Apocalipsis 2:11 - Kuna San Blas

¹¹ ” ’Ar dule magar-itogele, Bab-Burba-Isligwaled anba-nanaimalad-bukmaladga-soged, nue itogo. Ar dule gwen galakussulile, gannar-burgwed-danibaloedgi bar wilegosulid.’ ”

Bab dummad Jesucristoba igar mesisad garda

¹¹ “‘Ar dule ibmar sunna itogele, nue itodo, Bab Dummad Burba Nued soged, Bab-Jesúsba-nanaimalad-danar-ambikunoni-damaladga. Ar dule gwen galakussulile, bar irbogi wilegosulid, gannar-burgwed-danibaloedgi.’ ”

Apocalipsis 2:11 Iomraidhean Croise

Mateo 11:15

Bemar mag nue-itobiele, an bemarga ibmar soged nue-itomar.”

Mateo 13:9

Geb Jesús sogdebalid: “An-bemarga-ibmar-soged bemar mag nue-itobiele, nue-itomar.”

Marcos 4:9

Jesús sogdebalid: “Bemar mag nue-itobiele, nue-itomar.”

Marcos 7:16

Bemar nue-itobiele, nue itomar.

Lucas 8:8

”Ar ibmar-gwag napa-nuedgi-babatismaladdi, dungudgu, nue-sanmaksad, bela-bela san-nikusad.” Ar weyob Jesús dulemarga sunmaksigu, binnasur sogded: “An-bemarga-ibmar-soged bemar mag nue-itobiele, nue-itomar.”

Apocalipsis 13:9

Ar dule nue-ibmar-itobiele, nue itogo.

Apocalipsis 2:17

” ’Ar dule magar-itogele, Bab-Burba-Isligwaled anba-nanaimalad-bukmaladga-soged nue itogo. Dule-gwen-galakussulidga, mas-Manáʼye-nugad-odukuar-maid-gunnega an ega ukoed. Degi, akwa-sipugwad-bipigwad an ega ukbaloed. A-akwagi nug-binid narmakar naid. A-nug-narmakar-naid dule-baid gwen wissulid. Unnila, we-nug-narmakar-naid, dule-akwa-abingaoedbi wisid.’ ”

Apocalipsis 2:7

” ’Ar dule magar-itogele, Bab-Burba-Isligwaled anba-nanaimaladga-soged nue itogo. Dule-ibmar-isgana-birgi-nakwismaladga sapi-durba dula-dule-saed-gunnega an imakoed. We-sapi, Bab-Dummad-nainu-nued-abargi gwichid.’ ”

Apocalipsis 20:14

Degine, burgwed-igar, degi, burgwarmalad-meged-Hadesʼye-nugad, soo-mata-dummad-gwakwarmaksiidgi melledmarmogad. We, soo-mata-dummad-gwakwarmaksiidi, burgwed-ilabogwad gued.

Apocalipsis 20:6

Dule-gebe-gannar-durguedgi-durgusad, we-dulegi nued binsalesad, degine, we-dule gwage-swilidikidid. Ar we-dule burgwed-sorba-danikoedgi bar burgosulid. Ar we-dule, dule-irwa-Bab-Dummadse-golega guoed. We-dule Bab-Dummadgadid, degine, Cristoʼgadbalid. We-dule Cristoʼba birga-miliba (1,000) negdakmai guoed.

Apocalipsis 21:7

”Ar dule gwen galakussulile, we-ibmar bela ega uklegoed. Ani an e-Bab-Dummadga guoed, e an-machiga gumogoed.

Apocalipsis 21:8

Dule-doberbamaladdi, angi-gadi-bengumaladdi, ibmar-isgana-imakedba isdar-daklemaladdi, dule-gindakmaladdi, na-abirgunagwarsuli-negsichigi-yoledimaladdi, ina-isganagi-dulemar-yardakmaladdi, bab-dummaganga-imaklegedse-gormaladdi, degine, bela dule-gakansilimaladdi, soo-mata-dummad azufreʼba-mesa-gwakwarmaksiidgi melledmaloed. Ar we, burgwed-ilabogwad gued.”

Apocalipsis 3:12

” ’Ar dule gwen galakussulile, an Babse-goled-neg-e-bubawaryob an imakoed. A-dule gwen bar agi onolegosulid. A-dulegine, an-Bab-Dummad-nug, degine, an-Bab-Dummad-neggwebur-e-nug, an narmakoed. We-neggweburde Jerusalén-binidid, nibneggi-aidedanikidid, an-Bab-Dummad-barmialidid. Degine, an-nug-binid an a-dulegi narmakbaloed.

Apocalipsis 3:13

Ar dule magar-itogele, Bab-Burba-Isligwaled anba-nanaimaladga-soged nue itogo.’ ”

Apocalipsis 3:5

” ’Ar dule galakussulile, a-dule mola-sibudikid yooed. A-e-nug burba-dulad-gardagi-narmakar-naid an gwen eliosulid. An-bab-asabin, degi, e-baliwiturmar-asabin a-dulegi an sogoed, we, anba-naidye.

Apocalipsis 3:6

Ar dule magar-itogele, Bab-Burba-Isligwaled anba-nanaimaladga-soged nue itogo.’ ”