Apocalipsis 5:6 - Kuna San Blas

⁶ Degine, an dakdebalid, ologan-siid-abargi, ibdula-warbakegwad-abargi, degine, girmar-selegan-abargi, Sibad-Wawaad-Mimmi-Babga-oburgwilegar-uklesad-gwichi an daksad. A-Sibad-Wawaad-Mimmi bebe-walagugle (7) nikad, degine, ibya-gwagugle nikabalid. A sogleged, Bab-Dummad-Burba-gugle-bela-we-napneg-naidse-barmilesad (7) e-wilubganye.

Bab dummad Jesucristoba igar mesisad garda

⁶ Degine, an dakdebalid, olo-gan-siid-abargi, ibdula-warbakegwad-abargi, degine, girmar-selegan-abargi, Sibad-Wawaad-Mimmi oburgwiles-gusadyob gwichi. A-Sibad-Wawaad-Mimmi bebe-walagugle nikad, degine, ibya-gwagugle nikabalid. A sogleged, Bab-Dummad-Burba-gugle-bela-we-napneg-naidse-barmilesad e-wilubganye.

Apocalipsis 5:6 Iomraidhean Croise

2 Crónicas 16:9

Ar Bab-Jehová, bela napneg-naid dakmaid, degi, dulemar-egi-bensurmalad-bendakegala guagwar maid. Ar be gegegwaga gussoggu, emi iba-onodoed-akale, bila-onogedbi be gudii sadeguoed.”

Daniel 7:14

Geb a-dulega gargangued, gandikidba-negseleged, degi, nug-dummarba-gued ega uklesad, adi, bela dulemar-gudidiid, dulemar-yar-baid-baidgi-bukwamalad, degi, gwabinduku-akar-akar-sunmakmalad, e-nug odummomalagar. E-neg-ganikidi degisadeguad, gege bergued. E-yar-ganikidi bipisaar berguosulid.”

Daniel 8:3

An gabdakmaidgine, sibad-wawaad-machered diwar-dikarba gunai, an dakalid. We-sibad-wawaad-machered bebe-gar warbo mullusur-nikad. Degi-inigwele, gwensak bur-baidba suid. We-bur-suidi sorba nosad.

Miqueas 4:13

Bab-Jehová sogdebalid: “Sión-dulemar, ¡ogusmar! Oros-omukueyob be dulemar imaknamar. Ar ani an moli-bebe-esgorogi-sobaledyobi gargangued an bega ukoed. Moli-e-nag-goonasi-esgoro-gordikidgi-sobaledyobi, an bega gargangued ukbaloed. Adi, bukidar neggwebur-bamalad napabi-nai be imakegar, degi, bela e-ibmar-nuegan be ei subaligar. Geb agine, a-ibmarmar anga be ukoed. Ani an Bab-Jehová Napneg-E-Dummadga gued.”

Habacuc 3:4

E-dakarmakedi, mala-dakarmakmaiyobi gued. E-argangine malamar milemaid, agine, e-gargangued dukuar maid.

Zacarías 3:9

Josué, an be-asabin akwa-sisad nue be dake. We-akwa wagar-gwagugle (7) nikad. An-sunnagwad an we-akwagi ibmar-soggwen narmakoed. Ani Bab-Jehová-Bela-Gangued-Nikad soged, We-yargi-bukmalad-e-isgued ibagwen-unni an elioed.’

Zacarías 4:10

Dulemar-gebesaila-ibmar-burwigan-imakledgu egi-bengusmaladi, Zorobabel e-argangi dubgi-gingwa-naid-gani dakarmalale, weligwar itodmaloed. We-gwallu-gwagugle-guedi (7), Bab-Jehová-e-ibya gued, bela neg-dirbir-naidgi nakulediid.

Números 7:39

Deginbali, Bab-Dummadga ibmar-ogumakar-ukega we-ibmarmar senonibalid: Moli-bebe-nikad-sapingwagwad, wargwen. Sibad-wawaad-machered, wargwen. Sibad-wawaad-sapingwagwad-birgagwen-nikad, wargwen.

