Apocalipsis 7:16 - Kuna San Blas

¹⁶ A-dulemar bar ukud itogosurmalad, bar uku-ukud itogosurbalid. Degine, bar dad-ibelerba gummakosurmalad, bar neg-diopisulid itogosurbalid.

Bab dummad Jesucristoba igar mesisad garda

¹⁶ A-dulemar bar ukud itogosurmalad, degi, uku-ukud bar itogosurbalid. Degine, dad-ibelergi bar gummakosurmalad, degine, bar neg-diopisulid itogosurbalid.

Apocalipsis 7:16 Iomraidhean Croise

Salmo 121:5

Bab-Jehová be-edarbedid, Bab-Jehová be-dikarba gudiguad.

Salmo 121:6

Ibgine, dad-ibeler be-oakalogosulid, mutikidba, nii gwen be-oakalogosurbalid.

Salmo 143:6

An-argan an besik oyoged, ar igi napa-dinnagwad dii-abedae, deyobi, an bebina soged.

Salmo 42:2

Bab-Dummadbina an nue-soged, Bab-Dummad-san-burba-ukmaidbina an nue-soged. ¿Ar sana Bab-Dummad-asabin an gwisgunonikoe?

Salmo 63:1

¡Bab-Dummad, be an-Bab-Dummadid! ¡Bolegoedba an be-amioed! An uku-uku-itogeyob an bebina soged, an-sana bela bebina soged. Ar igi dule nega-dulesulidganba dii-satedgi dii-amididae, deyobi, an be-amied.

Cantares 1:6

Mer an-uka-sichigwadgi be atakmala, ar dad-ibeler-gaedba, deyob an gusad. An-susmar anse ulusmalad, e-uva-dub-nainu-akwega an-imaksamalad. A-ulale, an-uva-dub-nainu bar an nue akwissurgusad.

Isaías 25:4

Ar be dule-wileged-suli-suli-itodiidga be niga ogannosad. Dule-ibmar-abesa-gudiid, be bendaksa gusad. Igar-bulegan-idu be, e-bendakedga gusad, dad-ibeler-gaed-irwa ibmar-nagueyob ega be gusad. Dule-isganamar-e-bunnoedi, burwa-dummad-noeyobi, galu-matusulidgi-gwichigueyobi gued, nega-dulesulidganba neg-diopisur-itolegeyobi gued.

Isaías 32:2

Dummagan-neggwebur-semaladi, burwa-irwa dulemar-odukueyobi, dulemarga gumaloed. Burwa-dummagan-noed-irwa dulemar-odukueyobi, ega gumaloed. Neg-dinnagwadba dian-maidaeyobi, ega gumaloed. Nega-dulesulidganba akwa-dummad-negsichi-imaksidaeyobi, ega gumaloed.

Isaías 41:17

Bab-Dummad sogdebalid: “Dule-wilemalad, degi, dule-ibmar-abesa-gudimalad, gobega dii amididamalad, degi-inigwele, amidasurmalad. Uku-uku-itogedba gwabin-dinna itogusdamalad. Degi-inigwele, ani Bab-Jehová-guedgi an amar-itogoed. Ani an Israel-dulemar-e-Bab-Dummad-guedgi, an amar walagwen metosulid.

Isaías 49:10

Bemar ukudmaada itogosurmalad. Dad-ibeler-gaedi, degi, neg-ueguedi, budar-itoge be-imakosurmalad. Ar dule-wile-be-daked, be-nioed, dian-aryomamaidba be-sedoed.

Isaías 65:13

A-ulale, Bab-Jehová-Bur-Gangued-Nikad weyob soged: “An-maimar mas-gunmaloed, bemardi, ukudmaad gudigumaloed. An-maimar gobed-nika gudimaloed, bemardi, gobedsuli gudigumaloed. An-maimardi, weligwar-itodii gumaloed, bemardi, bingedar-itodii gumaloed.

Jonás 4:8

Dad nakwiargu, Bab-Dummad, dad-nakwedsikid-burwa diopisur-golega imaksad. Degisoggu, Jonásʼgi dad-dummadi-ganai-gualid. Degidbali, Jonás, sulibinsa-ito-naded, na neg negoe-itoged. Agala, burgwebi-guarsunnad, geb, weyob sogded: “Bitigi an burgwissunnana gadina, ar dula-gudiidba bur-nuedid.”

Mateo 13:21

Ar wemar unnila asginbi Bab-abingasmarsoggu, ibmar-gwag-digaled-e-maligan asgine digaleyobid. Degisoggu, Bab-Dummad-gayaburba-ular wilearmargu, degine, dulemar sabsur e-imakarmargu, Bab-Dummadgi bangudmalad.

Mateo 13:6

Dad gaargu, ibmar-gwag gummakded, ar ade, e-maligan asginesoggu, dinguded.

Mateo 5:6

Dulemar igar-napiragwadbina mas-gunbiedyob-itodimalad, degi, igar-napiragwadbina uku-uku-itodimalad, amargi nued binsalesad. Ar Bab-Dummad, amar nabir igar-innikigwad-imaked imakoed.

Marcos 4:17

Ar wemar unnila asginbi Bab-Dummad-abingasmarsoggu, unnila sikwas Bab-Dummadba nagumalad. Ar Bab-Dummad-gayaburba-ular-wilearmargu, degi, dulemar sabsur-e-imakarmargu, Bab-Dummadgi bangudmalad.

Marcos 4:6

Ar dad gaargudii, ibmar-gwag gummakded, ar e-maligan asgin-nikasoggu, dinguded.

Lucas 1:53

Degine, dulemar-ukumesdimaladga ibmar-bukidar uksad. Degine, dulemar-mani-ibgan, ibmar-sate barmisad.

Lucas 6:21

Bemar-emi-uku-mesdimalad, bemargi nued binsalesad, ar bemar immerbaa itononimaloed. Bemar-emi-bodidimalad, bemargi nued binsalesad, ar bemar allenonimaloed.

Juan 4:14

Ar dii-an-ega-ukoed gobsardi, bar gannar uku-uku itogosulid. Ar dii-an-ega-ukoeddi, dii napa-urba-aryomaiyobi, burba-geg-bergued e-ulubgi nikuoed.

Santiago 1:11

Ar dad-ibeler nakwialile, na e-dutusur-gaedba, dutu-e-gagan odingudaed. E-dutu argwatoed, e-yeerdakleged bergudoed. Debayobi dule-mani-ibed na e-ibmar-nikadi e-ibe bergudmogoed.

Apocalipsis 21:4

”Bab-Dummad we-dulemarga bela ibyanis elioed. We-dulemar bar burgosurmalad. Bab-Dummad, boed ega obelobaloed, bukib-itoged ega obelobaloed. Deginbali, we-dulemar nunmaked bar itogosurmarbalid, ar ade, bela ibmar-iduarmalad bergusad.”