Apocalipsis 21:4 - Kuna San Blas

⁴ ”Bab-Dummad we-dulemarga bela ibyanis elioed. We-dulemar bar burgosurmalad. Bab-Dummad, boed ega obelobaloed, bukib-itoged ega obelobaloed. Deginbali, we-dulemar nunmaked bar itogosurmarbalid, ar ade, bela ibmar-iduarmalad bergusad.”

Bab dummad Jesucristoba igar mesisad garda

⁴ “Bab Dummad we-dulemarga bela ibyanis elioed. We-dulemar bar burgosurmalad. Bab Dummad boed ega obelobaloed, degine, bukib-itoged ega obergubaloed. Deginbali, we-dulemar nunmaked bar itogosurmarbalid, ar ade bela ibmar-iduarmalad bergusad.”

Apocalipsis 21:4 Iomraidhean Croise

Salmo 144:4

Ar dule unnila gayagi buu-imaklegaledid. Ar e-ibagan unnila negsichigwad-ukiar-nasdaeyobid.

Isaías 25:8

Ani Bab-Jehová, burgwed-igar degisadegu obelogoed. Degi, bela dulemarga ibyanis elioed, bela napneggi, e-dulamar-mesagwar-gudiid onogoed.” Ar Bab-Jehová, e-sunnad deyob sogsad.

Isaías 30:19

Sión-dulemar Jerusalén-neggweburgi-mamaid, bipisaale, bar be boosurmalad. Bab-Dummad be-bendakega ese binnasuli be gornanaile, Bab-Dummad-dule-wiledakedi, wile be-dakoed. Be-itosayalabali, be-abinsaoed.

Isaías 35:10

Bab-Jehováʼgi dulemar-bendaklesmaladbi, gannar Sión-yalase yeer-itogedgi dognonimaloed. Weligwale itodmaloed, yeer itodmaloed. Bukib-binsaedi egi yoggudoed, wiles-itogedi egi yoggudbaloed. Bela weligwaledbi itodmaloed.

Isaías 51:11

Bab-Jehováʼgi-bendaklesmalad gannar nonimaloed, weligwaledgi namakagwale Sión-yalase dognonimaloed. Weligwar-itodiidi, magasar na e-wagargi oyomaloed. Wergudii gumaloed, na yeer itomaloed. Bukib-binsadiidi, gwage-nunmak-itodiidi, bela bergudoed.

Isaías 60:20

Dad-ibeler bar bega argwanosulid, degi, nii-gaedi gwen mommolegosurbalid. Ar ani Bab-Jehová be-gwallu-meegwadga degisadegu guoed. Geb agi be-wile-itodiidi bergunonikoed.

Isaías 61:3

degi, Sión-dulemar-gwage-nunmak-itodimalad-niga ogannoegar. An-barmialid, nonogi-buru-biin-gudiid-muchub, ega ologurgin ukegar. An-barmialid, wile-itoged-muchub, weligwaledba ega gwallu-wawad ukegar. An-barmialid, bukib-binsadiid-muchub, ega weligwar-itoged ukegar. Geb degine, wemar weyob biledmaloed: ‘Igar-innikigwad-urwar-sapimarye.’ Bab-Jehová na e-gangued-oyogega digsad.

Jeremías 31:12

Nonimaloed, Sión-yala-birse weligwar namaknonimaloed, Bab-Jehová-ega-ibmar-nuegan-ukedgi yeer-itomaloed. Bab-Dummad ega we-ibmar ukoed: Orosgi-dakleged-trigo-nugad, vino-binid, olivo-gwallu, sibad-wawaadmar, moli-bebe-nikmalad, ega ukoed. Nainu-senigwad-nue-egi-arbalediidyob gumaloed, bar abgan-galagan itogosurmalad.

Jeremías 31:13

Weligwaledba yagana gwirdemaloed, sapingana, weligwaledba serganmala gwirdemarmogoed. E-naibi-itodimalad bar nunmake itogosurmalad, gwagegi-baisur-itomalaga an imakoed. E-nunmak-itomalad, yeer-itogega an saoed.”

