Apocalipsis 4:11 - Kuna San Blas

¹¹ “Bab-Dummad, anmar-Dummad, be-nug ogannoleged, be-nug odummoleged, degi, be dummadga gued. Ar bela ibmar-naid be obinnisad, be-sogedba bela ibmar gudiid, bela be-sogedba ibmar binnis bukwabalid.”

Bab dummad Jesucristoba igar mesisad garda

¹¹ Bab Dummad, anmar-Dummad, be-nug ogannoleged, be-nug odummoleged, degine, be dummadga gued, ar ade bela ibmar-naid be obinnisad, degine, be-sogedba bela ibmar gudiid, degine, bela be-sogedba ibmar binnis bukwabalid.

Apocalipsis 4:11 Iomraidhean Croise

Génesis 1:1

Bab-Dummadi, gebe-negasailaunni, nibneg, napneg obinnisad.

2 Samuel 22:4

Bab-Jehováʼye, innikigwadba be-nug odummoleged. An bese gotele, an-isdarmaladgi be an-bendaked.

Nehemías 9:5

Weyobi, Levita-dulemar: Jesúa, Cadmiel, Bani, Hasabnías, Serebías, Hodías, Sebanías, degi, Petaías sogdemalad: “Bemar gwisgumar. Bab-Jehová-gusgu-maiguad, degisadegu-maigubaloed, a-e-nug be odummomar. ‘Bab-Jehová, be-nug odummolesun. Bur bule be-nug-gandikidgi, nued binsaledii gusana yeerban, ibmar-baiganba bur bule be-nug odummolesana yeerban.

Job 36:3

An-bela-bela-nue-ibmar-wisid an bega oyogwelo. Abali an bega oyogoed, Bab-Dummad-an-obinnisadi innikii ibmar imakmaiye.

Salmo 18:3

Bab-Jehováʼye, be-nug an ogannoged, ar be-nug innikigwadba odummoleged maid. Bab-Jehováʼye, an-isdarmaladgi an bendaklegoed.

Salmo 68:34

Bab-Dummad-e-gargangued magar be dakmala. E-ganguedi, Israel-neggweburgi maid. E-garganguedi, nibneg-akale oyonaid.

Éxodo 20:11

Ar ade, Bab-Jehová ibanergwa (6) arbasad. A-ibagangi we-ibmarmar obinnisad: Nibneg obinnisad, napneg obinnisad, demar obinnisad, degi, bela agi ibmarmar-bukwadi obinnisbalid. Geb degi, ibagugledgindi (7), Bab-Jehová obunnosad. A-ulale, Bab-Jehová, ibagugledgi (7) ise-nued-binsasad. A-ibagi sogsad, we-iba, iba-islidikidye.

Proverbios 16:4

Bab-Jehová-ibmar-imakedi, igar-nikaa imaked. Ar dule-isganagase-bakale, odurdakleged-iba ega imaklesmogad.

Isaías 40:26

Niba be nue atakmar, ¿doa bela we-ibmarmar obinnisa? Bab-Jehová e na niisgwamar-onied, sog-soggwen ilemaked, e-nugbali ese goled. Bab-Jehová-e-ganguedi, ibiyobi dummarba gue. E-garganguedi, ibiyobi gandiki negsemai.

Isaías 40:28

¿Ar ade, be wissursi? ¿Be wisgussursi? Ar Bab-Jehová Bab-Dummad-degisadeguadid, napneg-bipirmaknaid bela obinnisadid, budar-itoged nikasulid, gege geggubalid, e-nue-ibmar-wisidi, gege balamileged.

Jeremías 10:11

Bab-Jehová sogdebalid: “Jeremías, weyob be Israel-dulemarga sogo: ‘Bab-dummagan-gwen-nibneg-imaksasulidi, degi, gwen napneg-nasiksasulidi, nibneg-urbali bela we-napneggi berguoed.’ ”

Jeremías 32:17

” ‘Bab-Dummad-Jehová, bedi be-ganguedba, be-gala-nikadba napneg be nasiksad, be nibneg obinnisad. Bipisaale, bega ibmar-geg-gued niksulid.

Gusmalad 14:15

“¡Girmar! ¿Ibiga be deyob damala? Anmar bemaryobmogad, anmar dule gumalad. Aga anmar bemarga sogmalad, we-igar-isganamar-binsarmalad, be obelomarye. Bab-Dummad-sunnadba bur be nagumarye. Ar a-Bab dula-maid, a nibneg nasiksad, napneg nasiksad, demar nasiksabalid, degi, bela agi ibmar-bukwad urbisbalid.

