Apocalipsis 4:10 - Kuna San Blas

¹⁰ We-ibdulamar deyob-sogdemalale, girmar-selegan-dulagwen-gakabakegwadi (24), Bab-Dummad-na-e-ologanagi-siid-asabinni yog-yokorgi sindigar sigiddamalad. Degine, e-ologurgin, Bab-Dummad-ologana-asabin urbiddamalad, gandikidgi sogdedamalad:

Bab dummad Jesucristoba igar mesisad garda

¹⁰ girmar-selegan-dulagwen-gakabakegwad, Bab-Dummad-na-e-olo-ganagi-siid, degi-sadegu dula gudiguad, a-asabin yog-yokorgi-sindigar-sigid damalad, degine, e-olo-gurgin Bab-Dummad-olo-gan-asabin urbid-damalad, sogde-damalad:

Apocalipsis 4:10 Iomraidhean Croise

1 Crónicas 29:20

Degine, geb David bela-dulemar-bukwadga sogded: “Be-dadgan-e-Bab-Dummad-Jehová-e-nug be odummomarsun.” Degidgi, bela-dulemar-bukwad, e-dadgan-e-Bab-Dummad-Jehová-e-nug odummosmalad. Agine, Bab-Jehová-asabin, degi, rey-asabin napase dulluu imaksamalad.

2 Crónicas 7:3

Degidgi, bela Israel-dulemar, soo neggi-aidenoni daksamargua, degi, Bab-Jehová-e-gangued-yeerdakleged neg-birgi-aidenoni daksamarbargua, bela asabin wagar napa-ebulegedse dulluu imaksamalad. Geb Bab-Jehová-nug odummodmalad, dog-nuedgi sogdemalad: “Bab-Jehová, dule-nuedid, e-sabguedi degisadeguad.”

Job 1:20

Degidgine, Job gwichibin imaksad, nunmak-itogedbali mor-dummadyoid siir imaksad, degine, e-nono swiri imaksabalid, napase dulluu imaksad, Bab-Dummad-nug odummosad.

Salmo 115:1

Bab-Jehová, be-nug-odummolegega bega namakleged. Anmar-nug-odummolegega namaklesulid. Be dule-wiledakedba, be ibmar-innikigwad-sogedba, a-ular, bega namakleged.

Salmo 47:8

Bab-Dummad dulemar-yar-baid-baidgi-bukmalad-e-reyga maid, Bab-Dummad e-ologan-islidikidgi siid.

Salmo 72:11

Bela reymar yokorgi-sindigale, e-asabin dulluu imakmaloed. Dulemar-yar-baid-baidgi-bukmaladi, bela ega-arbamaloed.

Salmo 95:6

Dagmala, anmar Bab-Jehová-nug-odummogega napase wagar dulluu imakmala. Anmar Bab-Jehová-anmar-obinnisad-abin yokorgi sindigar sigmala.

Isaías 6:1

Rey-Uzías-burgwisad-birgagine, ani Isaías, Bab-Dummad ologana-biriginedgi-sii an daksad. E-mola-duku ese-goled-neggi bela batenai an daksad.

Daniel 12:7

”Diwargi-dule-linoʼmor-yoid-gwichid nibnegse argan-onaksad, geb Dule-Degisadegu-Dula-Maid-nuggi ise-sogar imaksad: ‘Birgapaa-negabar napid. Dule-islidikidmalad-e-balegilleged-bergusadse, bela we-ibmar gunonikoed.’

Daniel 4:34

“Birgagugle (7) nasad-sorbali, ani, Nabucodonosor, an niba atakded. Geb agi an magar neg-itononikid. Geb degine, Bab-Dummad-Bur-Birigined-e-nug, na degisadegu-dula-maid-e-nug an odummoded: E-negdakmaid degisadeguad, e-negsemaid gege-bergued.

Mateo 2:11

Girmar-dad-nakwe-dorgan, negyaba-dogdemargu, mimmi e-nan-María-walik-gudii dakdapmalad, degi, mimmi-e-nug-odummomalaga yokorgi-sindigar sigidmalad. Degine, girmar-dad-nakwe-dorgan mimmiga ibmar-nuegan-ukmalaga e-ulu egadmalad. Ega we-ibmarmar uksamalad: Olo, ibmar-wawadik-yapanned, degine, sapi-gunnugiid-wawadikmalad-mirraʼye-nugad.

