug-naidbi, nabir ibmar baked, nabir manigi ibmar ukmarbalid.

Apocalipsis 14:1

Geb sorba an dakdebargu, Sibad-Wawaad-Mimmi Sión-yargi gwichi an dakded. Dulemar mili-dulagugle-gakabake (144,000) eba gwichimalad. We-dulemar, e-bebegine, Sibad-Wawaad-Mimmi-nuga, degi, e-Bab-Dummad-nuga, narmakar naimalad.

Apocalipsis 14:9

Geb degi, baliwitur-baagwad nonimogad. Binnasur sogdemogad: “Ar dule, we-ibdula-unid-e-nug odummogele, we-ibdula-e-wilub-sobaled-e-nug odummogele, degine, e-bebegi e-wilub-nasikdibe, e-argangi e-wilub-nasikdibe,

Apocalipsis 19:2

Ar na dulemarga-igar-naboged napiragwadba, degi, innikigwadba, imaked. Gambanuchu-imakdiidba, we-napneggi-dulemar-ichodigusadba, we-ome-sabsur-odurdaksad. Degi, Bab-Dummad-e-maimar-oburgwisadba, Bab-Dummad we-ome-sabsur-odurdaksad.”

Apocalipsis 20:4

Geb degi, ologanamar bukwa an daksad. A-ganmargi, dulemar-igar-nabomalaga-ega-igar-uklesmalad sigismalad. Geb dulemar-Bab-Jesús-nuggi-sunmakdigusmalad-ular, Bab-Dummad-Gayaburba-ular, dukar-argwachamalad-e-burbagan an dakalid. Ibdula-unid-e-nug gwen odummossurmalad. E-wilub-sobaled-nug gwen odummossurmarbalid. Wemar, e-bebegine, e-argangine, ibdula-unid-e-wilub nasissurmaladid. Amar an dakalid. Amar gannar durgunonimalad. Cristoʼba birga-miligwen (1,000) negdakmai gunonimalad.

Apocalipsis 22:4

Amar Bab-Dummad-wagar asabinmakar dakmaloed, degi, Bab-Dummad-e-nuga e-bebemargi narmakar-nai gumarbaloed.

Apocalipsis 6:6

Agine, ibdula-warbakegwad-abargi gayaburba soge an itosad: “Unnila madubur-gwagwaled-nibirbo ibagwen-arbaoedgi baklegoed. Ibagwen-arbaedgi cebada-nibirnergwa (6) wis baklege gubaloed. Ar olivo-gwallud-e-gargegueddi, degi, vino-e-gargegueddi mer gwagega be imako.”

Apocalipsis 7:1

A-sorbali, baliwiturmar-walabake napneg-naid-sukun-sogabakegi gwichi an daksad. Gwensak, dad-nakwedsik gwichid, baiddi, dad-argwanedsik gwichid, baiddi, dad-nakwed-argan-nuedsik gwichid, baiddi, dad-nakwed-argan-sapiledsik gwichid. Deyobi, we-baliwiturmar, burwa-goled-sogabakegwad-bargani gwichimalad. Adi, we-burwamar melle napagi, demargi, degi, sapimargi, gormalagar.

Apocalipsis 7:2

Degine, baliwitur-baid dad-ibeler-nakwedsik-daniki an daksabalid, Bab-Dummad-Dula-Maid-e-wilub-nasikleged sedanikid. A-baliwitur, baliwiturmar-walabakegwadse binnasur goted. We-baliwitur-warbakegwadga, napneg-ichogega, demar-ichogega, gangued uklesgusad.

Apocalipsis 9:4

A-sesmarga soglesad, mer gagan-nebagangi-nanaid ichogoye, mer bela gaganmar-digarmalad oichobaloye, sapimarse-bakale, mer ebubaloye. Unnila, dulemar-e-bebegi-Bab-Dummad-wilubgan-naisulidbi, be ebugoye.