Apocalipsis 3:9 - Kuna San Blas

⁹ ” ’Nia-Satanásʼga-onmakmalad Judíoʼmarye-sogmaladi, binsa unnila gakansadimalad. Amar bemarse-daged an imakoed, be-asabin-sindigar-siged an imakoed. Adi, amar an-nue-bemar-sabgusad magar-dakmalagar.

Bab dummad Jesucristoba igar mesisad garda

⁹ “‘Emigindi, Judiomar-onmaked-neggi-danar-ambikunoni-damalad, amar nia-saila-Satanásga-danar-ambikumalad-dulemalad, emarde Judiomarye-sogmalanad, degite deyob dasurmalad, binsa-gakansadimalad, amar bemarse daged an imakoed, degine, be-nag-duku-urba-ambikued an amar-imakbaloed, adi amar wisgumalagar, an nue bemar-sabgusad.

Apocalipsis 3:9 Iomraidhean Croise

Ester 8:17

Bela yarmar-iliba, neggweburmar-iliba rey-igar-mesisad-modapile, Judío-dulemar na weligwar-itoddamalad, yeer-itoddamalad, na iba-dummad onoddamalad. Bukidar dulemar-yar-baidsikmalad Judío-dulemar-dobedba na emarde Judío-duleye sogdemalad.

Éxodo 11:8

“Bela dule-bega-arbamalad anse duurmaknonikoed, yokorgi-sindigar-sii anga sogdamaloed: ‘Be naye, degine, bela be-sordamar-beba-nanaimalad, bela be namarye.’ Agi geb an naoed, iduardi an naosulid.” Bela-bela Moisés nue-urwe Faraón-asabin-gwichi noalid.

Isaías 43:4

An be-muchubbi dulemar-urmakoed, an be-san-burba-muchubbi, dule-bamalad an urmakoed. Ar an bela-belad bemar-sabed. Be an-asabinni, ibiyob be yeerdaklege, be duledar-nued gued.

Isaías 45:14

Weyob Bab-Jehová soged: “Egipto-e-ibmar-nuegan, degi, Etiopía-e-ibmar-nuegan, begadga gumaloed. Sabeo-dule-burwisurmaladi, be-sorba esgoro-dubgi ebipilemai gumaloed. Bemar-asabinni yokorgi-sindigar bukumaloed, ise-wilesakwaa bemarga sogdamaloed: ‘Unnila Bab-Dummad wargwenna-mai, Bab-Dummad-baid suli. We-Bab-Dummadi, bemarba naid.’ ”

Isaías 49:23

Reymar e-mimmiganga be-imakmaloed, degi, rey-omegan be-nanga gumaloed. Be-asabinni, dulluu napase imakmaloed. Degi, maligi ukub-naile, bega elimaloed. Geb agi, be wisgumaloed, ani an Bab-Jehová gued. Dule-angi-bensurmaladi, bingedar itogosurmalad.”

Isaías 60:14

Dulemar-mesagwar-be-imakmalad-e-mimmigan, bese dulluu-ambikunonimaloed. Bela dulemar isdar-be-dakmaladi, be-asabin sindigar-signonimaloed, degi, weyob be-bimaloed, ‘Bab-Jehová-neggweburye, Sión-yala, Israel-dulamar-e-Bab-Dummad-Isligwaledgadye.’

Juan 17:23

Ani an wemarba gudiid, degi, be angi gudimogad. Baba, wemar wargwennayob gumalaga be imake, adi, we-napneggi-dulemar-bukwad mag dakega be an-barmialid, deginbali, mag dakmarbaliga, igi be an-sabgusa, deyobi, be wemar-sabgusmogad.

Apocalipsis 2:9

Bela-be-ibmar-imakedi, an nue wisid. Boniganba-be-galitodiid an nue-wisbalid. Be-wilediid an nue-wisbalid, degi-inigwele, be ibmar nue-nika gudiid. Degine, Judíoʼmarye-na-sogdimalad, amar-be-ukabsadimalad an wisbalid. Ar wemar burbar Judíoʼsurmalad, unnila nia-saila-Satanásʼga-danar-ambikumalad-dulemalad.

1 Samuel 2:36

Be-gwenadgan dula-bemaloedi, we-dule-irwa-anse-goled-asabin yokorgi-sindigar signonimaloed, adi, ese wis mani-egisega, degi, wis mas-egisbaligar. Dule-irwa-anse-goled-innikidaedse weyob wilenai gumaloed: Wis mas-gunnega dule-irwa-Bab-Dummadse-goled-arbaedgi-arbaega be an-imakye.’ ”