Oseas 13:14

”¿Degite, amba neg-uan-e-ganguedgi bemar-bendakbi be an-abede? ¿Burgwedgi an bemar-bendakode? Burgwed, ¿bia be-boni-dummadgande nadsunna? Neg-uan, ¿bia be-dule-obeloged nadsunna? Burgwed, neg-uan, be dagmar, wile bar an wemar-dakosulid.

Mateo 24:35

Nibnegdi, napnegdi bela berguoed. An-gayaburbadi gege bergued, degisadeguoed.”

1 Corintios 15:26

Cristo solaba e-isdarad-napi-osulogoedi, burgwedid.

1 Corintios 7:31

Degi, we-napneggined-ibmarmargi be yeer itodimalad, we-napneggined-ibmarmargi yeer itodisulidyob be nanamarsun, ar ade, we-napneg-daklegedi bergudoed.

2 Corintios 5:17

Degisoggu, dule Cristoʼgi akanonikile, dule-gwapidga gued. Ibmar-sergandi bela ega bato nasad. Emigindi, bela ibmar-biniganbi ega gued.

2 Corintios 6:17

A-ulale, Bab-Dummad-Bela-Gangued-Nikad weyob sogbalid: “Dulemar-an-wissurmalad-abargi-bemar-gudiid ainimar, egi bemar bangumarsun. Ibmar-isgana mer ebumalo, geb degiir, an be-abingamaloed.” Isaías 52:11

Hebreos 12:27

We-degisogedi: “Napi-ilagwenye.” We obardo, sunna-ibmar-ainirmaladdi, ibmar-obinnilesmaladdi, onirleye, adi, ibmar-geg-ainirmaladdi degisadegu nai guegar.

2 Pedro 3:10

Bab-Jesús-danikoed-iba, igi atursamalad dule-wissuli ukiagwar nonidamala, deyob Bab-Jesús-iba ukiar nonikoed. A-ibagi, nibneggi binnasur ibmarmar gollomakdoedba, nibneg bergudoed. Agine, bela ibmar-sailaga-gubukmalad soo-sailaba daludoed. Napneg, degi, egi-ibmar-bukmalad bela eba gummakdemogoed.

1 Juan 2:17

We-napneg-naid berguoed, degine, e-ibmar-abeleged bergubaloed, ar dule Bab-Dummad-sogedba-ibmar-saeddina degisadeguoed.

Apocalipsis 20:13

Geb degi, demargi dulemar-burgwismalad ainialid. Burgwed-igar, degi, Neg-uan-Hadesʼye-nugad, burgwarmalad-mamaid uksad. Bela amarga, emar-ibmar-imaksamaladba ega igar itolesmalad.

Apocalipsis 20:14

Degine, burgwed-igar, degi, burgwarmalad-meged-Hadesʼye-nugad, soo-mata-dummad-gwakwarmaksiidgi melledmarmogad. We, soo-mata-dummad-gwakwarmaksiidi, burgwed-ilabogwad gued.

Apocalipsis 21:1

A-sorba, nibneg-binid, napneg-binid, an daksad. Ar nibneg-gebe-naigusad, degi, napneg-gebe-naigusad, bergusad. Degine, demar bar naisulid.

Apocalipsis 22:3

Agine, bar ukabsaleged nikuosulid. A-neggweburgi Bab-Dummad-ologana, degi, Sibad-Wawaad-Mimmi-e-ologana, sii guoed. Agi e-maimar ega nug odummobukwa guoed.

Apocalipsis 7:17

Ar Sibad-Wawaad-Mimmi-ologan-abargi-siid, sibad-wawaad-edarbedamaladyob, amar-edarboed. Dianmar-burba-dulad-ukedse sedoed. Agine, Bab-Dummad bela amarga ibyanis elioed.”