Gusmalad 17:24

”A-Bab-Dummad we-napneg-naid nasiksad, bela-agi-ibmar-bukwad obinnisad. Ar we-Bab-Dummad nibneg egadsoggu, we-napneg egadsoggu, dule-ese-goled-neg-sobedgi megosurguoed.

Romanos 11:36

Ar ade, bela ibmarmar Bab-Dummadgi danikid. Bab-Dummadgi bela ibmarmar nabir selemaid. Bela ibmarmar Bab-Dummadgadga gubalid. Bab-Dummad-nug degisadegu ogannolemai gusun. Ar deyobdo.

Efesios 3:9

Degine, belagwapa dulemar-baiganga-oyogega anga igar uklesad. We-igar, Bab-Dummad-bela-we-napneg-naidgi-ibmar-urbisadbi iduar wisi mainad. Emigindi, Cristoʼgi magar itolenonisunnad.

Deuteronomio 32:4

Bab-Dummad akwasailayob anmar-odukued, bela ibmar-nueganbi imaked, ar ade, bela e-igarmala igar-innikimaladbiid. Bab-Dummad napiragwadid, egi ibmar-isgana naisulid. Bab-Dummad ibmar-napiragwadbi imaked, ibmar-innikigwadbi imaked.

Hebreos 1:10

Degine, Bab-Dummad e-Machinik sogbalid: “Be, Dule-Dummad, we-napneg-naid gebesailaunni be nasiksad. Degi, nibneg-naid be-argangi be nasiksabalid.

Hebreos 1:2

Emisgwasaardi, Bab-Dummad na e-Machiba anmarga sunmaksad. Bab-Dummad bela ibmar na e-Machigadga-guega imaksad, degine, na e-Machiba bela napneg-naid, degine, nibneg-naid nasiksabalid.

Apocalipsis 1:6

E-Bab-Dummadga reymarga-guega anmar-imaksad, dule-irwa-Bab-Dummadse-gormaladga-guega anmar-imaknonikid. A-Jesucristo-nug odummolesun, e-gangued degisadegu odummomarsun. Ar deyob gusun.

Apocalipsis 10:6

Weyob ise-sogar sogded: “Bab-Dummad-degisadegu-birga-irba-maid, nibneg-nasiksad, napneg-nasiksad, demar-nasiksad, degi, bela amargi ibmar-bukwad urbisad. A-Bab-Dummad-nuggi napira an soged, we-ibmar-guoed-e-ibagandi bato warmaksad.

Apocalipsis 14:7

Baliwitur-gukudiid binnasur sogdiid: “Bab-Dummad-dobee be nanamar, e-nug be ogannomar. Ar e-igar-nabogoed-ibagan omosad. Bab-Dummad-nibneg-nasiksad, napneg-nasiksad, demar-nasiksad, dii-gammumar-mesisad, a-e-nug be odummomarsun.”

Apocalipsis 19:1

We degigusad-sorbali, nibneggi dulemar-bukidara-gole an itosad. Binnasuli weyob sogbukwad: “¡Aleluya! Abonoleged, nug-odummoleged, gandikidba-yeerdakleged, degi, gangued, bela anmar-Bab-Dummadgadid.

Apocalipsis 5:12

Amar binnasur namakbukmalad: “Sibad-Wawaad-Mimmi-oburgwiles-gusadgarbi, gargangued ega uklegergebed. Bela-ibmar-nikad ega uklegergebed, binsaed-ibed-gued ega uklegergebed, gandikidba-daed ega uklegergebed, e-nug odummolegergebed, gangued-yeerdakleged ega uklegergebed, egarbi namakalegergebed.”

Apocalipsis 5:2

Deginbali, baliwitur-gandikid binnasur-gorgwichi an daksad. Weyob soggwichid: “Ar we-gardade, ¿doa sunna egaoe? Ar we-garda-e-wilubgan-nanaidde, ¿doa sunna bisgoe?”

Apocalipsis 5:9

Ibdula-walabakegwadi, degine, girmar-selegan-dulagwen-gakabakegwadi (24), namaked-binidgi weyob namakbukmalad: “Be burgwisad-ular, bebi sunna garda egaed, bebi sunna e-wilubgan-naid be bisgebalid. Be-ablisgi be Bab-Dummadga dulemar-baksad. Bela dule-ablis-akar-akarmalad, dule-gaya-akar-akar-sunmakmalad, neggwebur-bukwamalad, dule-yar-baid-baidgi-bukwamalad, amar belagwapa be Bab-Dummadga baksad.