Apocalipsis 4:8 - Kuna San Blas

⁸ Wemar-ibdula-walabakegwadi bela sakan nergwa (6) nikadbimalad. E-sakan-birgine, degine, e-sakan-urbali, bela ibyagibi dakleged. Mutikidbali, degi, ibginedbali, weyob-soged gwen bogilenaisurmalad: “Bab-Dummad-Bur-Biriginedi, Bab-Dummad-Isligwaledid, Bab-Dummad-Isligwaledid, Bab-Dummad-Isligwaledid. Bab-Dummad-Bela-Gangued-Nikad, gudigusad, Bab-Dummad-Bela-Gangued-Nikad, gudiid, Bab-Dummad-Bela-Gangued-Nikad, gudigubaloed.”

Bab dummad Jesucristoba igar mesisad garda

⁸ Wemar-ibdula-walabakegwadi bela sakan-nergwa nikadbimalad. A-dikarba, degine, yaba, bela ibyagibi dakleged. Gwen bogilenaisurmalad, mutikidbali, degine, neg-ibginedbali sognaigumalad: Bab Dummad, gwage-swilidikid, Bab Dummad, gwage-swilidikid, Bab Dummad, gwage-swilidikid, Bab-Bur-Dummadid, Bab Dummad bur-gangued-nika gudigusad, Bab Dummad bur-gangued-nika gudiid, degine, Bab Dummad bur-gangued-nika gudigubaloed.

Apocalipsis 4:8 Iomraidhean Croise

Génesis 17:1

Abram birga-dulabake-gakambe-gakabakebak-nikadgine (99), Bab-Jehová ese magarononikid, ega sognonikid: —Ani, an Bab-Dummad-Bela-Gangued-Nikadid. An-sogedba be nue-innikii nanadii guo.

Salmo 91:1

Dule, Bab-Dummad-Bur-Biriginedgi-dukued-amiedi, Bab-Dummad-Bela-Gangued-Nika-Maid e-edarbedga guoed.

Éxodo 15:11

Bab-Jehová, ¡bab-dummad-baid bebo wilubdaked sated! ¡Beyob-isligwaled, baid sated! ¡Beyob-dummadid, satebalid! ¡Be ibmar-gegerdakleged-imakedi, dobe-ito anmar-imaked! ¡Ar nabirid, be-nug odummolegergebed!

Éxodo 3:14

Bab-Dummad, Moisés-abin sogded: —ANI AN, AN-GUED. Israel-dulemarga be sogo: ‘AN-GUED bemarse an-barmialid.’

Isaías 13:6

¡Be bomarsun! Bab-Jehová-urwemaid-iba omosad, Bab-Dummad-Bela-Gangued-Nikad bemar sabsur-odurdakoed-e-iba danikid.

Isaías 62:1

An Sión-neggwebur-sabed-ulale, an bogiguosulid. An Jerusalén-neggwebur-sabed-ulale, an obunnogosulid. Geb Bab-Dummad-e-Igar-innikigwad-imaked magar-daklegedse, an bogiguoed. Geb Bab-Dummad-bendakleged, gwinnur-gaedyob-guedse, an obunnogoed.

Ezequiel 1:18

Ibmar-dirbiled-gwabakegwadi, e-olasuga-gunanaid burwisur nanae an daksad. A-olasuga-gunanaidgine, bela ebilis ibyayob bubukwa an daksad. Nue-dobe an ito naded.

Ezequiel 1:5

Soo-abargine ibdula walabake duleyob-daklege an dakarbalid.

Ezequiel 1:6

A-ibdulamala, wagar darbake, sakan walabake nika nanaed.

Ezequiel 10:12

Querubinʼmar e-abagan, e-yargan, e-argan, degi, e-sakanmar, bela ibyabiid. Ar amba ibmar-dirbiled-bipirmakmalad-gwabakegwad bela ibyabimogad.

Joel 1:15

¡Iba-buledi danikid! ¡Bab-Jehová-e-iba bato warmakdanikid! Bab-Dummad-Bela-Gangued-Nika-Maid-e-iba, ibmar-bergued-iba guoed.

Gusmalad 20:31

Degisoggu, nue-salakarmar. Nue-insamalo, birgapaa bane-bane, ibginedba, mutikidba, ibyanis-abalagi, an bemarga binsaed-nued-ukdii nanasad.

2 Corintios 6:18

“Ani an bemar-Babga guoed, bemardi an-masmalaga guoed. Bemardi an-bunamalaga guoed. Deyob Bab-Dummad soged.” 2 Samuel 7:14

1 Tesalonicenses 2:9

Gwenadgan, bemar ebinsamalargebed, anmar mani-amiegala, igi-anmar arbasa, degi, igi-anmar alamaknai gusbali. Anmar bemarga Bab-Dummad-Gayaburba-Nuedgi-sunmakdigusgu, mutikidba, ibginedba, arbanai gusmalad, adi, mer anmar bemarga arbaed-dummadga guegar.