Números 7:57

Deginbali, Bab-Dummadga ibmar-ogumakar-ukega we-ibmarmar senonibalid: Moli-bebe-nikad-sapingwagwad, wargwen. Sibad-wawaad-machered, wargwen. Sibad-wawaad-sapingwagwad-birgagwen-nikad, wargwen.

Lucas 1:69

Bab-Dummadi, e-mai-David-wagwa anmarga barmialid. Bab-Dummadi, anmar-Abonoged-gandikid anmarga ogwisnonikid.

Juan 1:29

A-banedgine, Juan, Jesús-ese-dani-dakargua, sogded: “Be dakmalana, we-dule, Bab-Dummad-Sibad-Wawaad-E-Mimmid, bela dulemarga we-napneggi isgued-osulogedid.

Juan 1:36

Deunni dakalid, Jesús e-walik gudii. Geb Juan sogded: —Be dakmalana, we-dule, Bab-Dummad-Sibad-Wawaad-E-Mimmid.

Gusmalad 8:32

Etiopía-dule, Bab-Dummad-Garda-narmakaled-absonadapid, wegi-narmakar naido: “Igi-sibad-wawaad-senigwad e-oburgwilegedse selesdae, deyobi, selemai gusad. Igi-sibad-wawaad ega-e-absar-siked-abin, gordasuli, deyobi, dulemar-asabin Bab-Jehová-e-mai gaya nikussulid, degi, dulemar-asabin gwen gochasurbalid.

Apocalipsis 1:4

Ani Juan, Jesúsʼba-nanaimalad Asiaʼgi-bukmalad-sogagugledse (7) an we-garda narmaksiid. Bab-Dummad-Dula-Maidi, gusgu-danikidi, degisadegu-mai-guoedi, degi, burbamar-walagugle (7) Bab-Dummad-ologana-asabin-bukwamaladi, degine, Jesucristoʼmala, bemargi nued binsasun, degine, ulubgi bogidik bemar-itogega-imakbarsun.

Apocalipsis 12:11

Ar anmar-gwenadgan, Sibad-Wawaad-Mimmi-ablisba nia-sailagi obichamalad. Gayaburba-napiragwadgi-sunmakdigusmaladgi nia-sailagi obichamarbalid. Ar anmar-gwenadgan naibi-itoged bai gwen itossurmalad. Ar burgweye-soger, guagwar gudigusmalad.

Apocalipsis 13:8

Dule-bela-we-napneggi-bukwamalad, ibdula-unid-e-nug odummodmalad. We-dulemar-nug, Sibad-Wawaad-Mimmi-e-gardagi, naisulid. We-garda, dulemar-dula-gudiguoed-gardad. We-garda, sibad-wawaad-mimmi napneg-nasiklesad-akale-oburgwilesad-e-gardad.

Apocalipsis 14:1

Geb sorba an dakdebargu, Sibad-Wawaad-Mimmi Sión-yargi gwichi an dakded. Dulemar mili-dulagugle-gakabake (144,000) eba gwichimalad. We-dulemar, e-bebegine, Sibad-Wawaad-Mimmi-nuga, degi, e-Bab-Dummad-nuga, narmakar naimalad.

Apocalipsis 17:14

We-reymar Sibad-Wawaad-Mimmi-ebo urwemaloed. Sibad-Wawaad-Mimmi egi obinoed. Ar Sibad-Wawaad-Mimmi dummagan-e-Dummadid, degine, reymar-e-Reyd. Degine, eba-nanaidi, ese gorlesmaladid, sulesmaladid, degine, gwen galakussurmarbalidid.”

Apocalipsis 21:22

We-neggweburgi Bab-Dummadse-goled-neg sii, an daksasulid. Ar ade, Bab-Dummad-Bur-Birigined-Bela-Gangued-Nikadi, degi, Sibad-Wawaad-Mimmi na Babse-goled-negga gubukwad.

