Apocalipsis 4:2 - Kuna San Blas

² Agine, Bab-Burba-Isligwaled burbar ikiir an-sunonikid. Geb nibneggine, ologana-sii an dakalid. Agine, dule-wargwen a-ologangi-sii an daksad.

Bab dummad Jesucristoba igar mesisad garda

² Agine, Bab Dummad Burba Nued yog an nikuded. Degine, nibneggi olo-gana-sii an dakalid, agine, dule-wargwen a-olo-gangi-sii an daksad.

Apocalipsis 4:2 Iomraidhean Croise

1 Reyes 22:19

Micaías sogdebalid: —Bab-Jehová-gayaburba nue be itogo: Bab-Jehová e-ologangi-sii an daksad. E-baliwitur-bila-onomalad e-dikarba e-argan-nuedsik, degi, e-argan-sapiledsik bukwa nanaed.

Salmo 11:4

Bab-Jehová, e-neg-islidikidgi maid. Bab-Jehová, nibneggi ologanagi siid, e-ibyagwar dulemar-ibmar-imaked nue-dakmaid.

Isaías 6:1

Rey-Uzías-burgwisad-birgagine, ani Isaías, Bab-Dummad ologana-biriginedgi-sii an daksad. E-mola-duku ese-goled-neggi bela batenai an daksad.

Jeremías 17:12

Ani Jeremías, an weyob sogded: “Bab-Dummad, anmar-bese-goled-nega, ologana-gandikidba-yeerdakleged-negad, sailanagi bato agi be-nug odummoledanikid.

Ezequiel 1:26

Neg-olloled-dummad-naid-birgi rey-gan siid. Akwa-nued-zafiroʼgi-sobaledyob-daklege siid. Zafiro-ganayob-daklegedgine ibmar duleyob-daklege sii an daksad.

Ezequiel 1:28

Igi dii-wisale, sue megnonidae, deyobi bela ebilis neg-meegwad nai an daksad. Weyobi, Bab-Jehová-e-gangued-yeerdaklegedi an daksad. Deyob an daksagua, yokorgi-sindigale, napase-dulluu wagar-ebulegedse an imaksad. Geb dule anga-sunmake an itosad.

Ezequiel 10:1

A-sorbali, baliwiturmar-querubinʼye-nugmalad e-nono-birgi neg-olloled-dummad nai an daksad. A-neg-olloled-nibali akwa-zafiroʼye-nugadyob ibmar siid, rey-ganyob dakleged.

Daniel 7:9

“An we-ibmar dakgwichidgine, ologanmar silenonikid. Geb Dule-Selebagwad-nuga-nikad signonikid. E-mor booyobi sipuu dakleged, e-sailagia sibad-wawaad-e-absaryobi dagudik dakleged. E-ologanagi, degi, e-ologan-e-nag-urba-orokwagwad-bipirmaked-naidgi, soo gwabunyear daed.

Mateo 22:43

Jesús amarga sogdebalid: —Ar degite, ibiga David Bab-Dummad-Burbaba Cristoʼga sogsunna, ‘An-Dummadye,’ deun soggu:

Hebreos 8:1

Nabir. Emi anmar egi-sunmakdanikidi, anmar sogdanido, dule-irwa-Bab-Dummadse-goled-bur-dummad an nikamarye. A-dule, Bab-Dummad-ologana-argan-nuedsik nibneggi sigdapye.

Apocalipsis 1:10

Bab-itoged-ibagi Bab-Dummad-Burba-Isligwaled bela-bela angi nonikid, an-yarganba gar-trompeta-goleyob binnasur gayaburba gornonikid,

Apocalipsis 12:5

Omega susugwa uklenonikid. We-susugwa bela yar-mamaidgi, sabsur-gandikidba negsemai guoed. We-machigwa ikiir sulenonikid. Bab-Dummad-e-ologanagi-siid-asabin selesad.

