Apocalipsis 7:1 - Kuna San Blas

¹ A-sorbali, baliwiturmar-walabake napneg-naid-sukun-sogabakegi gwichi an daksad. Gwensak, dad-nakwedsik gwichid, baiddi, dad-argwanedsik gwichid, baiddi, dad-nakwed-argan-nuedsik gwichid, baiddi, dad-nakwed-argan-sapiledsik gwichid. Deyobi, we-baliwiturmar, burwa-goled-sogabakegwad-bargani gwichimalad. Adi, we-burwamar melle napagi, demargi, degi, sapimargi, gormalagar.

Bab dummad Jesucristoba igar mesisad garda

¹ A-sorbali an daksad, angermar-walabake napneg-naid-sukun-sogabakegi gwichimar, burwa-sogabake gani-gwichimalad, adi melle napneggi, demargi, degi, sapimargi burwamar golegar.

Apocalipsis 7:1 Iomraidhean Croise

Isaías 11:12

We-dule-danikoedi, dule-ebiega bandergwichiyobi guoed, bela-dulemar-yar-baid-baidgi-bukmalad ese duurmaknonimaloed. Deginbali, bela Israel-dulemar, degi, Judá-dulemar, galesadba-akar-akar-aisakis-bukwamalad gannarse danakwaa urboed.

Isaías 27:3

Ani, an Bab-Jehová, uva-nainu-edarbedga an gued. Bali-bali an-uva-nainu an oged. Melle dule ani oakalogega, mutikidbali, ibginedbali, an-nainu an edarbed.

Isaías 27:8

Ar Bab-Jehová e-dula-sabsur-odurdaksad, e-yalagi-bukwadgi onosad. Igi burwa-ued nega-dulesulidganba-gordae, deyobi, Bab-Jehová, Israel-dulemar-neggwebur-dikasurmaladse-odurdaklegega barmeted.

Jeremías 49:36

Burwa-dummagan an egi barmidoed, bela-napaneg-ebilis an egi burwa sedoed. Napaneg-ugakaase an oaisakioed. Elam-dulemar bela neggwebur-ugakaase ambikuoed, bela neggweburmargi ambikuoedbiid.”

Ezequiel 37:9

Geb degine, Bab-Jehová anga sogded: “Dule-machi, burbaga ibmar-guoed iduakwaa be soge: ‘Bab-Jehová-Bela-Gangued-Nikadi weyob bega igar uked: Burba, bela napneg-ugakagi be dage, geb we-gar-burgwarmaladgi be uboge, adi, gannar durgumalagar.’ ”

Ezequiel 7:2

“Dule-machi, Bab-Jehová-Bela-Gangued-Nikadi Israel-dulemarga weyob-sogye be soge: ‘¡Neg-bergued omosad! Bela Israel-yar-bergued omosad.

Daniel 11:4

Degi-inigwele, na-nue-yar-semaigusale, e-yar-semaid mamaridoed, geb sogabake e-yar mimilegoed. We-rey, e-waganga e-yar-semaid obegosulid. Deginbali, e-yar-semaid Bab-Dummad e-ibe mamarnonikoed, geb dule-bamaladgala uklegoed. We-rey-iduar-negsesayobi, reymar-sorba-megnonimaloed bar gangued nikuosulid.’

Daniel 7:2

Daniel weyob narmaksad: “Mutikidbali an negburgan daksad. Agine, an demar-dummad dakalid. A-demar burwa-sogabake-abin-abin-gormaidbali arwemai an daksad.

Daniel 8:8

”Sibad-machered bur bule gargangumai gualid. Ar na bela-bela bur gargangued-nikadgine, e-ibe bebe-gar-bur-suid bichisad. A-anale, walabake bebe-gar-dummagan noalid. We-bebe-gar-walabakegwadi burwa-sogabake-gormaidsiki nogwismalad.

Jonás 1:4

Agine, Bab-Jehová mataba burwa binnasur-golega imaksad. Geb degidbali, demar bela-bela dunguded, degisoggu, ur mared-naga-gualid.

Zacarías 6:1

Gannar an niba atakdebargua, an negburgan dakarbalid. Agine, yar-gwabo-siid-imbaba bila-onoged-urmar-napagined-walabake nodaniki an dakalid. A-yar-gwabogwadi esgoro-gordikidbi nanaed.

Zacarías 6:5

Baliwitur anga sogded: “We-urmar, burwa-sogabakegwad-gormamaidid. We-burwamar, Bab-Jehová-bela-napneg-ganikid-asabin-arbimalad-sorba, noarmaladid.

Mateo 24:31

Napneg-ugakaase, degi, bela nibneg-ugakaase, an-sordamar-nugsalesmalad-anga-weenaega, an-baliwiturmar gala-binnasur-goled-abargi an barmidagoed. Geb degi, bela danar ambikunonimaloed.

Marcos 13:27

Geb degi, an-baliwiturmar bela napneg-ugakaase, degi, nibneg-ugakaase, an-sordamar-nugsalesmalad anga weenaega an barmidoed.

Apocalipsis 20:8

Nia-saila, e-odurdakleged-neggi-mellesiid nodogu, dulemar-yar-baid-baidgi-bukmalad-yardakega bela napneg-naidse naoed. Dulemar-yar-Gogʼye-nugadgi-bukmaladse naoed, degine, dulemar-yar-Magogʼye-nugadgi-bukmaladse nabaloed, adi, bela e-sordamar danar urbega, Bab-Dummad-ebo bila-onogegar. Nia-saila-e-sordamar-mergued, demar-gakaba-ukub-merguedyobi mergued.

Apocalipsis 6:6

Agine, ibdula-warbakegwad-abargi gayaburba soge an itosad: “Unnila madubur-gwagwaled-nibirbo ibagwen-arbaoedgi baklegoed. Ibagwen-arbaedgi cebada-nibirnergwa (6) wis baklege gubaloed. Ar olivo-gwallud-e-gargegueddi, degi, vino-e-gargegueddi mer gwagega be imako.”

Apocalipsis 7:3

We-baliwitur-wargwenad baliwiturmar-walabakegwadga sogded: “Melle be napneg oichomargwer, melle be demar oichomargwer, melle be sapimar oichomargwer. Bina anmar Bab-Dummad-e-maiga-gudimalad-e-bebegi Bab-Dummad-wilub bela nasikgweloed. A-sorbali, geb be napneg oichomalo.”

Apocalipsis 8:7

Baliwitur-gebedi gala-trompeta-ogotegu, dii-gwamakaled, soo abeba-oburar napnegse babatiargusad. Napneggi-dula-bukwad-sogapaa-soggwen gummaksad. Sapimar-bukwad-sogapaa-soggwen gummaksabalid, degi, gagan-aradgan bela gummaksabalid.

Apocalipsis 9:14

Gayaburba-sunmaked weyob baliwitur-gar-trompeta-ogochadga soge an itosad: “Baliwiturmar-walabakegwad diwar-dummad-Éufratesʼgi-edillebukwad be esikye.”

Apocalipsis 9:4

A-sesmarga soglesad, mer gagan-nebagangi-nanaid ichogoye, mer bela gaganmar-digarmalad oichobaloye, sapimarse-bakale, mer ebubaloye. Unnila, dulemar-e-bebegi-Bab-Dummad-wilubgan-naisulidbi, be ebugoye.