Lucas 24:52

Geb e-sapingana, Jesús-nug-ogannodmalad. Nue-weligwaledba gannar Jerusalénʼse aligusmalad.

1 Corintios 15:10

Ar Bab-Dummad nabir angi binsasadbali, ar emigindi an a-dulega gunonido. A-ular, weyob an gudisunnad. Ar Bab-Dummad angi arbasadi, binsarsunna arbassulid. Ar ade, emarba an bur bule arbasad. Ar ani an arbassulid, Bab-Dummad gangued-anga-uksadba an deyob arbasad.

Deuteronomio 32:40

An surgan-onaksun. An-dula-degisadegu-maid-nukad. Ise-sogar an sogsun:

Apocalipsis 10:6

Weyob ise-sogar sogded: “Bab-Dummad-degisadegu-birga-irba-maid, nibneg-nasiksad, napneg-nasiksad, demar-nasiksad, degi, bela amargi ibmar-bukwad urbisad. A-Bab-Dummad-nuggi napira an soged, we-ibmar-guoed-e-ibagandi bato warmaksad.

Apocalipsis 11:16

Geb degi, girmar-selegan-e-dulagwen-gakabake (24) e-ologangi Bab-Dummad-asabin-bukmaladi, bela napase e-wagar dulluu imakdemalad, Bab-Dummad-e-nug ogannodmalad,

Apocalipsis 15:4

Bab-Dummad, ¿doa be-dobguosuli? ¿Doa be-nug ogannogosuli? Ar bebi unnila dule-isligwaledid. Bela dule-yar-baid-baidgi-bukmalad bese nonimaloed. Amar, Bab-Dummad-be-dakedba, be-nug ogannomaloed. Ar be igar-innikigwad-imaked be oyononikid.”

Apocalipsis 15:7

Ibdula-walabakegwad-wargwen, baliwiturmar-walagugledga (7) olo-noga-gwagugle uksad. We-olo-nogamar Bab-Dummad-degisadegu-dulagudiid-e-urwed ena bukwad.

Apocalipsis 19:4

Degi, girmar-selegan-dulagwen-gakabakegwad (24), deginbali, ibdula-walabakegwad Bab-Dummad-na-e-ologanagi-siid-asabin, bela yokorgi-sindigar e-bebe napase-ebulegedse sigidmalad. Bab-Dummad-nug ogannodmalad. Weyob sogdemalad: “¡Aleluya! ¡Deyob gusun!”

Apocalipsis 4:2

Agine, Bab-Burba-Isligwaled burbar ikiir an-sunonikid. Geb nibneggine, ologana-sii an dakalid. Agine, dule-wargwen a-ologangi-sii an daksad.

Apocalipsis 4:4

We-ologana-dikarba, ologan-gwadulagwen-gakabake (24) ebiris-bukwa an daksad. A-ologangi e-dulagwen-gakabake (24) girmar-selegan egi simalad. A-girmar mola-sibudikidi-yoi bukwamalad, degine, e-nonogi ologurgin-sii bukwamarbalid.

Apocalipsis 4:9

Ar we-ibdula-walabakegwadi, Dule-ologanagi-siid-degisadegu-dula-maid-e-nug odummoddamalad, ogannoddamalad, dog-nuedye ega sogdedamalad.

Apocalipsis 5:14

Ibdula-walabakegwad sogbukmalad: “Deyob gusun.” Girmar-selegan-dulagwen-gakabakegwaddina (24), yokorgi sindigar sigidmalad. Dule-degisadegu-dula-maid-e-nug odummodmarsunnad.

Apocalipsis 5:8

Sibad-Wawaad-Mimmi garda-susgua, ibdula-walabakegwadi, degi, girmar-selegan-dulagwen-gakabakegwadi (24), bela yokorgi-sindigar Sibad-Wawaad-Mimmi-asabin sigidmalad. Amar bela gar-arpa ganikidbimalad, degine, olo-noga ibmar-wawadik-yapanmalad-ena sedidimalad. We-olo-noga, Jesucristoʼgi-akananaimalad-Babse-goled-e-burbagan gued.

Apocalipsis 7:11

Baliwiturmar belagwapa ologan-ebilis, girmar-selegan-ebilis, degine, ibdula-walabakegwad-ebilis, gwichimalad. Amar Bab-Dummad-na-e-ologanagi-siid-asabin, dulluu napase imakdemalad, Bab-Dummadse gotemalad, e-nug ogannodmalad,