Apocalipsis 4:3 - Kuna San Blas

³ Dule-a-ologanagi-siid, e-daklegedi akwa-nued-jaspeʼye-nugadyob dakleged, akwa-cornalinaʼye-nugadyob daklebalid. Degine, sue ologana-ebiris maid, akwa-esmeraldaʼye-nugadyob-dakle dakarmakmaid.

Bab dummad Jesucristoba igar mesisad garda

³ Dule-a-olo-ganagi-siid, e-dakleged akwa-nuedi, jaspe-nugadyob, degine, akwa-cornalinayob-dakleged, degine, olo-gana-ebiris sue maid, akwa-esmeralda-nugadyob-dakle dakarmaksiid.

Apocalipsis 4:3 Iomraidhean Croise

Éxodo 24:10

Agi, amar Israel-e-Bab-Dummad daksamalad: E-nag-urbali, zafiro-akwabir-nuedyob, bela swilidik mogir-ara-ara-daklegedyob napa naid.

Éxodo 28:18

Ile-sogbogi be urboed: Akwa-esmeraldaʼye-nugad, akwa-zafiroʼye-nugad, akwa-diamanteʼye-nugad.

Éxodo 39:11

Ile-sogbogine, we-akwamar osismarbalid: Akwa-esmeraldaʼye-nugad, akwa-zafiroʼye-nugad, akwa-diamanteʼye-nugad. Weyob ile-sogbogi bukwad.

Isaías 6:1

Rey-Uzías-burgwisad-birgagine, ani Isaías, Bab-Dummad ologana-biriginedgi-sii an daksad. E-mola-duku ese-goled-neggi bela batenai an daksad.

Ezequiel 1:26

Neg-olloled-dummad-naid-birgi rey-gan siid. Akwa-nued-zafiroʼgi-sobaledyob-daklege siid. Zafiro-ganayob-daklegedgine ibmar duleyob-daklege sii an daksad.

Ezequiel 1:28

Igi dii-wisale, sue megnonidae, deyobi bela ebilis neg-meegwad nai an daksad. Weyobi, Bab-Jehová-e-gangued-yeerdaklegedi an daksad. Deyob an daksagua, yokorgi-sindigale, napase-dulluu wagar-ebulegedse an imaksad. Geb dule anga-sunmake an itosad.

Ezequiel 10:1

A-sorbali, baliwiturmar-querubinʼye-nugmalad e-nono-birgi neg-olloled-dummad nai an daksad. A-neg-olloled-nibali akwa-zafiroʼye-nugadyob ibmar siid, rey-ganyob dakleged.

Ezequiel 28:13

Bab-Dummad-nainu-Edénʼye-nugadgi, be galagwensuli-akwamar uniryeerdaklemalad, a yeerdaklemalad-nai gudii gusanad: Akwa-Cornerinaʼye-nugad, akwa-Topacioʼye-nugad, akwa-arad-Jaspeʼye-nugad, akwa-Crisólitoʼye-nugad, akwa-Beriloʼye-nugad, akwa-Óniceʼye-nugad, akwa-Zafiroʼye-nugad, akwa-Carbuncloʼye-nugad, akwa-Esmeraldaʼye-nugad, degine, ormar. We-akwa-nuegan-nai be aibirdii gusanad. Be-dukargi-nagued, be-sakwagi-nagued, degi, be-uaduki-nagued bela orgi soblesadbiid. Be-obinnilesad-akale, we-ormar bega guagwar-dakles bukwa gusad.

Apocalipsis 10:1

Degi nibneggi baliwitur-baid-gala-ibed aidedani an daksabalid. A-baliwitur mogirgi-atuar aidedanikid. E-nonogi sue maid, e-wagar dad-ibeleryob gaed, degine, e-malimar soowala-gwabunye-gwichiyob daklemalad.

Apocalipsis 21:11

A-neggwebur, Bab-Dummad-yeerdaklegedyob daklemogad. E-gaedi, akwa-nuedi, akwa-garged-jaspeʼyobi gaed, degine, isbe-daledyob swilidik dakleged.