1 Timoteo 4:16

Timoteo, nue-salakar, be-daed nued-oyodii be guo. Deginbali, be-ibmar-odurdaked nuekwaa be odurdakdii gubalo. Ar deyob be imakele, na be san-bendakoed. Deginbali, dulemar-be-itodimalad be bendakbaloed.

2 Timoteo 4:2

Gatik Bab-Dummad-Gayaburbagi nue be sunmako. Dulemar be-itobidibe, dulemar be-itobisurbardibe, amba ega be sunmako. Dule-nodimaladga be gandikidgi-ibmar-sogo, adi, bur-nuekwaa Bab-Igargi nanamalagar. Degi, Bab-Igarba dulemar-nodimalad be nuekwaa odurdako, adi, mer noar bar nanamalagar. Binnalegwadgi be dulemar nue-ogannodii imako, adi, Bab-Jesúsʼba bur-bule nagumalagar. Mer be Bab-Igargi odurdaksuli guo.

Hebreos 13:8

Jesucristo sae-gudigusadyob gudiid, emi-ibagi amba deyob gudibalid. Degisadegu gudii gubaloed, gwen gwagmaisulid.

Apocalipsis 1:4

Ani Juan, Jesúsʼba-nanaimalad Asiaʼgi-bukmalad-sogagugledse (7) an we-garda narmaksiid. Bab-Dummad-Dula-Maidi, gusgu-danikidi, degisadegu-mai-guoedi, degi, burbamar-walagugle (7) Bab-Dummad-ologana-asabin-bukwamaladi, degine, Jesucristoʼmala, bemargi nued binsasun, degine, ulubgi bogidik bemar-itogega-imakbarsun.

Apocalipsis 1:8

Bab-Dummad-Bur-Birigined weyob soged: Ani an Gebesailaginedid, (Alfa). Ani an Napisoladbalid, (Omega). Ani an Bela-Gangued-Nikad, gudiid, ani an Bela-Gangued-Nikad, gudigusad, ani an Bela-Gangued-Nikad, gudigubaloed.

Apocalipsis 11:17

sogdemalad: “Bab-Dummad-Bur-Birigined, be bela gangued-nika maidid. Be dula gudiidid, dula gudigusadid. Ar bela be gangued-susadba, anmar bega dog-nuedye sogmalad. Emigindi, bela na be negdakmaisunnad.

Apocalipsis 14:11

”E-wilesiguoed-e-waa-bupurmaksiid degisadeguoed, gwen bogilesii guosulid. ”We-dulemar-ibdula-unid-e-nug-odummomaladga, degi, a-ibdula-unid-e-nug-wilubgan-narmakar-naidga, obunnoged gwen nikuosulid. Bane-bane oibomai, degisadegu wilesii gumaloed.”

Apocalipsis 14:3

Wemar, ologana-asabin, degi, ibdula-walabakegwad-asabin, degi, girmar-selegan-asabin, namaked-binid namakbukmalad. We-namaked-binid gege dule-baigan durdaked. Unnila dulemar-mili-dulagugle-gakabake-we-napneggi-abonolesmaladbi (144,000), we-namaked wismalad.

Apocalipsis 15:3

Amar, Bab-Dummadga-arbaed-Moisés-e-namaksad namakbukwad, degine, Sibad-Wawaad-Mimmigi-namaklegedgi namakbukwamalad. Weyob namakbukwad: “Bab-Dummad-Bur-Birigined-Bela-Gangued-Nikad, be-ibmar-imakedi, nue-dummarbad. Be ibmar-imakedi, geger-daklegedid. Be, dulemar-yar-baid-baidgi-bukmalad-e-Reyd. Igar-innikigwad, igar-napiragwad be imakbalid.

Apocalipsis 15:7

Ibdula-walabakegwad-wargwen, baliwiturmar-walagugledga (7) olo-noga-gwagugle uksad. We-olo-nogamar Bab-Dummad-degisadegu-dulagudiid-e-urwed ena bukwad.

Apocalipsis 16:14

We-noomar niaburbamalad, sunna ibmar-wilubgan-dakledisurmalad imakmalad. Amar bela-napneg-ugakse reymar-mamaid-danar-oambikumalaga nadmalad, adi, Bab-Dummad-Bur-Birigined-e-ibagi bila-onomalagar.