Apocalipsis 17:3

Geb baliwitur, Bab-Burbaba nega-dulesulidganba burbar an-sesad. An dakdegu, ome ibdula-unid-ginnid-birgi-sii an daksad. We-ibdula-ginnidgi nugmar-ena egi narmakar naid. We-nugmar-narmakaledi, Bab-Dummadgi ise-urwar gaya-isganamar sunmaknanaid. We-ibdula nono-gwagugle-nikad (7), degine, e-bebe warambe (10) nikabalid.

Apocalipsis 19:4

Degi, girmar-selegan-dulagwen-gakabakegwad (24), deginbali, ibdula-walabakegwad Bab-Dummad-na-e-ologanagi-siid-asabin, bela yokorgi-sindigar e-bebe napase-ebulegedse sigidmalad. Bab-Dummad-nug ogannodmalad. Weyob sogdemalad: “¡Aleluya! ¡Deyob gusun!”

Apocalipsis 20:11

Geb degi, ologana-sipugwad-dummad an dakalid. Dule a-ologangi-sii an daksad. A-asabin, napnega, degine, nibnega, berguus-naded. Amar bar gwen daklessulid.

Apocalipsis 21:10

Geb degine, baliwitur yala-dummad-matusulidse burbale an-sesad. Agi Jerusalén-neggwebur-dummad-islidikid, Bab-Dummad-maid-akale-aidedanikid anga oyosad.

Apocalipsis 21:5

Degine, Dule-ologanagi-siid sogded: “Emigindi, bela ibmar biniganbi an imaked.” Geb degi, anga sogded: “Be narmak, ar ibmar-an-sogedi napiragwadid, innikigwadid.”

Apocalipsis 3:21

” ’Ar dule gwen galakussulile, a-dule anba an-ologanagi-siged an imakoed. Igi an galakussurmoga, an-Bab-e-ologangi an sigismoga, a-dule deyob gumogoed.

Apocalipsis 4:10

We-ibdulamar deyob-sogdemalale, girmar-selegan-dulagwen-gakabakegwadi (24), Bab-Dummad-na-e-ologanagi-siid-asabinni yog-yokorgi sindigar sigiddamalad. Degine, e-ologurgin, Bab-Dummad-ologana-asabin urbiddamalad, gandikidgi sogdedamalad:

Apocalipsis 4:5

Ologan-siidgi mala ibyemaid, mala gollomakmaid, mala uurmakmaid. Ologan-asabin gwallu-gwagugle (7) gasibalid. A sogleged, Bab-Dummad-burba-sogagugle-gued-e-wilubganye (7).

Apocalipsis 4:9

Ar we-ibdula-walabakegwadi, Dule-ologanagi-siid-degisadegu-dula-maid-e-nug odummoddamalad, ogannoddamalad, dog-nuedye ega sogdedamalad.

Apocalipsis 5:1

Dule-ologanagi-siid e-argan-nuedgi garda-bipirmakar-gani an daksad. A-garda abinbela narmakaled. Degine, e-wilubgan-sogagugle (7) egi sakdigar-nai an daksabalid.

Apocalipsis 5:13

Degine, bela nibneggi-ibmar-obinniles-bukmalad, bela napneggi-bukmalad, napneg-urba-bukmalad, demargi-bukmalad, agi bela ibmar-bukmalad namakbukwa an itosad: “Nug-odummoleged, Nug-ogannoleged, bela-yeerdakleged, bela-gangued, Dule-e-ologanagi-siidga, degi, Sibad-Wawaad-Mimmiga, uklesun. Degisadegu deyob gusun.”

Apocalipsis 6:16

Geb amar, yarmarga, akwamarga, binnasuli weyob sogdemalad: “Anmargi be babatidage, Dule-e-ologanagi-siid-idu be anmar-odukue. Sibad-Wawaad-Mimmi sabsur-ulualid-idu be anmar-odukue.