Apocalipsis 22:3 - Kuna San Blas

³ Agine, bar ukabsaleged nikuosulid. A-neggweburgi Bab-Dummad-ologana, degi, Sibad-Wawaad-Mimmi-e-ologana, sii guoed. Agi e-maimar ega nug odummobukwa guoed.

Bab dummad Jesucristoba igar mesisad garda

³ Agine, Bab-Dummad-dule-ukabsasad-igar bergunonisunnad. Bab-Dummad-olo-gana, degine, Sibad-Wawaad-Mimmi-e-olo-gana agi sii-guoed. Degine, e-maimar agi ega nug odummobukwa-gumaloed.

Apocalipsis 22:3 Iomraidhean Croise

Salmo 16:11

Igar-nuedba-gudigued be anga oyosad, be-asabinni bela-belad weligwar-gudii be an-imaked. Be-yalaba degisadegu-gudiid an yeer-itoged.

Salmo 17:15

Bab-Jehováʼye, andi, ibmar-oakalossurye be angi-sogsadba, an be-wagar dakoed. Sikwas an be-wagar-daksale, bato gusbin an itogoed.

Isaías 12:6

Sión-yalagi-bukmalad, weligwaledba be namakmar, weligwaledba be gormakmar. Israel-dulemar-e-Bab-Dummad-Isligwaled, bemar-abargine Dule-Gandikidid.”

Isaías 51:11

Bab-Jehováʼgi-bendaklesmalad gannar nonimaloed, weligwaledgi namakagwale Sión-yalase dognonimaloed. Weligwar-itodiidi, magasar na e-wagargi oyomaloed. Wergudii gumaloed, na yeer itomaloed. Bukib-binsadiidi, gwage-nunmak-itodiidi, bela bergudoed.

Ezequiel 37:27

Wemar-abargi an gudiguoed, an e-Bab-Dummadga guoed, degi, emar an-dulamarga guoed.

Ezequiel 48:35

”Galu-matusulid-neggwebur-ebiris-megoedi, dali-milibake gaka dulataled-ilatar (4,500) suguoed. ”A-iba-onodoedgi neggwebur weyob nugguoed: ”bab-jehová wegi maiye.”

Zacarías 14:11

Jerusalén-neggweburgi gannar dulemar megega ambikunonimaloed, agi neg-bogidik nagunonikoed, bar bipisaale obergulegosulid.

Mateo 25:21

”E-dummad ega sogded: ‘Nued, be mai-nued, be gwen-galakussulid. Ar ibmar-ichesaaledgi gwen galakussuli be arbasad, ibmar-ichesur an bega uksun. Degisoggu, anba be wergudasun.’

Mateo 25:41

”Geb degi, dulemar an-argan-sapiledsik-bukmaladga an sogdagoed: ‘Angi be bangumar, bemar bato ukabsalesmalad. Nia-sailaga, degi, e-baliwiturmarga, soo-saila-geg-bergued bato guagwar-siidse be namar.

Juan 12:26

Ar dule anga arbabiele, an-sogedba-nanaega anba dagodo. Dule-anga-arbaedi, an-gudiguoedgine gudii gumogoed. Ar dule anga arbaele, an-Bab a-dule-nug odummomogoed.”

Juan 13:32

Ar ani Dule-Machi, Bab-Dummad-nug an odummogele, Bab-Dummad an-nug odummomogoed. Degi, ar emiskwaa an-nug odummogoed.

Juan 14:3

An bemar-idu-naogu, an bemarga neg-guagwar-sisale, an bemar-sudagega gannar an danibaloed. Adi, an-gudiguoedgi, bemar anba gudii gumogagar.

Juan 17:24

”Baba, be anga-dulemar-uksadi, an neg-megoedgi, anba megbi an abemogad. Adi, wemar an-gangued-yeerdakleged be anga uksadi dakmalagar. Ar ade, amba yoo we-napneg-nagued-iduar bato be an-sabgusad.

Deuteronomio 27:26

‘Dule-gwensak, we-Igarmar-Mamaid baisur-dakele, eba nanasulile, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’ ”

Apocalipsis 7:10

Wemar binnasur gorbukmalad, sogbukmalad: “Anmar-abonolegedi, anmar-Bab-Dummad-ologanagi-siidgi danikid, degi, Sibad-Wawaad-Mimmigi danikid.”

Apocalipsis 7:9

A-sorbali, an dulemar-bukidar dakdebalid. Dog-merguedba geg ebisleged: Bela dulemar bukwadi, soga-iliba dulemar-yar-baid-baidginmalad bukwamalad, bela soga-iliba dulemar-ablis-galagwenmalad bukwamalad, bela soga-iliba dulemar-baid-baid-danar-danar-bukwamalad, degi, bela soga-iliba dulemar-gaya-akar-akar-sunmakmalad bukwamalad. Wemar, ologana-asabin, degine, Sibad-Wawaad-Mimmi-asabin bukwamalad. Bela mola-sibu-yoyoi bukwamalad. E-arganmargine, ogob-gagangiid-gagan gani bukmarbalid.