Apocalipsis 16:7

Baliwitur-baid, Bab-Dummadga-ibmar-ukleged-aila-akar soge an itosbalid: “Eye, Bab-Dummad-Bur-Birigined-Bela-Gangued-Nikad, be-igargan-nabogedi, igar-napiragwadid, igar-innikigwadbi be imaked.”

Apocalipsis 19:15

Dule-moli-sibudikid-birgi-siid-e-gaya-yaba, dule-yar-baid-baidgi-bukmalad-naibisaega, es-suid-nugar-ibed nogwichid. Degine, bela-bela gandikidba negseoed. We-dule, uva-egured-neggi uva-egurelegeyobi, Bab-Dummad-Bela-Gangued-Nika-Maid-e-urwedgi dulemar-sabsur-imakoed.

Apocalipsis 19:4

Degi, girmar-selegan-dulagwen-gakabakegwad (24), deginbali, ibdula-walabakegwad Bab-Dummad-na-e-ologanagi-siid-asabin, bela yokorgi-sindigar e-bebe napase-ebulegedse sigidmalad. Bab-Dummad-nug ogannodmalad. Weyob sogdemalad: “¡Aleluya! ¡Deyob gusun!”

Apocalipsis 21:22

We-neggweburgi Bab-Dummadse-goled-neg sii, an daksasulid. Ar ade, Bab-Dummad-Bur-Birigined-Bela-Gangued-Nikadi, degi, Sibad-Wawaad-Mimmi na Babse-goled-negga gubukwad.

Apocalipsis 3:7

“Anba-nanaimalad-Filadelfiaʼgi-bukmalad-e-baliwiturse garda narmak: ” ‘Dule-isligwaledid, Dule-napiragwadid, Dule-David-yabe-ganikidid sunmakdebalid. We-dule, yawagak-egasar, geg dule bar edied. Yawagak-edisar, geg dule bar egabalid. A-dule, weyob bemarga soged:

Apocalipsis 4:4

We-ologana-dikarba, ologan-gwadulagwen-gakabake (24) ebiris-bukwa an daksad. A-ologangi e-dulagwen-gakabake (24) girmar-selegan egi simalad. A-girmar mola-sibudikidi-yoi bukwamalad, degine, e-nonogi ologurgin-sii bukwamarbalid.

Apocalipsis 4:6

Ologan-siid-asabin, demar-isbe-daledyob-dakleged daklenaid. A-abargine, bia ologan-sii, degi, a-ebirisa ibdula-walabake bukwamarmogad. We-ibdulamar bela yargansik, degine, asabin, ibyagibi daklemalad.

Apocalipsis 4:9

Ar we-ibdula-walabakegwadi, Dule-ologanagi-siid-degisadegu-dula-maid-e-nug odummoddamalad, ogannoddamalad, dog-nuedye ega sogdedamalad.

Apocalipsis 5:6

Degine, an dakdebalid, ologan-siid-abargi, ibdula-warbakegwad-abargi, degine, girmar-selegan-abargi, Sibad-Wawaad-Mimmi-Babga-oburgwilegar-uklesad-gwichi an daksad. A-Sibad-Wawaad-Mimmi bebe-walagugle (7) nikad, degine, ibya-gwagugle nikabalid. A sogleged, Bab-Dummad-Burba-gugle-bela-we-napneg-naidse-barmilesad (7) e-wilubganye.

Apocalipsis 6:1

Sibad-Wawaad-Mimmi, gardagi-wilubgan-sogagugle-sakdigar-nanaid-gebed bichis an daksad. Geb ibdula-walabakegwad-gwensak mar-goledyob binnasur weyob soge an itosad: “Be dage. Be dakdage.”

Apocalipsis 6:6

Agine, ibdula-warbakegwad-abargi gayaburba soge an itosad: “Unnila madubur-gwagwaled-nibirbo ibagwen-arbaoedgi baklegoed. Ibagwen-arbaedgi cebada-nibirnergwa (6) wis baklege gubaloed. Ar olivo-gwallud-e-gargegueddi, degi, vino-e-gargegueddi mer gwagega be imako.”

Apocalipsis 7:11

Baliwiturmar belagwapa ologan-ebilis, girmar-selegan-ebilis, degine, ibdula-walabakegwad-ebilis, gwichimalad. Amar Bab-Dummad-na-e-ologanagi-siid-asabin, dulluu napase imakdemalad, Bab-Dummadse gotemalad, e-nug ogannodmalad,

Apocalipsis 7:15

A-ular, wemar Bab-Dummad-e-ologana-asabin bukmalad. Mutikidba, ibginedba Bab-Dummad-maid-neggi ega ibmar-imaknaigu gumalad. Dule-ologanagi-siid, e-sunnad a-dulemar edarboed.