Apocalipsis 5:5 - Kuna San Blas

⁵ Degidgine, girmar-selegan-wargwen anga sokalid: “Melle be boe. Emigi, Achumigur-Nono-Wawaad Judá-e-wagwasikid-Davidʼgi-danikid bato nakwisad. We-dulebi sunna we-garda egaed, sunna e-wilubgan-gugle-naid (7) bisgebalid.”

Bab dummad Jesucristoba igar mesisad garda

⁵ Degine, girmar-selegan-wargwen anga sokalid: “Melle be boe. Emigi, achu-migur-nono-wawaad Judá-e-wagwa-sikid, Davidgi-danikid sunna we-garda egaega bato nakwisad, degine, sunna e-wilubgan-gugle-naid biskebalid.”

Apocalipsis 5:5 Iomraidhean Croise

1 Reyes 10:20

Aginbali, arsan-welle-wellegedgi, achumigur-nono-wawaad war-wargwen osisad. Walanergwa (6) arsan-argan-nuedsik oambikusad, degi, walanergwa (6) arsan-argan-sapiledsik oambikusbalid. Deyob arsan-welle-wellegwad-nergwamaid-birgi (6) achumigur-nono-wawaad warambe-gakabo (12) bukusad. Weyobi, reymar-baigan-e-ganmar gwen sobledisulid.

2 Crónicas 9:18

Rey-gan-e-nag-onakwed or-sunnabi sobaled. We-rey-gan e-arsan-welle-wellegwad nergwa (6) nika imaksad. Degine, e-argan-mesed abinbela imaksabalid. A-rey-gan-e-argan-gwensak-dikarba achumigur-nono-wawaad-sobale osisad. Walanergwa (6) arsan-argan-nuedsik ambikusad, degi, walanergwa (6) arsan-argan-sapiledsik ambikusbalid.

Job 41:15

Ibdula-Leviatán-e-yargan, sigu-abgaed-senigana-daklegeyob madar-madar nanaid, akwayob dachak-dachak nanaid.

Isaías 11:1

Sapi-siklesad-gannar-ainieyobi, dule-Isaíʼye-nugadgi dule-gwensak nodagoed. E-wagangine, a-dule danikoed.

Isaías 11:10

A-ibagangine, Isaí-e-wagangi-dule-danikoedi, dulemar-iduedga guoed. Bela dulemar-yar-baid-baidgi-bukwamalad ese duurmaknonimaloed. E-neg-megoedi gandikidba-yeerdaklege guoed.

Jeremías 31:16

Weyob Bab-Jehová soged: “Raquel, melle bar be boe, be-boed be bargae, ganna be sae. Ar be-wile-itogedi, bega ibmar-nuedga guoed. Be-mimmigan, e-isdarmalad-yargi nonikoed.”

Daniel 7:16

Geb degine, dule-gwensak-gwichidse an walikaa-naded, geb an ese egichided, an we-ibmar-daksadi, ibu obarye. Geb weyobi anga odulosad:

Números 24:9

Israel-dulemar, achumigur-macheredyobi obunnomeged. Achumigur-omeyobi megisdaed. ¿Wede doa ese achaoe? Gege dule ese achae. ¡Dulemar-begi-ise-nued-sunmakmaladi egi nued sunmaklemogoed. Dulemar-be-ukabsamaladdi, ukabsalemogoed!”

Lucas 23:28

Jesús omegansik aibiridgua, amarga sogded: “Omegan-Jerusalénʼginmalad, mer anga be bomar. Na dukin be bomar, be-mimmiganga be bomar.

Lucas 7:13

Agi Dummad-Jesús dakargu, nue-wile a-ome-dakded, ega sogded: —Mer be boe.

Lucas 8:52

Jesús modapgu, dakdapid bela bobukmala, degi, binnasur ise-wilegar bunologa bonanai. Jesús amarga sogded: —Mer bomar, bunolo burgwar-maisuli, unnila gabmai.

Juan 20:13

Baliwiturmar Maríaʼga sogded: —Omegwa, ¿ibiga be boe? María, abin-sogded: —An-ibe an-Dummad sesmalad. An wissulid, bia an-ibe mesismala.

Romanos 1:3

We-Gayaburba-Nued na E-Machi ukoedgi sunmaked. We-dule, anmar-Dummad-Jesucristoʼd. Dulesiki, David-wagwad.

Romanos 15:12

Amba Isaías weyob narmaksamogad: “Igi sapi-saila nie, deyob Isaí-e-wagwa nodamogoed. Degi, we-dule, belagwapa dulemar-yar-baid-baidgi-bukwamalad-ugakaase negdakmai guoed. Degine, dulemar-baid-baid-danar-danar-bukwamaladi, abonolemalaga, a-dulegi nue-bensuli-edarbedii gumaloed.” Isaías 11:10

Hebreos 7:14

Ar anmar wisid, anmar-Dummad-Jesús, Judá-e-wagwad, a-anagangi nonikid. Moisés, Judá-wagangindi gwen sogsasurgusad, we-dulemar dule-irwa-Bab-Dummadse-goledga gumaloye.

Apocalipsis 1:1

We-yoedse-ibmar-guoed-oyolesadi, Jesucristoʼgadid. Bab-Dummad Jesucristoʼga we-yoedse-ibmar-gumaloed oyosad. Jesucristo, na e-maigan we-ibmar-emissaar-gumaloed-wisgumalaga oyosad. Wisgumalagala, Jesucristo na e-baliwitur e-mai-Juanʼse barmialid.

Apocalipsis 22:16

”Ani an Jesús. An-baliwitur an bese barmialid, adi, anba-nanaimalad-danar-ambikunonidamaladga we-ibmarmar sogegar. Ani an David-e-wagwad, ani an sapi-siklesadgi-e-dutugwad-noardaeyobi Davidʼgi danikid. Ani an niisgwa-wakudar-binnasur-mee-nakwiar-daedbalid.”

Apocalipsis 3:21

” ’Ar dule gwen galakussulile, a-dule anba an-ologanagi-siged an imakoed. Igi an galakussurmoga, an-Bab-e-ologangi an sigismoga, a-dule deyob gumogoed.

Apocalipsis 4:10

We-ibdulamar deyob-sogdemalale, girmar-selegan-dulagwen-gakabakegwadi (24), Bab-Dummad-na-e-ologanagi-siid-asabinni yog-yokorgi sindigar sigiddamalad. Degine, e-ologurgin, Bab-Dummad-ologana-asabin urbiddamalad, gandikidgi sogdedamalad:

Apocalipsis 4:4

We-ologana-dikarba, ologan-gwadulagwen-gakabake (24) ebiris-bukwa an daksad. A-ologangi e-dulagwen-gakabake (24) girmar-selegan egi simalad. A-girmar mola-sibudikidi-yoi bukwamalad, degine, e-nonogi ologurgin-sii bukwamarbalid.

Apocalipsis 5:4

Ar dule-sunna-garda-egaed, dule-sunna-garda-absoged, gwen amilessursoggu, an ise-boaled.

Apocalipsis 6:1

Sibad-Wawaad-Mimmi, gardagi-wilubgan-sogagugle-sakdigar-nanaid-gebed bichis an daksad. Geb ibdula-walabakegwad-gwensak mar-goledyob binnasur weyob soge an itosad: “Be dage. Be dakdage.”

Apocalipsis 7:13

Geb degi, girmar-selegan-wargwen anse egichialid: “¿Be wisi wemar mola-sibu-yoyoimaladde, doamala? Wemarde, ¿bia danimala?”