Apocalipsis 21:23

We-neggwebur ibegwar-sigegala, dad-ibeler abesulid, nii abesurbalid. Ar ade, Bab-Dummad-gaedba we-neg ibegwar siid, degi, Sibad-Wawaad-Mimmi ega neg-ibegwaledga gubalid.

Apocalipsis 22:1

Degine, a-sorbali, baliwitur diwar-nued, diwar-burba-dula-dule-imaked, anse oyosbalid. We-diwar isbe-daledyobi dakarmakmaid. We-diwar, Bab-Dummad-ologanagi, degi, Sibad-Wawaad-Mimmi-ologanagi, danikid.

Apocalipsis 22:3

Agine, bar ukabsaleged nikuosulid. A-neggweburgi Bab-Dummad-ologana, degi, Sibad-Wawaad-Mimmi-e-ologana, sii guoed. Agi e-maimar ega nug odummobukwa guoed.

Apocalipsis 4:8

Wemar-ibdula-walabakegwadi bela sakan nergwa (6) nikadbimalad. E-sakan-birgine, degine, e-sakan-urbali, bela ibyagibi dakleged. Mutikidbali, degi, ibginedbali, weyob-soged gwen bogilenaisurmalad: “Bab-Dummad-Bur-Biriginedi, Bab-Dummad-Isligwaledid, Bab-Dummad-Isligwaledid, Bab-Dummad-Isligwaledid. Bab-Dummad-Bela-Gangued-Nikad, gudigusad, Bab-Dummad-Bela-Gangued-Nikad, gudiid, Bab-Dummad-Bela-Gangued-Nikad, gudigubaloed.”

Apocalipsis 5:11

An dakdebargu, an itoalid, baliwiturmar-e-gayaburba bukidar miyon-miyonʼba gole. We-baliwiturmala, ologan-ebilis, ibdula-walabakegwad-ebilis, girmar-selegan-ologana-ebilis gorbukwad.

Apocalipsis 5:12

Amar binnasur namakbukmalad: “Sibad-Wawaad-Mimmi-oburgwiles-gusadgarbi, gargangued ega uklegergebed. Bela-ibmar-nikad ega uklegergebed, binsaed-ibed-gued ega uklegergebed, gandikidba-daed ega uklegergebed, e-nug odummolegergebed, gangued-yeerdakleged ega uklegergebed, egarbi namakalegergebed.”

Apocalipsis 5:13

Degine, bela nibneggi-ibmar-obinniles-bukmalad, bela napneggi-bukmalad, napneg-urba-bukmalad, demargi-bukmalad, agi bela ibmar-bukmalad namakbukwa an itosad: “Nug-odummoleged, Nug-ogannoleged, bela-yeerdakleged, bela-gangued, Dule-e-ologanagi-siidga, degi, Sibad-Wawaad-Mimmiga, uklesun. Degisadegu deyob gusun.”

Apocalipsis 5:14

Ibdula-walabakegwad sogbukmalad: “Deyob gusun.” Girmar-selegan-dulagwen-gakabakegwaddina (24), yokorgi sindigar sigidmalad. Dule-degisadegu-dula-maid-e-nug odummodmarsunnad.

Apocalipsis 6:16

Geb amar, yarmarga, akwamarga, binnasuli weyob sogdemalad: “Anmargi be babatidage, Dule-e-ologanagi-siid-idu be anmar-odukue. Sibad-Wawaad-Mimmi sabsur-ulualid-idu be anmar-odukue.

1 Samuel 2:10

”Bab-Jehová e-isdarmalad-obeloged, nibneg-akale egi mar-ogoled. Bab-Jehová we-napneg-ugakaase dule-bukmaladga igar-nabogoed. Bab-Jehová na rey-mesisadga gangued-uked, na e-rey-nug-imaksadga e-gangued ogannoged.”